ዮሃኒሳ ኣጁታ 19:14 - Geeshsha Maxaafa

¹⁴ Booththa parata toggidi booththinne geesh gidida lo7o may7o may7ida salo olanchchati iza kaallida.

ጋሞ ማጻፋ

¹⁴ ቦ ፓራታ ቶጊዲ ቦኔ ጌሽ ጊዲዳ ሎኦ ማይኦ ማይኢዳ ሳሎ ኦላንቻቲ ኢዛ ካሊዳ።

Gamo Geesha Maxxafa New Testamen

¹⁴ Bootha parazota toggidi boothune geesh gidida lo7o mayo mayida salo olanchati iza kaallida.

ዮሃኒሳ ኣጁታ 19:14 Referans Kwoze

ዮሃኒሳ ኣጁታ 19:8

Iza xolqettiza geeshsha lo7o may7o may7ana mala izis imettides» gishin siyadis; he lee7e may7ozi geeshshata xilloteththa ooso.

ዩሁዳ ኪታ 1:14

Addaameppe haa simmiin laappunththo yeleta gidida Heenookey, «Hekko Xoossi qooday baynda geeshsha kiitanchchatara asa ubbaa bolla pirdanaas yaana.

ዮሃኒሳ ኣጁታ 7:9

Hessafe guye ta xeellishin qooday baynda daro derey dizayssa beyadis; heytanttika dereppe, dumma dumma qommofe, dumma dumma zarkkefenne dumma dumma qaala haasayzaytappe shiiqettidayta. Heyti wuri booththa may7o may7idi zamba hayth ba kushen oykkidi algaa sinththaninne dorsaza sinththan eqqida.

ዮሃኒሳ ኣጁታ 17:14

Istti dorsaza bolla ola denththana shin dorsazi godatas Godaanne kawotas kawo gidida gishshas izi istta xoonana; izara dizayti xeygettidayta, doorettidaytanne ammanettidayta» gides.

Maatosa 28:3

Kiitanchchazas medhay wolqqanththa poo7o mala; iza may7oyka shachcha mala booththa.

ዮሃኒሳ ኣጁታ 19:11

Hessafe guye saloy doyettidayssa ta beyadis; qasseka booththa parakka beyadis; he paraza toggidayssi ammanettidaadenne tumanchcha geetettizaade; izi qasse tuma pirdeessinne olettees.

ዮሃኒሳ ኣጁታ 4:4

Hessaththoka he algaza yuuyi aadhdhida nam7u tammanne oyddu algati deettes; he algata bolla qasse booththa may7o may7idi ba hu7e bolla worqqa akilile woththida nam7u tammanne oyddu cimati uttida.

ዮሃኒሳ ኣጁታ 3:4

Gido attiin ba may7o tunisonttayti Sardeesen guuththa asati nenara deettes; heyti booththa may7o may7anayssi isttas bessiza gishshas istti booththa may7o may7idi tanara baana.

ዛካራሳ ቲንቢቴ 14:5

Inttenikka Azeele gakkanaas zuma tani nam7u kessi shaakkida shoobbara baqatana; kase yuhuda kawo Ooziya wode biittay qaaxxiin beni intte aawati gangida mala intte gangana; hessafe guye GODAA ta Xoossay geeshshatara issife yaana.

ዮሃኒሳ ኣጁታ 14:20

Katamaappe kare baggara diza woyne miththa ayfe gum7izasohon gum7ettides; he gum7izasohozappeka biittafe dhoqqateththi para bixala gakkanaassinne issi shiyanne usuppun xeet kilo metire gidizaso gakkanaas suuththi goggides.

ዮሃኒሳ ኣጁታ 14:1

Hessafe guye hekko he dorsazi Xiyoone zumaa bolla eqqidayssa ta beyadis; iza sunththinne iza Aawaa sunththi istta liiphe bolla xaafettidayti xeetanne oyddu tammanne oyddu shii asati izara issife deettes.

2ታሶሎንቄ ኣሳስ 1:7

Waaye ekkida inttessinne nuus shempo immana; hessika Godaa Yesus Kirstoosi wolqqama salo Xoossa kiitanchchatara salo bolla qoncciza wode hanana.

Maatosa 26:53

Koshshiko tani ta Aawaa oychchizaakko daro shiyan qoodettiza oliza kiitanchcha taas yeddontta aggana nees misatizee?

ዬ ማጻፋ 68:17

Xoossa para-gaareti daro shiyan qoodettizayta; Goday Siina zumaappe ba geeshshasoho yides.

ሌሚሶ ማጻፋ 31:22

Hiiththan ongiza may7o ooththawus; laynonne ochcha teera misatiza may7o may7awus.

ኢሳያሳ ቲንቢቴ 3:23

Heregata, laynota, giddora may7iza may7ota, binana qachchiza alleqotanne ayfeso kammiza qolleta ubbaa dafi ekkana.