ዬ ማጻፋ 82:8 - Geeshsha Maxaafa

⁸ Abeet Xoossawu! Denda! Sa7a bolla pirda; kawoteththi ubbay neessa.

ጋሞ ማጻፋ

⁸ ኣቤት ጾሳዉ! ዴንዳ! ሳኣ ቦላ ፒርዳ፤ ካዎቴ ኡባይ ኔሳ።

ዬ ማጻፋ 82:8 Referans Kwoze

ዮሃኒሳ ኣጁታ 11:15

Laappunththo kiitanchchayka ba zayeza punnides; Salon, «Alame kawoteththi nu Godaa Xoossaassinne Kirstoosas gidides; izikka mernaappe mernaa gakkanaas kawotana» giza gita qaalay siyettides.

ዬ ማጻፋ 2:8

Neni tana oychcha; tani kawoteththa ubbaa nees immana; sa7a ubbay nees gidana.

ዬ ማጻፋ 96:13

Ays giikko GODAY yaana; izi sa7a bollan pirdanaas yaana; izi ha sa7a bolla xilloteththan, asa bollaka tumateththan pirdana.

ዬ ማጻፋ 22:28

Ays giikko maatay izassa; kawoteththay ubbay izas haarettana.

ዬ ማጻፋ 102:13

Neni Xiyoonis kiyateth ooththiza wodey gakkida gishshassinne wodezikka ha7i gidida gishshas neni dendada izis qadhettana.

ሶፎናሳ ቲንቢቴ 3:8

GODAY, «Hessa gishshas ta pirdana gallassay gakkanaas diishshite; tani dere asanne kawota shiishshanaas qachchadis. Tani ta mino hanqoza istta bolla gussanaas qachchadis. Ta hanqo taman kumeththa biittay eexxana.

ሚኪያሳ ቲንቢቴ 7:7

Tani gidikko Xoossa hidota ooththays; tana ashshida ta Xoossaa naagays; ta GODAYKKA taas siyana.

ዬ ማጻፋ 44:26

Abeet Godawu, nuna maaddanaas denda! Ne mernaa siiqon nuna wozza.

ዬ ማጻፋ 12:5

GODAY, «Hiyeesati un7ettida gishshassinne, metotanchchata waaso gishshas ha7i tani dendana; tani istti amottiza saroteththan istta woththana» gees.

ሚኪያሳ ቲንቢቴ 7:2

Xoossas babbiza asi biitta bollafe dhaydes; suure asi issaadeyka baawa; asi wurikka suuth gussanaas zuggees; issi issi asi ba isha yarden oykkees.

ኢሳያሳ ቲንቢቴ 51:9

Abeet GODAA qesey denda; wolqqa may7a; kase aadhdhida wodetan, miimintte qanxxereththiday, gita daweza caddiday nena gidikkii?

ዬ ማጻፋ 7:6

Abeet GODAWU! Ne hanqon denda eqqa; eexxiza ta morkketa hanqo bolla denda; ta Xoossawu beegga; tumu pirda pirda.

ዬ ማጻፋ 76:10

Neni as hanqikokka hessi ne bonchchos gidees; olappe attidayti ne ba7aale bonchchana.

ዬ ማጻፋ 94:2

Abeet sa7a pirdizayssoo! Denda! Otoranchchatas bessiza qixaate imma.