ዬ ማጻፋ 9:6 - Geeshsha Maxaafa

⁶ Morkketi meri mernaas dhayda; istta katamatakka mulera dhoqalla dhayssadasa; istti mulera dogetti attida.

ጋሞ ማጻፋ

⁶ ሞርኬቲ ሜሪ ሜርናስ ይዳ፤ ኢስታ ካታማታካ ሙሌራ ቃላ ይሳዳሳ፤ ኢስቲ ሙሌራ ዶጌቲ ኣቲዳ።

ዬ ማጻፋ 9:6 Referans Kwoze

ሚኪያሳ ቲንቢቴ 7:8

Ta morkkezoo! Ta bolla gakkidaazi nena ufayssofo; kundikokka ta dendana; Ta dhuman uttikokka Xoossay taas poo7o gidana.

ኬሳ ማጻፋ 14:13

Musey asaa, «Babbofte; minni eqqite; GODAY hach inttena ashshanayssa intte beyana. Hach intte be7iza Gibxe asaa nam7anththo mulekka be7ekketa.

ዮሃኒሳ ኣጁታ 20:2

He daweza oykkidi shii layth qachchides; hessi dawezi Daabulosa woykko Xala7e geetettiza kase beni shooshshaza.

1ቆሮንቶሴ ኣሳስ 15:26

Buro wurseththan xoonetti dhayana morkkey hayqo.

ሚኪያሳ ቲንቢቴ 7:10

Ta morkkezakka hessa beyandus; iza yeellatana. Tana, «GODAA ne Xoossay awan dizee?» gidaari kundeth ta ayfeti beyana; oge urqqa mala iza yedhettana.

ኤርማሳ ቲንቢቴ 51:25

GODAY, «Hanne dhayssiza zumayee! biitta ubbaa dhayssizaaree! ta ne hu7e bolla days; tani ta kushe ne bolla denththana; ta nena aafo hu7eppe duge bululana; ta nena xuugettida zuma histtana.

ኢሳያሳ ቲንቢቴ 37:26

«Tani daro wodeppe kase qachchidayssa, ta beni halchchidayssa ne siyabeekkii? Ha7i gidikko polettana mala ooththadis; nenikka gimbettida katamata laallada shuchcha doore kessana.

ኢሳያሳ ቲንቢቴ 14:17

Sa7a bazzo kessidayssi, katamatakka laalliday, di7ettidayti ba dere simmi bontta mala diggiday hayssee?» gaana.

ዬ ማጻፋ 46:9

Izi sa7a gaxappe gaxa gakkanaas diza ola teqqees; wondafenne toora menththees; gondalleka taman xuuggees.

ዬ ማጻፋ 34:16

Istta hassa7issiza miish biittafe dhayssana mala, GODAY iita ooththizayta ba hanqo ayfen xeellees.

ዬ ማጻፋ 8:2

Neni ne morkketa gishshas ne baalgaaranne ne bolla mandizayssa sirphi ooththanawu guuththa nayta doonaninne dhammiza nayta doonan galata kunththadasa.

ዬ ማጻፋ 7:5

ta morkkey tana gooddi oykko; tana sa7ankka yedhereththo; tana biittan yeggidi ta bonchcho kawushsho.

2ካዎታ ማጻፋ 19:25

«Daro wodeppe sinththan neni gimbettida katamata qoqofada, shuchcha keela kessana mala, tani qofa qachcha woththidayssa siyabeekkii? Beni halchcha woththidayssa ha7i polays.

1ሳሜላ ማጻፋ 31:7

Zullezappe he pinththaninne Yordaanoose shaafaappe pinththan diza Isra7eele asay, Isra7eele olanchchati baqatizayssa, Sa7oolinne iza nayti hayqqidayssa beyda wode bantta katamata yeddi baqatida; Filisxeeme asay yiidi he katamatan uttida.

1ሳሜላ ማጻፋ 30:1

Heedzdzanththo gallas Dawitinne izara diza asay Xiqilaage gakkida; Amaaleeqe asay Negebenne Xigilaage oli oykkida; histtidi Xiqilaage xuuggida.

ኬሳ ማጻፋ 15:16

Abeet GODAWU! Dagamaynne hirgay istta oykkana. Istti ne wolqqa gitateth be7idi, ne asay aadhdhana gakkanaas, neni wozzida asay aadhdhana gakkanaas, shuchcha mala toletti eqqana.

ኢዮቤ ማጻፋ 18:17

Biitta bolla iza qoppiza asi deenna; iza goobateththika biittafe dhayana.

ዬ ማጻፋ 34:17

Xilloti waasseettes; GODAY istta waaso siyees; izikka istta meto ubbaafe ashshees.

ኢሳያሳ ቲንቢቴ 26:14

Istti hayqqida; simmidi shemppora paxa de7ettenna; istta shemppoy simmi yeenna; neni istta qaxxayadasanne dhayssadasa; istta hassa7issiza miish ubbaa pitta dhayssadasa.