ዮሃኒሳ ኣጁታ 4:11 - Geeshsha Maxaafa

¹¹ «Nu Godaa Xoossoo! Neni ubbaa medhdhida gishshas medheteththi wurikka medhettidaynne shemppora dizay ne shenen gidida gishshas gitateththi, bonchchoynne wolqqayka nees bessees» gida.

ጋሞ ማጻፋ

¹¹ «ኑ ጎዳ ጾሶ! ኔኒ ኡባ ሜዳ ጊሻስ ሜቴ ዉሪካ ሜቲዳይኔ ሼምፖራ ዲዛይ ኔ ሼኔን ጊዲዳ ጊሻስ ጊታቴ፥ ቦንቾይኔ ዎልቃይካ ኔስ ቤሴስ» ጊዳ።

Gamo Geesha Maxxafa New Testamen

¹¹ “Nu Goda Xoosso, Neni wursa medhdhida gishshi, Medhetethi wurikka medhettidayne shempora dizay ne shene gidida gishshi gitatethi, bonchoyne wolqayka ness besses” gida.

ዮሃኒሳ ኣጁታ 4:11 Referans Kwoze

ዮሃኒሳ ኣጁታ 5:12

Istti daro gita qaalan, «Ha shukettida dorsay wolqqa, dureteth, erateth, minoteth, gitateth, bonchchonne galata ekkanaas bessees» gida.

ኢሳያሳ ቲንቢቴ 40:28

Ne erabeekkii? Ne siyabeekkii? GODAY mernaa Xoossa; izi biittaa ubbaaka medhdhidayssa. Izi daaburenna; azallenna; iza akeekaykka oonankka pilggettenna.

ሌሚሶ ማጻፋ 16:4

GODAY ubbaa miish medhdhida gaasoykka dees; makkallanchchata gidikkoka bashsha gallassas giigsi woththides.

ዮሃኒሳ ኣጁታ 10:6

mernaappe mernaas dizayssan, salonne salon dizayta qasseka biittanne biitta garsan dizayta, abbanne abba giddon dizayta medhdhida Xoossaa sunth xeygi caaqqidi, «Hayssafe guye izi gam7enna!

ዮሃኒሳ ኣጁታ 14:7

Izikka ba qaalaa dhoqqu histtidi, «Xoossas babbitenne iza bonchchite; iza pirda wodey gakkides; Salonne Sa7a, abbanne haaththa, pulttotakka medhdhida Xoossaas goynnite» gides.

ዮሃኒሳ ኣጁታ 5:9

Ooraththa mazamure hizgi yexxida; «Neni as dumma dumma kochchafe, dumma dumma qaalan haasayzaytappe, dumma dumma qommofenne dumma dumma dereppe Xoossas wozzanaas shukettida gishshas he xaaththa maxaafaza ekkanaassinne maatametakka doyanaas bessizaade gidadasa.

Ibirawe 1:10

Qasse, «Godoo! Koyro neni biitta medhdhadasa; Salotikka ne kushen oosettida.

ሜቴ ማጻፋ 1:1

Xoossi koyro salonne sa7a medhdhides.

ኦሮሜ ኣሳስ 11:36

Wurikka izappe, izan, izassa; izas bonchchoy mernaappe mernaas gido! Amiin.

ኤፌሶኔ ኣሳስ 3:9

Hessaththoka ubbaa medhdhida Xoossaan beni wode qotetti diza Xoossaas xuura qofay aazakko ubbaas ta qonccisana mala taas Xoossa kiyateththi imettides.

ሃዋሬታ ኦሶ 14:15

«Hayto asatoo! Hayssa aazas ooththeetii? Nunikka intte mala asakko! Intteka qasse hayssa mela hada yo7oppe haakkidi salonne sa7a, abbaka, abbata giddon dizayta ubbaa medhdhida de7o Xoossaako intte simmana mala inttes mishiraachcho qaala sabbakoos.

ኤርማሳ ቲንቢቴ 32:17

«Abeet Ubbaafe Wolqqama GODAWU! Neni salotanne sa7a ne gita wolqqaninne micettida ne kushen medhdhadasa; nena xooniza issi miishshika deenna.

ዬ ማጻፋ 18:3

Galatay bessiza GODAA tani xeygays; izi ta morkketappe tana ashshees.

ናሂሚያ ማጻፋ 9:5

Iyaaso, Qadim7eele, Baane, Hashabinaye, Sherebiya, Hoddiya, Shebaaniyanne Pattaya geetettiza Lewe bagga asati, «Intte dendi eqqidi mernaa GODAA intte Xoossaa galatite; galatappenne anjjofe dhoqqu dhoqqu gida bonchchettida Xoossa sunththa sabbite» gida.

ሃዋሬታ ኦሶ 17:24

Hayssa alamezanne iza giddonkka dizayssa ubbaa medhdhida Xoossi izi salonne sa7a Godaa; hessa gishshas izi asa kushen keexettida keeththan deenna.

2ሳሜላ ማጻፋ 22:4

Galatay bessiza GODAA ta xeygays; tani ta morkketappekka attays.

ዮሃኒሳ ኣጁታ 5:2

Issi mino kiitanchcha dayssi gita qaalara, «Hayta maatameta birshidi ha xaaththa maxaafaa doyanaas bessizaadey oonee?» gi haasayshin ta beyadis.

ኢዮቤ ማጻፋ 36:3

Tani darosoppe demmida erateththan, tana medhdhida Xoossi Xillo gididayssa tani nees erisays.

ዬ ማጻፋ 68:34

Iza teemay Isra7eele bollana; iza wolqqayka salonna. Hessa gishshas Xoossa wolqqa awajjite.

Ibirawe 1:2

Qasse hayssa wurseththa wode bolla wursi laatissidaadenne ha alameza medhdhida ba naaza baggara nuus yootides.

ኤርማሳ ቲንቢቴ 10:11

GODAY, «Intteka, ‹Heyti salonne sa7a medhdhontta xoossati sa7appenne salo garsafe dhayana› geeta» gees.

ኢሳያሳ ቲንቢቴ 40:26

Intte ayfe dhoqqu histtidi pude salo xeellite; haytantta ubbaa medhdhiday oonee? Salo xoolintteta issaa issaa kessizay, istta sunththan sunththan xeygizay iza. Izi ba gitateththaninne ba erateththa minoteththaafe dendidayssan isttafe issoyka dhayenna.

ዛሬ ማጻፋ 32:4

«Izi nuus miixa; iza oosotikka kumeththa; Iza ogeti wurikka suure; izi balettontta ammanettida Xoossa; izi suurenne xillo Xoossa.

ኬሳ ማጻፋ 20:11

Ays giikko usuppun gallassan GODAY salo, sa7a, abbanne istta giddon diza ubbaa medhdhidi laappunththa gallas shempides. Hessa gishshas GODAY Sambata gallassaa anjjidessinne dummasides.

ዮሃኒሳ ኣጁታ 1:6

Nuni Yesus Kirstoosa aawaa Xoossaas ooththana mala nuna izi kawotanne qeeseta kessida Yesus Kirstoosas bonchchoynne wolqqay mernaappe mernaa gakkanaas izas gido! Amiin.

ዮሃኒሳ ኣጁታ 19:1

Hessafe guye daro asa qaala giiris misatiza gita qaala giirissi saloppe, «Hale luuya! Atoteththi, bonchchoy, wolqqayka nu Godaassa.