ዬ ማጻፋ 99:3 - Geeshsha Maxaafa

³ Gitanne keehippe yashissiza ne sunththa istti ubbay sabbetto! izi dumma!

ጋሞ ማጻፋ

³ ጊታኔ ኬሂፔ ያሺሲዛ ኔ ሱን ኢስቲ ኡባይ ሳቤቶ! ኢዚ ዱማ!

ዬ ማጻፋ 99:3 Referans Kwoze

ኢሳያሳ ቲንቢቴ 6:3

Issoy issaara, «Geeshshawu, geeshshawu, geeshshawu Ubbaafe Wolqqama GODAA Xoossawu! Sa7a ubbay iza bonchchon kumides» gida.

ዛሬ ማጻፋ 28:58

Hayssa ha maxaafan xaafettida Xoossa wogaa intte lo7eththi naagontta aggiko qasse malalisizanne yashissiza GODAA intte Xoossa sunththaa intte bonchchontta aggiko,

ዬ ማጻፋ 111:9

Izi ba asaas atoteth immides; ba caaqo qaalakka isttas mernaas azazides; iza sunththi geeshshinne yashissizaaza.

ዮሃኒሳ ኣጁታ 4:8

He oyddu do7ati issoy issoy usuppun qefera deettes; qefeta yuushoninne qefeta giddon ayfey kumides; istti qammanne gallas, «Geeshshawu! Geeshshawu! Geeshshawu! Ubbaa dandayza Godoo! Kasekka ha7ikka dizayssoo! Burokka yaanaysso guussafe shempi erettenna.

ዮሃኒሳ ሚሺራቾ 17:11

Hayssafe guye tani hayssa alame bolla diikke; istti gidikko ha alameza bolla deettes; ha7i ta neekko bays; ta Aawa Geeshshazoo! Hayta ne taas immidayta istti nu mala ba giddon issino gidana mala ne taas immida ne sunththaan istta naaga.

ዬ ማጻፋ 145:17

GODAY ba oge ubbaan xillo; izi ba ooso ubbaan kiya.

ዬ ማጻፋ 66:3

Xoossas, «Ne oosoti ay keena malalisizoo! Ne wolqqay daro gidida gishshas ne morkketi yashshan ne sinththan kokkoreettes.

ናሂሚያ ማጻፋ 4:14

Asay keehi hirgizayssa tani beyada kaaleththizayta, daannatanne hara asata ubbaa, «Babbofte! Yashshiza Wolqqama Xoossa qopite! Intte dabbotas, naytas, machchetassinne haarotas olettite!» gadis.

ናሂሚያ ማጻፋ 1:5

«Salo GODAWU! Nena dosizaytaranne ne azazo naagizaytara mernaas neni ne caaqo qaala naagiza gitanne yashissiza Xoossa.

ኢያሶ ማጻፋ 24:19

Iyaasoykka deraas, «Intte GODAAS goynnanaas dandayekketa; izi geeshsha Xoossa; izi qanaatiza Xoossa; izi intte makkallateththaanne intte nagaraa atto geenna.

ዛሬ ማጻፋ 7:21

Hessa gishshas he deretas babofte; GODAA intte Xoossay inttenara dees; izi gitanne yashissiza Xoossa.

ዬ ማጻፋ 76:1

Xoossi Yuhudan erettides; iza sunththika Isra7eelen gita.

1ሳሜላ ማጻፋ 2:2

«GODAA mala geeshshi oonikka deenna; neeppe attiin haray deenna; nu Xoossaa mala Zaallay deenna.

ኤርማሳ ቲንቢቴ 20:11

Gido attiin GODAY yashissiza toora qara mala tanara dees; hessa gishshas tana yedeththizayti dhuphettana attiin tana xoonettenna; istti iita kawush kawuyana attiin isttas giigenna; istta kawushshateththay mulekka dogettenna.

ዬ ማጻፋ 76:12

Izi otorettiza daannata kawushshana; wolqqama kawotakka izi yashissana.

ናሂሚያ ማጻፋ 9:32

Gita, wolqqamanne yashshiza nu Xoossawu! Neni ne caaqo qaalanne mernaa gakkanawu diza ne siiqo naagaasa; nu bolla, nu kawota bollanne nuna kaaleththizayta bolla nu qeeseta bollanne nu nabeta bolla nu aawata bolla, qasseka dere ubbaa bolla, Asoore kawotappe doommidi hach gakkanaas gakkida meto ubbaa ne qoppa.

ናሂሚያ ማጻፋ 9:5

Iyaaso, Qadim7eele, Baane, Hashabinaye, Sherebiya, Hoddiya, Shebaaniyanne Pattaya geetettiza Lewe bagga asati, «Intte dendi eqqidi mernaa GODAA intte Xoossaa galatite; galatappenne anjjofe dhoqqu dhoqqu gida bonchchettida Xoossa sunththa sabbite» gida.

ዬ ማጻፋ 100:4

Iza penge galatara, iza zago sabara gelite; iza galatite; iza sunththaaka anjjite.

ዬ ማጻፋ 103:1

Ta shemppoyee! GODAA galata! Ta kumeththa asateththay iza geeshsha sunththa galato.