ዮሃኒሳ ኣጁታ 22:10 - Geeshsha Maxaafa

¹⁰ Qasseka, «Wodey matida gishshas neni hayssa maxaafazan xaafettida tinbite qaalaa maatamen gordofa.

ጋሞ ማጻፋ

¹⁰ ቃሴካ፥ «ዎዴይ ማቲዳ ጊሻስ ኔኒ ሃይሳ ማጻፋዛን ጻፌቲዳ ቲንቢቴ ቃላ ማታሜን ጎርዶፋ።

ዮሃኒሳ ኣጁታ 22:10 Referans Kwoze

ዳኔላ ቲንቢቴ 8:26

«Maaladonne omarsa wode shiiqiza yarsho gishshas ne be7ida ajjuutay tuma; gido attiin ha ajjuutay polettanay buro daro layththafe guyen gidida gishshas ne wozinan qum7a oykka» gides.

ዮሃኒሳ ኣጁታ 1:3

Hayssi wurikka hananay mata woden gidida gishshas hayssa tinbite qaalaa nababiza asi anjjettidaade. Hessaththoka tinbite qaalaa siyizaytinne ha tinbite qaalaa xaafettidayssa poli ooththizayti istti anjjettidayta.

1ጴጽሮሳ ኪታ 4:7

Hessa gishshas wode wurseththi matides; intte minni woossanaas dandayana mala wogara diitenne woppu gida qofay inttes de7o.

ዮሃኒሳ ኣጁታ 10:4

Laappun dadati ba giirissaa sissida mala ta xaafana gaada qoppadis shin, «Ha laappun dadati yootoyssa qum7a woththa attiin xaafoppa!» giza qaala saloppe siyadis.

Maatosa 10:27

Ta inttes dhumara yootidayssa poo7on haasayte; hayththan siyidayssa qonccen haasayte.

ዳኔላ ቲንቢቴ 12:9

Izikka taas, «Daaneela! Hayssa alameza wurseththi gakkanaas hayssi tinbite qaalazi gordettidi maatamen shocettida gishshas neni ba.

ዳኔላ ቲንቢቴ 12:4

«Daaneela! Neni alame wurseththi gakkanaas hayssa maxaafaza gordada maatamen shoca; he wode asay erateth darsanaas yaanne haa woxerettana» gides.

ሂዚቄላ ቲንቢቴ 12:23

Hessa gishshas isttas neni, ‹Ubbaa Haariza GODAY: tani hayssa ha tosseza diggana; istti zaareththidi hayssa ha tosseza Isra7eele biittan go7ettettenna› gees ga. Qasseka neni isttas, ‹Ajjuutay ubbayka polettana wodey matides.

ኦሮሜ ኣሳስ 13:12

Qammay aadhdhiin wonttana gees; hessa gishshas ane nu dhuma ooso wora yeggidi poo7o ola miish may7oos.

ዮሃኒሳ ኣጁታ 22:16

«Tani Yesusi hayssa inttes markkattana mala ta kiitanchchaza Woosa Keeththatas yeddadis; taas yeleta zarkkeynne qommoy kase Dawitekko; tani poo7isiza wontta xoolintte.»

ዮሃኒሳ ኣጁታ 5:1

He algaa bolla uttidayssa ushachcha kushe qaa7a garsaninne bolla baggara xaafetti uttida laappun maatamen gordettida issi xaaxetti uttida maxaafa beyadis.

2ታሶሎንቄ ኣሳስ 2:3

Oonikka ay hanonkka inttena baleththofo. Daro asay ammano kaddanaappe sinththe dhayanaas bessiza issi makkalla asi qonccontta dishin he gallassay gakkenna.

ኢሳያሳ ቲንቢቴ 13:6

GODAA gallassi matida gishshas yeekkite! He gallas Ubbaa Dandayza Xoossaa matappe bashshi yaana.

ኢሳያሳ ቲንቢቴ 8:16

Markkateththaa lo7eththa oykka; ta tamaareta giddon wogaa maatamen shoca.

ዮሃኒሳ ኣጁታ 22:20

Haytantta ta markkattizayssi, «Tani addafe eeson yaana!» gees. Amiin! Godaa Yesusa haa ya.

ኦሮሜ ኣሳስ 13:11

Hayssa wodeza caddi xeellidi hessa ooththite; ha7i hanna intte dhiskofe dendiza wode; nu kase ammanoosofe haa simmiin ha7i nuus attiza wodey matides.

ዮሃኒሳ ኣጁታ 1:11

«Neni be7izayssa waraqatan xaafada laappun Woosa Keeththatas heytikka Efesoones, Samerneeses, Phergamoones, Tiyaxiroones, Sardeeses, Filadelfiyassinne Lodoqiyas yedda» gishin siyadis.

ዮሃኒሳ ኣጁታ 22:7

Yesusikka, «Hekko ta eeson yaana; hayssa maxaafaza tinbite qaala naagizaadey izi anjjettidaade» gides.

ዮሃኒሳ ኣጁታ 22:9

He kiitanchchazi qasse, «Haysso agga! Hayssaththo ooththofa! Tanikka nenara ne ishataranne nabetara qasseka hayssa maxaafaza qaala poliza asatara ooththizaade; neni Xoossas xalla goynna» gides.

ዮሃኒሳ ኣጁታ 22:18

Hekko tani hayssa maxaafazan xaafettida tinbite qaalaa siyizayti naagettana mala yootays. Oonikka hayssa ha qaalaa bolla aykkoka gujjiko hayssa ha maxaafazan xaafettida boshata Xoossi iza bolla gujjana.