ዬ ማጻፋ 98:3 - Geeshsha Maxaafa

³ Izi Isra7eeleta siiqizayssanne isttas ammanettizayssa hassa7ides; sa7a gaxa gakkanaas diza asay ubbay nu Xoossay ashshizayssa be7ides.

ጋሞ ማጻፋ

³ ኢዚ ኢስራኤሌታ ሲቂዛይሳኔ ኢስታስ ኣማኔቲዛይሳ ሃሳኢዴስ፤ ሳኣ ጋጻ ጋካናስ ዲዛ ኣሳይ ኡባይ ኑ ጾሳይ ኣሺዛይሳ ቤኢዴስ።

ዬ ማጻፋ 98:3 Referans Kwoze

ዬ ማጻፋ 22:27

Sa7a gaxa gakkanaas diza asay iza gishshas yuushshi qoppana; GODAAKKO simmana. Asa zere ubbay izas goynnana.

ሃዋሬታ ኦሶ 28:28

«Histtiko Xoossi as ashshiza kiitay Ayzaabetaska kiitettidayssa intte erite; isttika ero giidi ekkeettes» gides.

ሉቃሳ ሚሺራቾ 1:72

Hayssa izi ooththiday nu aawatas ba maaroteth bessanaassa, ba geeshsha caaqoza yuushshi qoppanaassa.

ዛሬ ማጻፋ 4:31

GODAA intte Xoossay maariza Xoossa gidida gishshas inttena mulera aggenna; inttena ubbaaka dhayssenna; kase intte aawatara gelida caaqo qaalaa mulekka balenna.

ኢሳያሳ ቲንቢቴ 52:10

GODAY ba geeshsha qesaa kawoteththata ubbaa sinththan qonccisana; qasse biittaa gaxan diza ubbayka nu Xoossaa atoteththaa be7ana.

ዬ ማጻፋ 98:2

GODAY ba ashshizayssa erisides; izi ba xilloteththaka kawoteththas qonccisides.

ዮሃኒሳ ኣጁታ 5:9

Ooraththa mazamure hizgi yexxida; «Neni as dumma dumma kochchafe, dumma dumma qaalan haasayzaytappe, dumma dumma qommofenne dumma dumma dereppe Xoossas wozzanaas shukettida gishshas he xaaththa maxaafaza ekkanaassinne maatametakka doyanaas bessizaade gidadasa.

ኦሮሜ ኣሳስ 10:12

Ayhudata giddoninne Ayzaabeta giddon dummateththi deenna; issi Goday ubbaasikka Godaa; iza woossizayta gujji anjjees.

ሉቃሳ ሚሺራቾ 3:6

Asa zereth ubbaa ashshiza Xoossa wolqqa beyana› giidi bazzon waassiza asa qaala giiris» giidi ba maxaafan xaafida mala.

ሚኪያሳ ቲንቢቴ 7:20

Beni wodeppe oykkada kase nu aawatas caaqo qaala ne gelida mala Yaaqoobes ammaneteth Abrahaames maaroteth ooththaasa.

ኢሳያሳ ቲንቢቴ 49:6

«Neni taas oosanchcha gideththi, Yaaqoobe qommota ne zaaranayssinne ta naagida Isra7eele zaarada ne ehanayssi hessi nena deexxenna; qasseka ta atoteththaa biitta gaxa ne gaththana mala, tani nena kawoteththatas poo7o histtana» gees.

ኢሳያሳ ቲንቢቴ 45:22

«Intteno biittaa gaxan de7iza ubbatoo! taakko simmidi attite. Tani Xoossa; taappe attiin haray deenna.

ዬ ማጻፋ 106:45

Istta gishshas ba caaqo qaala hassa7ides; aggontta ba siiqo daron istta maarides.

ዬ ማጻፋ 67:7

Xoossi nuna anjjana; Sa7a gaxa gakkanaas diza asay ubbay izas yayyana.

ኦሮሜ ኣሳስ 10:18

Gido attiin asay siyibeenneeshaa? gaada ta oychchays; tumappe asay siyides; Geeshsha Maxaafan xaafettida mala, «Istta qaalay biitta ubbaaninne alame gaxa gakkanaas siyettdes.»

ሌዌታ ማጻፋ 26:42

Abrahaamera, Yisaaqaranne Yaaqoobera ta caaqqida caaqo qaalaa qoppana; biittayokka ta qoppana.

ኢሳያሳ ቲንቢቴ 52:7

Zuma bolla eqqida tohoti, mishiraachcho ekki yiza tohoti, saroteth yootizayti, lo7o mishiraachcho yootizayti, atoteth awajjizayti, Xiyoonokka, «Ne Xoossay kawotides» giza tohoti ay mala lo7o!