ዮሃኒሳ ኣጁታ 7:16 - Geeshsha Maxaafa

¹⁶ Hayssafe guye istti gafettenna; saamottettenna; arshe seelaykka istta bochchennanne hombeyka istta hombenna.

ጋሞ ማጻፋ

¹⁶ ሃይሳፌ ጉዬ ኢስቲ ጋፌቴና፤ ሳሞቴቴና፤ ኣርሼ ሴላይካ ኢስታ ቦቼናኔ ሆምቤይካ ኢስታ ሆምቤና።

Gamo Geesha Maxxafa New Testamen

¹⁶ Hayssafe guye istti gafettana, saamotettena, awa seelayka istta bochchena, hombeyka istta hombena.

ዮሃኒሳ ኣጁታ 7:16 Referans Kwoze

ኢሳያሳ ቲንቢቴ 49:10

Istti gafettettenna woykko saamettettenna; istta bazzo biitta seelay woykko awa seelay qohenna. Isttas qadhettizay istta kaaleththana; haaththa pulttoy dizason istta heemmana.

ዮሃኒሳ ሚሺራቾ 4:14

Ta immiza haaththe uyizaadey gidikko mernaas mulekka saamettenna; gaasoykka ta immiza haath uyizaades mernaa de7os pulttiza pultto haaththe gidana» gides.

ዮሃኒሳ ኣጁታ 21:4

Izi istta ayfeppe afunth ubbaa quccana; kase wogay aadhdhida gishshas hayqoy woykko muuzoteththi woykko yeehoy woykko waayey hayssafe guye deenna» giza gita qaalay kezishin tani siyadis.

Maatosa 5:6

Xilloteth gafizaytinne saamettizayti anjjettidayta; ays giikko istti kallana.

ዬ ማጻፋ 121:6

Gallassa away nena xuuggenna; omarsa aginaykka nena qohenna.

ሉቃሳ ሚሺራቾ 6:21

«Intte guyeppe kallana gishshas ha7i gafizaytoo! Intte anjjettidayta; intte guyeppe miiccana gishshas intteno ha7i yeekkizaytoo! Intte anjjettidayta;

ሉቃሳ ሚሺራቾ 1:53

Gafidayta lo7o miishshan kalssides; dureta gidikko mela kushe yeddides.

ኢሳያሳ ቲንቢቴ 41:17

Hiyeesatinne metotanchchati haath koyana; gido attiin aykkoka demmettenna; haaththa saamon isttas poorandey melides; Gido attiin tani GODAY isttas zaaro immana; tani Isra7eele Xoossay istta yegga aggike.

ኢሳያሳ ቲንቢቴ 25:4

Neni hiyeesatas zemppo; Metotanchchatas meto wode neni zemppo; gote carkofe geemmi attizaso; awa seelappe kuwattizaso gidadasa. Gaasoykka menxe iitata peenoy keeththa godara icettiza gote carko mala.

ኢሳያሳ ቲንቢቴ 65:13

Hessa gishshas, Ubbaa Haariza GODAY, «Be7ite, ta ashkarati maana; intte gidikko gafana; ta ashkarati uyana; intte gidikko saamettana; Ta ashkarati ufayettana; intte gidikko yeellatana.

Maatosa 13:6

Gido attiin away awattiin shullidinne xapho yeddontta aggida gishshas melides.

Siiqo Saba 1:6

Ta medha kareththiday awa seela; tani kareth gidida gishshas tana kadhopite. Ta aayi naa ishati tanara ooyettidi tana woyne atakilte naaganaas woththida; hessa gishshas tani tayssa naagabeekke.

ዬ ማጻፋ 42:2

«Ta shemppoya tani baada Xoossa sinth beyanay awudeeshshaa?» gaada Xoossa, de7o Xoossa saamettadus.

ያቆቤ ኪታ 1:11

Arshey xuuggidi maata shullisees; maata ciishshayka shullees; iza lo7eteththika dhayees; hessaththoka durey hach hach daabursan dishin iza dureteththi dhayees.

ማርቆሳ ሚሺራቾ 4:17

Gido attiin istti xapho yeddontta gishshas guuththa wode gam7ishin qaalaa gaason metoy woykko goodetay asata bolla yiza wode heerakka dhuphetteettes.

ማርቆሳ ሚሺራቾ 4:6

Gido attiin arshey kezida mala shullidi xapho yeddontta gishshas melides.

Maatosa 13:21

Gido attiin xapho yeddanaas dandayontta aggida gishshas daro gam7ontta qaalaa gaason metoynne goodeteththi yiza wode eleli dhuphettees.

ዮናሳ ቲንቢቴ 4:8

Arshey mokkiza wode Xoossay xuuggiza carko arshey mokkiza baggafe yeddides; hessafe dendidayssan Yoonaasi daaburana gakkanaas away Yoonaasa hu7e xuuggides; histtiin izi, «Paxa daanaappe taas hayqoy lo7o» gides.

ኢሳያሳ ቲንቢቴ 32:2

Asi hu7en hu7en carkofe geemmizasoho, goteppeka baqati attizasoho gidana; bazzo biittan haaththa pultto mala, saamettida biittan wogga zaalla kuwa mala gidana.

ዬ ማጻፋ 143:6

Tani ta kusheza neekko miccays; mela biittay haath koyza mala ta shemppoya nena saamettadus.

ዬ ማጻፋ 63:1

Abeet Xoossawu! Neni ta Xoossa; ta nena wozinappe koyays; ta ashoykka nena amottees. Haaththi baynda mela biittay haath koyza mala ta asateththay nena saamettees.

ዬ ማጻፋ 121:5

GODAY nena naagizayssa; GODAY nees ushachcha baggara kuwa gidana.