ዮሃኒሳ ኣጁታ 22:15 - Geeshsha Maxaafa

¹⁵ Kana mala coo hoththu hoththizayti, bita bitizayti, laymatizayti, shemppo wodhizayti, eeqas goynnizayti, wordo siiqizaytinne wordo ooththizayti wurikka he katamayppe karen attana.

ጋሞ ማጻፋ

¹⁵ ካና ማላ ጮ ሆ ሆዛይቲ፥ ቢታ ቢቲዛይቲ፥ ላይማቲዛይቲ፥ ሼምፖ ዎዛይቲ፥ ኤቃስ ጎይኒዛይቲ፥ ዎርዶ ሲቂዛይቲኔ ዎርዶ ኦዛይቲ ዉሪካ ሄ ካታማይፔ ካሬን ኣታና።

ዮሃኒሳ ኣጁታ 22:15 Referans Kwoze

ዮሃኒሳ ኣጁታ 21:8

Gido attiin hankko baboti, isttas ammanettonttayti, tunati, asa shemppo wodhizayti, laymatizayti, bitizayti, eeqas goynnizayti, wordotizayti, heyta ubbata qaaday diinen eexxiza tama abbaa giddon gidana; hessika nam7anththo hayqo» gides.

ፒሊጲሲዮሴ ኣሳስ 3:2

Heyta kana mala huskkattizaytappe, iita ooththizaytappenne asas meqeth menththiza asatappe naagettite.

ዮሃኒሳ ኣጁታ 21:27

Harassiza miishshi mulekka gede izin gelenna; tunateth ooththizaytinne wordo haasayzayti mulekka hee izikko gelettenna; hee izin gelanayta sunththi kase he dorsaza de7o maxaafan xaafettidayta xalla.

ቆላሲያሴ ኣሳስ 3:6

Heytantta gaason Xoossa hanqoy Xoossas azazettonttayta bolla yaana.

ዮሃኒሳ ኣጁታ 18:23

Tama poo7oy hayssafe guye nenan poo7enna; addenne macca mishira qaalay hayssafe guye nenan seetettenna; ne zal7anchchati kase alamen erettidayta; neni qasse asaa wursa muurennon baleththadasa.

ሚልካሳ ቲንቢቴ 3:5

«Hessa gishshas ta intteko pirdana yaana; muurennizayta, laymatizayta, wordo markka markkattizayta, wordo caaqo caaqqizayta, ooso oosisidi miishsha diggizayta, am7etanne yi7o nayta dechchizayta, bete asatas pirda tuccizayta, taas babbonttayta bolla markkattanaas ta ellesays» gees Ubbaafe Wolqqama GODAA Xoossay.

ሃዋሬታ ኦሶ 8:11

Daro wode ba maroteththa ooson asaa malalisida gishshas asay iza wozinappe kaallishe gam7ides.

ኤርማሳ ቲንቢቴ 5:31

Nabeti wordo tinbite yooteettes; qeesetikka istta zoren aysseettes. Ta asaykka hessa mala miish dosees! Histtiin wurseththan intte ay ooththanee?» gees.

ኢሳያሳ ቲንቢቴ 57:3

GODAY, «Intteno maro naytoo, intteno laggeththizayssanne laymatizaari zereththatoo, intte haa yiite.

Maatosa 8:12

Salo Kawoteththi isttas gidana bessiza asati heen kare dhuman yegettana. Heenkka yeehonne achcha garccech gidana» gides.

ኢሳያሳ ቲንቢቴ 47:12

Hekko be7a; neni naateththafe doommada ooththashe daaburda bitatanne daro muurennota gujja gujja ooththa; oonee erizay nees hananaakko, oonee erizay neni ne morkketa shirosanaakko?

ኢሳያሳ ቲንቢቴ 47:9

Ha nam7u yo7oti, am7eteththinne yeli dhonththi qofay baynda issi gallas ne bolla gakki wodhdhana; ne ay keena bitikkoka, ne ay keena muurennikokka istti ne bolla kumeththa wolqqara yaana.

1ካዎታ ማጻፋ 22:8

Isra7eele kawo Iyoosaafixes zaaridi, «Nuni iza baggara GODAA oychchanaas dandayza issi hara asi dees; izi Yimila naa Mikiyaasa. Gido attiin tani iza ixxadis; ays giikko izi ubba wodekka ta gishshas iita miish yooteessife attiin lo7o miish yooti erenna» gides. Iyoosaafixey Isra7eele kawos, «Kawoy hessaththo gooppo!» gides.

ዮሃኒሳ ሚሺራቾ 8:46

Intte giddofe tana, ‹Ne hanno nagara ooththadasa› giidi markkara laththanaas mootana dandayzaadey dizee? Ta tumu haasayzaade gidikko histtiin aazas tana ammanekketii?

ዛሬ ማጻፋ 23:18

GODAA intte Xoossay layma ixxiza gishshas adde gidiin woykko maccassi laymateththan demmida miish adina gaso giidi GODAA intte Xoossa keeth ehopetto.

ሌሚሶ ማጻፋ 7:27

Izi soy duufon efiza oge; he ogey duge hayqoso gaththees.

ሌሚሶ ማጻፋ 12:22

GODAY wordo haasaya harasettees; tumanchchatan gidikko ufayettees.

Maatosa 7:6

Ba tohon yedhdhontta malanne simmidi inttena saxxi daakereththontta mala anjjettidayssa kanata sinththan yeggofte; qasse intte worqqaaka guddunthata sinththan yeggofte.

1ጺምቶሳስ 1:10

Hessaththoka laymatizaytas, addera aqiza addetas, as bayzizaytassinne shammizaytas, wordanchchatas, asas wordora caaqqizaytas, lo7o timirtera eqettiza ubbatassa.