ዬ ማጻፋ 69:3 - Geeshsha Maxaafa

³ Tani maado demmanaas waassashe daaburadis; taas qoodhe poorandeyka melides. Ta Xoossa naagon dishin ta ayfey baljumides.

ጋሞ ማጻፋ

³ ታኒ ማዶ ዴማናስ ዋሳሼ ዳቡራዲስ፤ ታስ ቆ ፖራንዴይካ ሜሊዴስ። ታ ጾሳ ናጎን ዲሺን ታ ኣይፌይ ባልጁሚዴስ።

ዬ ማጻፋ 69:3 Referans Kwoze

ዬ ማጻፋ 6:6

Ta ceecen xalla daaburadis; omars omars tani yeekkashe ta hiixa caphisays; ta borkoththaaka ta afunththan musissays.

ኢሳያሳ ቲንቢቴ 38:14

Tani cirashanne haaththa kafo mala waassadis; haraphphe malakka guugumadis. Ta ayfeti pude salo xeellidi daaburda. Abeet Godawu, tani un7ettadis; neni tana hannife kessa!» gadis.

ዬ ማጻፋ 119:123

Ta ayfeti ne ashshizayssanne ne xillo qaala naagishe doljumida.

ዬ ማጻፋ 119:82

«Ayde tana minththeththandeesha?» guussan ne immida hidota qaala ta naagishin ta ayfey doljumides.

ዛሬ ማጻፋ 28:32

Ne ayfe sinththan ne attuma naytinne macca nayti hara kawoteththas imettana; istti simmiin be7ana gaada ne xeellishin ne ayfey doljumana; hessa digganaas nees ay wolqqayka deenna.

Ibirawe 5:7

Yesusi hayssa biittaa bolla diza wode iza hayqoppe ashshana dandayzayssako afunxxishe qaala dhoqqu histti woossides. Addafe ashketeththara izi azazettida gishshas iza woosaakka Xoossi siyides.

ዮሃኒሳ ሚሺራቾ 19:28

Hessafe guye Yesusi ha7i wurikka polettidayssa eridi Geeshsha Maxaafan xaafettidayssi polettana mala, «Tana saamees» gides.

ኤርማሳ ዚላስ 2:11

Ta derey wurides; naateththa naytinne qeeri nayti katama giddon labbani kundida. Hessa gishshas ta ayfey afunththan baljumides; taas maracey kokkorides; ta wozinaykka seerides;

ዬ ማጻፋ 69:21

Tani gafida wode taas cammiza kath immida. Tani saamettida wode taas caala phanqida ushshu immida.

ዬ ማጻፋ 39:7

«Abeet Godawu! Neeppe attiin hara oonakko xeelloo? Ta hidotay nenana.

ዬ ማጻፋ 25:21

Ne taas hidota gidida gishshas suureteththaynne tumateththay tana naago.

ዬ ማጻፋ 22:15

Taas qoodhey kon7a mala melides; ta inxarsay gonggiraththara oykettides; neni tana hayqqida asa mala gudullan baanan yeggadasa.

ዬ ማጻፋ 22:2

Abeet ta Xoossawu! Gallas kumeth ta neekko waassishin ne siyabeekka; qamma ubbaankka neekko waasoppe shempabeekke.

ኢዮቤ ማጻፋ 16:16

Ta ayfesoy yekon zo7ides; sakkanna dhumay ta siphinth kammides.

ኢዮቤ ማጻፋ 11:20

Iitata ayfey qooqana; istti attana ogeti ubbay gorda gidana; istta wurseththayka hayqo.»

ዬ ማጻፋ 40:3

Izi ta doonan ooraththa mazamure woththides; he yeththay, «Nu Xoossay galatetto» gizaaza. Daroti be7idi yayyananne GODAAN ammanettana.

ዬ ማጻፋ 88:7

Ne hanqoy tana deexxees; ne hanqoza dambalay tana mulera mittides.