ዮሃኒሳ ኣጁታ 12:10 - Geeshsha Maxaafa

¹⁰ Hessafe guye issi gita giirissi saloppe hizgishin ta siyadis; «Hekko ase ashoy, wolqqaynne kawoteththika nu Godaas gidides; maataykka Kirstoosas gidides. Nu ishata nu Godaa sinththan gallassinne qamma mootiza nu ishata baalgaaray duge yegettides.

ጋሞ ማጻፋ

¹⁰ ሄሳፌ ጉዬ ኢሲ ጊታ ጊሪሲ ሳሎፔ ሂዝጊሺን ታ ሲያዲስ፤ «ሄኮ ኣሴ ኣሾይ፥ ዎልቃይኔ ካዎቴካ ኑ ጎዳስ ጊዲዴስ፤ ማታይካ ኪርስቶሳስ ጊዲዴስ። ኑ ኢሻታ ኑ ጎዳ ሲንን ጋላሲኔ ቃማ ሞቲዛ ኑ ኢሻታ ባልጋራይ ዱጌ ዬጌቲዴስ።

Gamo Geesha Maxxafa New Testamen

¹⁰ Hessafe guye issi gita giirethi salope hizgishin ta siyadis “Heko ase ashoy, wolqayne kawotethika nu Godas gidides. Matayka Kiristoosas gidides. Nu ishata nu Goda sinthan gallasine qama mootiza nu ishata bargaray duge yegettides.

ዮሃኒሳ ኣጁታ 12:10 Referans Kwoze

ሉቃሳ ሚሺራቾ 22:31

Qasseka Yesusi Simoona xeygidi, «Simoonaa! Xala7ey inttena gistte mala suragganaas woossides.

ዮሃኒሳ ኣጁታ 11:15

Laappunththo kiitanchchayka ba zayeza punnides; Salon, «Alame kawoteththi nu Godaa Xoossaassinne Kirstoosas gidides; izikka mernaappe mernaa gakkanaas kawotana» giza gita qaalay siyettides.

ዳኔላ ቲንቢቴ 2:44

«Heyta he kawota woden salo Xoossay mulerakka laalettonttanne hara deres aadhdhi imettontta kawoteth essana; he kawoteththazi hara kawoteththata mulera liiqisana; istta wurseth gakkanawukka dhayssana; he kawoteththazi ba hu7es mernaas minni daana.

1ታሪኬ ማጻፋ 29:11

Abeet GODAWU! Saloninne sa7an diza ubbay neessa; gitateththi, wolqqay, bonchchoy, teemaynne puulateththi neessa.

Maatosa 28:18

Yesusikka bana kaallizaytakko shiiqidi, «Saloninne sa7an godateththi taas imettides. Hessa gishshas biidi dere ubbaa Aawaa, Naazanne Xillo Ayana sunththan xammaqishe, tana kaallizayta ooththite; ta inttena azazidayssa ubbaa naagana mala tamaarsite. Tanikka alame wurseth gakkanaas inttenara days» gides.

ኢዮቤ ማጻፋ 1:11

Ane ne kushe yeddada izas dizayssa ubbaa ne dhayssidaakko tuma izi nena qonccen cayana» gides.

ኢዮቤ ማጻፋ 1:9

Xala7eykka zaaridi, «Iyoobi nees Xoossaas coo yayyizee?

ዮሃኒሳ ኣጁታ 2:26

Xoonidaadessinne ta ooson wurseth gakkanaas minnizaades Ayzaabeta bolla ta godateth immana.

2ቆሮንቶሴ ኣሳስ 12:9

Gido attiin Goday, «Ta wolqqay kumeth gidi qonccanay ne daabursan gidida gishshas ta kiyateththi nees gidana» gides; hessa gishshas Kirstoosa wolqqay ta bolla gidana mala ay wodeppeka bollara tani daaburshin he wode ufayssan ceeqettanaas dosays.

ሉቃሳ ሚሺራቾ 11:2

Izikka isttas, «Woossishe, ‹Nu Aawawu! Ne sunththi anjjetto; ne kawoteththi haa yo.

Maatosa 26:64

Yesusikka, «Ne goyssaka mala; gido attiin inttes ubbaas ta yootizay sinththafe Asa Nay Wolqqamaza ushachchan uttidi salo shaarara yiza wode intte beyana» gides.

Maatosa 6:10

Ne kawoteththi haa yo; ne sheney salon gidida mala sa7ankka hano.

ዬ ማጻፋ 22:28

Ays giikko maatay izassa; kawoteththay ubbay izas haarettana.

ኢዮቤ ማጻፋ 2:5

Ha7i gidikko ne kushe iza bolla miccada izas kumeththa asateththa bolla qoho ne gaththidaakko tuma nena qonccera cayana» gides.

Titosas 2:3

Hessaththoka cima maccassati ba diza duussan bonchchora dizaytanne lo7o hanoteth asa tamaarsizayta gidetto attiin asa sunth iissizayta woykko woyne cajje ushsha suuken waaxettidayta gidontta mala istta tamaarsa.

1ቆሮንቶሴ ኣሳስ 5:4

Intte shiiqizason ta inttenara diza gishshas Godaa Yesusa sunththaninne intte giddon diza nu Godaa Yesusa wolqqan he mooranchchaza ashoy dhayiin iza shemppoy Godaa gallassan attana mala hessa mala asi Xala7es aadhdhi imetto.

ዬ ማጻፋ 45:6

Abeet Xoossawu! Ne kawoteththa algay mernaas daana; ne kawoteththa guufeykka suureteththa guufe.

ዮሃኒሳ ኣጁታ 7:10

Qaala dhoqqu histtidi, «Atoteththi algaa bolla uttida nu Godaappenne dorsazappeko!» gida.

1ጴጽሮሳ ኪታ 5:8

Wogara de7ite! Beeggite! Intte morkke Daabulosi baas mittana miish koyishe xaaggiza gaammo mala intte yuushon harbuqees.