ዬ ማጻፋ 73:16 - Geeshsha Maxaafa

¹⁶ Tani ha yo7oza shaakka eranaas qoppadis gido attiin ta erappe bolla gidides.

ጋሞ ማጻፋ

¹⁶ ታኒ ሃ ዮኦዛ ሻካ ኤራናስ ቆፓዲስ ጊዶ ኣቲን ታ ኤራፔ ቦላ ጊዲዴስ።

ዬ ማጻፋ 73:16 Referans Kwoze

ኤራንቻታ ማጻፋ 8:17

Hessafe guye Xoossi ooththida ubbaa be7adis; salo gufanththon oosettiza miish oonikka erenna; asi keehi dafettidi pilggi xeellikokka iza birsheththaa demmanaas dandayenna. Aadho eranchchay, «Ta erays» giikkoka ubbaa eranaas dandayenna.

ኦሮሜ ኣሳስ 11:33

Xoossa dureteththi, aadho erateththaynne iza erateththay ay mala ciimmaa! Iza pirday ay malakko paacettenna; izi aadhdhida geedoykka erettenna.

ዬ ማጻፋ 97:2

Shaaraynne sakkanna dhumay iza yuuyi aadhdhides; xilloteththinne tumateththi iza kawoteththa araataas yochcha.

ዬ ማጻፋ 77:19

Neni abba giddora hemettaasa; ciimma abba giddora kanththaasa; gidikkoka ne bida geedoy erettenna.

ዬ ማጻፋ 39:6

Tumappe asa duussi eesho mala; coo mela hada haaro shiishon daaburees; gido attiin ooni ekkanaakko erenna.

ዬ ማጻፋ 36:6

Abeet GODAWU! Ne xilloteththay ubbaafe dhoqqa zumata mala; ne pirdayka ubbaafe ziqqa ciimma mala; neni asaakka do7aakka iitappe naagaasa.

ኤራንቻታ ማጻፋ 1:17

Qasse tani aadho erateth, gooshshateththinne eeyateth shaakka eranaas keeha baaxetadis; gido attiin wurseththan hessika carko oykkanaas yedeththiza mala hada gididayssa eradis.