ዬ ማጻፋ 9:15 - Geeshsha Maxaafa

¹⁵ Kawoteththay ba bookkida ollan kundides. Istti qotti woththida woximadey istta toho oykkides.

ጋሞ ማጻፋ

¹⁵ ካዎቴይ ባ ቦኪዳ ኦላን ኩንዲዴስ። ኢስቲ ቆቲ ዎዳ ዎጺማዴይ ኢስታ ቶሆ ኦይኪዴስ።

ዬ ማጻፋ 9:15 Referans Kwoze

ዬ ማጻፋ 57:6

Istti ta tohos woximade woththida; ta asateththaa kuunissida; istti ta ogen olla bookkida; gido attiin he ollan banttas kundida.

ሌሚሶ ማጻፋ 5:22

Nagaranchcha izi ooththida nagaray zaari oykkees. Iza nagara gitey iza qachchees.

ዬ ማጻፋ 35:8

Istti qoppontta dishin bashshi istta bolla puttu go; istti woththida woximadey istta oykko; istti ollan kundi dhayetto.

ሌሚሶ ማጻፋ 22:8

Iitateth zeriza asi waaye cakkees; iza hanqo guufey dhayana.

ዬ ማጻፋ 94:23

Istta iitateththaa gishshas izi istta qaxxayana; istta nagara gishshas izi istta dhayssana; GODAA nu Xoossay istta dippi histtana.

ዬ ማጻፋ 37:15

Gido attiin istta mashshay isttas wozina ayfen gelana; istta wondafeykka meqqana.

ዬ ማጻፋ 13:6

GODAWU! Ne kiyateththi taas darida gishshas tani nees yexxana.

ዬ ማጻፋ 20:6

GODAY ba doorida kawozas xoono immizayssa tani ha7i eradis; ba ushachcha kushezan izi gita xoonon kunththana; ba geeshsha saloppeka izas zaaro immana.

ዬ ማጻፋ 35:9

He wode tani GODAAN ufayettana; izi ashshida gishshas tani ufayettana.

ዬ ማጻፋ 107:22

Istti izas galata yarsho yarshetto; qasseka ufayssa yeththan izi ooththida ooso qonccisetto.