ዮሃኒሳ ኣጁታ 21:4 - Geeshsha Maxaafa

⁴ Izi istta ayfeppe afunth ubbaa quccana; kase wogay aadhdhida gishshas hayqoy woykko muuzoteththi woykko yeehoy woykko waayey hayssafe guye deenna» giza gita qaalay kezishin tani siyadis.

ጋሞ ማጻፋ

⁴ ኢዚ ኢስታ ኣይፌፔ ኣፉን ኡባ ቁጫና፤ ካሴ ዎጋይ ኣዳ ጊሻስ ሃይቆይ ዎይኮ ሙዞቴ ዎይኮ ዬሆይ ዎይኮ ዋዬይ ሃይሳፌ ጉዬ ዴና» ጊዛ ጊታ ቃላይ ኬዚሺን ታኒ ሲያዲስ።

Gamo Geesha Maxxafa New Testamen

⁴ Izi istta ayfepe ayfunthu wursi quccana. Kase wogay aadhida gishshi hayqoy woykko muuzotethi woykko yeehoy woykko waayey hayssafe guye deena.”

ዮሃኒሳ ኣጁታ 21:4 Referans Kwoze

ኢሳያሳ ቲንቢቴ 25:8

Hayqo izi mernaas mittana; Ubbaa Haariza GODAY asa ubbaa ayfeppe afunththu quccana; ba deraa kawushshateth biitta ubbaafe diggana. Hayssa GODAY haasaydes.

ዮሃኒሳ ኣጁታ 7:17

Algazas giddo addan uttida dorsay istta heemmizaade gidana; isttaka gede de7o haaththa pulttoy dizaso kaaleththana; Xoossi istta ayfeppe afunththaa quccana» gides.

1ቆሮንቶሴ ኣሳስ 15:26

Buro wurseththan xoonetti dhayana morkkey hayqo.

ኢሳያሳ ቲንቢቴ 60:20

Ne arshey hayssafe guye gelenna; ne aginaykka poo7o imo aggenna. GODAY nees mernaa poo7o gidana; ne ceecida gallassati gidana.

ኢሳያሳ ቲንቢቴ 35:10

GODAY maaddidayti simmana; istti yexxishe Xiyoone gelana; mernaa ufayssa kallachcha mala goxxana; injjenne ufays demmana; ceeceynne kayoy heeppe baqatana.

1ዮሃኒሳ ኪታ 2:17

Alameynne alamen diza amoteththi aadhdhana; Xoossa shene polizayti gidikko mernaas daana.

ኢሳያሳ ቲንቢቴ 51:11

GODAY wozzidayti simmana; yexxishekka Xiyoone gelana; mernaa ufayssa kallachcha hu7en goxxana; istti injjenne ufayssa duus demmana; ceeceynne yeehoy isttafe baqatana.

ኤርማሳ ቲንቢቴ 31:13

He wode geela7oti ufayettidi yexxana; wodallatinne cimati guppana; ta istta yeehoza ufayssan laammana; ta istta muuzoteththafe minththeththana; ta isttas ufays immana.

Maatosa 24:35

Saloynne sa7ay aadhdhana shin ta qaalay gidikko mulekka aadhdhenna.

ኢሳያሳ ቲንቢቴ 30:19

Intteno Yerusalaamen de7iza Xiyoone derezoo! Hayssafe sinththan intte yeekkeketa; intte izakko waassishin izi inttena waani maarennee? Intte waaso izi siyidi inttes eeson zaaro immana.

ዮሃኒሳ ኣጁታ 21:1

Hessafe guye tani ooraththa salonne ooraththa sa7a beyadis; kase saloynne kase sa7ay aadhdhi bida; hayssafe guye abbayka deenna.

ዮሃኒሳ ኣጁታ 20:14

Hayqoynne Duufoy tama abba giddo yegettida; he tama abbazi nam7anththo hayqo.

ኢሳያሳ ቲንቢቴ 61:3

Qasseka Xiyoonen kayottizayta doshisana mala, bidinththa gishshas puulateththa kallachcha; yeeho gishshas ufayssa zayte istta hu7en ta gussana mala, ceece ayana gishshas galata seelo ta istta bolla gophana mala tana kiittides; isttika iza bonchcho qonccisana mala GODAY tokkida xillo mith geetetti xeygettana.

ዮሃኒሳ ኣጁታ 22:3

Hessafe guye qanggeththi mulekka deenna; Xoossa algaynne Dorsaza algay he katamayn daana; iza oosanchchati izas goynnana.

2ጴጽሮሳ ኪታ 3:10

Godaa gallassay qasse kayso yeeththa mala qoppontta dishin gakki wodhdhana; he gallas saloti gita giirissan aadhdhana; medheteththi wurikka taman xuugetti dhayana; biittaynne iza bolla dizaazi wurikka xuugettana.

1ቆሮንቶሴ ኣሳስ 7:31

Hayssa alameza miishshan go7ettizayti ubbay go7ettontta asa mala gidi detto. Gaasoykka hayssa alameza hanoy aadhdhanaas dees.

ሆሴኤ ቲንቢቴ 13:14

Tani nena duufo wolqqafe ashshana; hayqoppeka wozzana. Hayqoo! Ne wodhiza wolqqay awan dizee? Duufozoo! Neni as dhayssiza wolqqay awan dizee? Tani izas qadhettike.

ዬ ማጻፋ 144:4

Asi issito carki aadhdhiza carko mala; iza layththatikka eeson dhayza kuwa mala.

2ቆሮንቶሴ ኣሳስ 6:17

Goday, «Intte istta giddofe shaakettidi kezite! Tuna miish bochchofte; tanikka inttena ekkana.

ኤርማሳ ቲንቢቴ 31:12

Istti yiidi Xiyoone zuma bolla ufayssa mazamure yexxana; istti GODAA kiyateth gidida kaththan, woyne ushshan, zayten, deyshaninne dorsa laaqqatan, wofanotaninne ussatan ufayettana; istti haaththi paccontta atakilte soho mala gidana; hayssafe guye istti muuzottettenna.

2ቆሮንቶሴ ኣሳስ 5:17

Hessa gishshas oonikka Kirstoosa bagga gidikko izi ooraththa medheteththa; kase ceega medheteththi aadhdhides; izi kichchoosan hara ooraththa medheteththi gelides.

Ibirawe 12:27

Hayssi, «Qasseka ta zaarada issito» giza qaalay nuna bessizay qaaxxonttayti minni daana malanne qaaxxizayti heytikka medhettidayti kichchanayssa bessees.

ዮሃኒሳ ኣጁታ 20:13

Abbayka ba garsan diza hayqeththata immides; hayqoynne Duufoy qasse kase hayqqidi ba giddon dizayta immida; issi issi asi ba ooso ooso mala pirda ekkides.