ዬ ማጻፋ 80:9 - Geeshsha Maxaafa

⁹ Neni izis biittaa qeexa giigsadasa; histtiin xapho yeddada biitta ubbaa gakkadus.

ጋሞ ማጻፋ

⁹ ኔኒ ኢዚስ ቢታ ቄጻ ጊጊሳዳሳ፤ ሂስቲን ጻጶ ዬዳዳ ቢታ ኡባ ጋካዱስ።

ዬ ማጻፋ 80:9 Referans Kwoze

ኢያሶ ማጻፋ 24:12

Inttefe sinththe kazhe kiittada isttanne Amoore kawo nam7ata intte sinththafe gooddadis. Hayssi ubbay haniday intte mashshaninne intte wondafen gidenna.

ኢሳያሳ ቲንቢቴ 27:6

Yaana gallassatan Yaaqoobey xapho yeddana; Isra7eeley aacananne ciiyana; histtiin istta ayfey sa7a kumana.

ኤርማሳ ቲንቢቴ 12:2

Neni istta tokkadasa; histtiin xapho yeddida; diccidi ayfe ayfida. Istti nena doonappe yeggettenna; neni gidikko istta wozinappe haakon daasa.

ኢሳያሳ ቲንቢቴ 37:31

Yuhudappe attida cashati xapho duge yeddidi bollan ayfe ayfana.

ዬ ማጻፋ 105:44

Izi isttas hara kawoteththata biitta immides; histtiin istti harati daaburi kessida kaththa ayfe laattida.

1ታሪኬ ማጻፋ 21:5

Iyo7aabey qoodida asaa qooda Dawites immides; Isra7eeleppe 1,100,000 Yuhudappe 47,000 olanaas dandayzayta demmides.

1ካዎታ ማጻፋ 4:25

Solomooney de7ida layth ubbaan Daaneppe biidi Bersaabehe gakkanaas Yuhuda asaynne Isra7eele asay ubbay ba woyne tura kuwaninne ba eththaa kuwan woppan uttida.

1ካዎታ ማጻፋ 4:20

Yuhuda asaa qoodaynne Isra7eele asaa qooday abba shaamintta mala corattides; istti mishenne uyishe ufayssan de7ida.

2ሳሜላ ማጻፋ 7:10

Izas buzo duussasoy daana mala hayssafe qaaxxontta mala ta dere Isra7eeles soho immananne minththana. Hayssafe kase hanida mala hayssafe guye iita derey istta un7eththenna.

ዬ ማጻፋ 44:3

Istti bantta mashshan olidi he biitta oykkibeettenna; istti xooniday ba qese minoteththan gidenna. Gido attiin neni isttan ufayettida gishshas ne ushachcha kushey, ne qeseynne ne sinththa poo7o wolqqay hessa ooththides.

ኢሳያሳ ቲንቢቴ 5:2

Biitta bookkidi, shuchchaa qori kessidi, ubbaafe lo7iza woyne turaa tokkides; histtidi iza naaganaas shakko giigsides; woyne ushshu gum7izasoho olla bookki giigsides. Hessafe guye lo7o ayfe ayfana giidi naagides; gido attiin caala phanqida ayfe ayfides.

ኢሳያሳ ቲንቢቴ 27:2

He gallas, «Woyne mith tokkiza lo7osozas yexxite!

ኤርማሳ ቲንቢቴ 2:21

Tani nena muuruta zereththafe ekkada, lo7o woyne tura mala tokkadis. Histtiin neni waana guye simmada woran mokkidi moorettida woyne tura mala gidadii?