ዮሃኒሳ ኣጁታ 22:2 - Geeshsha Maxaafa

² He shaafazi he katamays waanna ogeza giddo addan shaakki yeggidi aadhdhi bees; he shaafazas hadirsa baggaranne ushachcha baggara aginan aginan pacey baynda layththan tammanne nam7u agina kumeth ayfiza de7o miththi dees; he miththaa hayththay dere paththees.

ጋሞ ማጻፋ

² ሄ ሻፋዚ ሄ ካታማይስ ዋና ኦጌዛ ጊዶ ኣዳን ሻኪ ዬጊዲ ኣ ቤስ፤ ሄ ሻፋዛስ ሃዲርሳ ባጋራኔ ኡሻቻ ባጋራ ኣጊናን ኣጊናን ፓጬይ ባይንዳ ላይን ታማኔ ናምኡ ኣጊና ኩሜ ኣይፊዛ ዴኦ ሚ ዴስ፤ ሄ ሚ ሃይይ ዴሬ ፓስ።

ዮሃኒሳ ኣጁታ 22:2 Referans Kwoze

ዮሃኒሳ ኣጁታ 22:1

Hessafe guye he kiitanchchazi Xoossa algafenne Dorsaza algaafe keziza mastoote mala xillo qizhzhi gida de7o haaththa shaafa tana bessides.

1ጴጽሮሳ ኪታ 2:24

Nuni nagarappe shaakettidi xilloteththan daana mala izi barkka ba ashon nu nagaraa masqale bolla tookkides; intte iza madunththaan paxideta.

ዮሃኒሳ ኣጁታ 2:7

«Ayanay Woosa Keeththatas gizayssa hayththi dizay wurikka siyo! ‹Xoonidaadey Xoossa Gannate giddon diza de7o miththa ayfe maana mala ta ooththana.›

ሜቴ ማጻፋ 2:9

GODAY xeellanaas lo7iza, maanaaska mal7iza dumma dumma qommo mith biittafe mokisides; Edene giddon de7o immiza miththi dees; hessaththoka lo7onne iita erisiza mith woththides.

ዮሃኒሳ ኣጁታ 22:14

He de7o miththa ayfe maanaassinne he katamayo izi pengera gelanaas bessizayti ba may7o meeccidayti anjjettidayta.

ሌሚሶ ማጻፋ 3:18

Iza bana idimmizaytas de7o miththa; izo oykkizaytikka anjjettana.

ዮሃኒሳ ኣጁታ 22:19

Oonikka hayssa tinbite maxaafaan xaafettida qaalatappe issinokka pacisikko hayssa ha maxaafazan yootettida de7o miththa ayfeppenne geeshsha katamayppe Xoossi iza gishaza pacisana.

ዮሃኒሳ ኣጁታ 21:24

Dereti izi poo7ozan simerettana; biitta kawoti wurikka ba bonchcho izis ehana.

ዮሃኒሳ ኣጁታ 21:21

He tammanne nam7u pengetikka tammanne nam7u inqquta; pengeti wurikka issoy issoy issi inqqufe oosettida he katamay giddo ogey mastoote mala haa zaari bessiza muuruta worqqafe oosettides.

ሉቃሳ ሚሺራቾ 4:18

«Godaa Ayanay ta bolla dees; manqotas Mishiraachcho qaala yootana mala tana tiydes; qashettidaytas birsheteth, qooqeti xeellana oge ta awajjana mala, metotettidayta ashshana mala, dosettida Godaa layththa awajjaa ta yootana mala tana kiittides» gizaso demmi nababides.

ሚልካሳ ቲንቢቴ 4:2

«Ta sunththas babbiza inttes qasse xilloteththa arshey ba qefe garsan paththizaaz ekka yaana; intteka birshi yeddida galo mara mala xikettishe kezana.

ሂዚቄላ ቲንቢቴ 47:1

He bitaney zaaridi tana Xoossa Keeth gelizaso efides. Xoossa Keeththa geliza pengefe garsara haaththay pulttidi, Xoossa Keeththafe arshe kessa bagga goggees. Gaasoykka Xoossa Keeththaa pengey arshey mokkizaso simmi diza gishshassa; Xoossa Keeththas dugeha baggara duge goggidi, yarshizasoppe dugeha baggara kanththees.

ዬ ማጻፋ 147:3

Wozinay meqqidayta izi koolees; istta madunththaaka izi paththees.

ሆሴኤ ቲንቢቴ 14:4

GODAY, «Ta hanqoy istta bollafe simmida gishshas taas ammanettontta ixxida ta deraa ta paththana; ta istta coo mela siiqana.

ኤርማሳ ቲንቢቴ 17:14

Abeet GODAWU! Tana paththa; tanikka paxana; tana ashsha; tanikka attana; gaasoykka ta galatay nena.

ኢሳያሳ ቲንቢቴ 6:10

Hayssa deraa wozinaa dammisa; istta hayththaka tullisa; istta ayfezakka qooqisa; histtontta aggiko istti bantta ayfen be7ana; bantta hayththan siyana; bantta wozinankka akeekana; histtidi istti taakko simmidi paxana» gides.

ዛካራሳ ቲንቢቴ 14:8

He wode Yerusalaameppe de7o haaththi pulttana; izappe baggay arshey mokkiza baggan diza hayqo abban gelana; baggay qasse arshey wulliza baggara diza Mediteraane abban gelana; bone gidiin balgo gidiin layth kumeth pacey baynda goggishe de7ana.