ዬ ማጻፋ 64:8 - Geeshsha Maxaafa

⁸ Izi istti haasayda qaala istta bolla zaarana; isttaka bashshan gaththana; istta be7ida ubbay aamusidi hu7e qaaththana.

ጋሞ ማጻፋ

⁸ ኢዚ ኢስቲ ሃሳይዳ ቃላ ኢስታ ቦላ ዛራና፤ ኢስታካ ባሻን ጋና፤ ኢስታ ቤኢዳ ኡባይ ኣሙሲዲ ሁኤ ቃና።

ዬ ማጻፋ 64:8 Referans Kwoze

ሌሚሶ ማጻፋ 18:7

Eeya asa haasayay iza dhayssees; iza metershati izas woximade gideettes.

ሌሚሶ ማጻፋ 12:13

Iita asi ba haasayda iita haasayan oykettees; xilloy gidikko metoppe kessi ekki attees.

ዬ ማጻፋ 140:9

Ta morkketan tana xoonisoppa; istti qoppida iita qofay istta hu7en xaaxetto.

ሉቃሳ ሚሺራቾ 19:22

«Iza godazi zaaridi izas, ‹Haysso iita oosanchchazoo! Ta ne qaalan nena zaara pirdays. Tani woththonttasoppe ekkizaadenne zeronttasoppe maxiza menxe iita as gididayssa eraasashin tani ta miishshaa yelora ekkana mala he miishshaan ooththana asatas aazas immabeekkii?› gides.

Maatosa 21:41

Isttika, «Heyta iitata daro waayisi wodhidi woyney tokettiza gadaappe bessiza woyne ayfe wodera izas immiza hara goshshanchchatas gadaa kirasana» gi izas zaarida.

ናሆሜ ቲንቢቴ 3:7

Nena be7izayti neeppe baqatishe, ‹Nannawey laalettadus; izis yeekkanay oonee?› gaana. Nena minththeththanaade ta awappe demmanee?» gides.

ኤርማሳ ቲንቢቴ 48:27

Neni kase Isra7eele qidhabeekkii? Izi gishshas ne haasayza wode neni ne hu7e qaaththabeekkii? Iza kaysotara kaysotashe oykettadee?

ኤርማሳ ቲንቢቴ 18:16

Istta biittay bulanne mernaas kadhettidaaz gidana; heera aadhdhiza ubbay malalettana; ba hu7ekka qidhishe qaaththana.

ዬ ማጻፋ 31:11

Ta morkketa ubbaas tani qidhe miish gidadis; ta shoorotas miires attadis; tana erizaytas kadhes gidadis; ogen tana be7idaytikka taappe baqateettes.

ዬ ማጻፋ 22:7

Tana be7ida ubbati qidheettes; zaaridikka inxars kessi qidheettes; ba qoodhekka ta bolla qaaththeettes.

ኢዮቤ ማጻፋ 15:6

Ne bolla pirdizay ne doonappe attiin tana gidikke; ne haasayay nenateththaa qonccisees.

ዮሃኒሳ ኣጁታ 18:10

Izi waayezas babbida gishshas haahon eqqidi, «Hanne gita katamayee! Hanne mino katamaye Baabiloonee! Ne pirday mexi issi saate giddon yida gishshas nees Aayye ana! Aayye ana!» gaana.

ዮሃኒሳ ኣጁታ 18:4

Qasseka hara qaalay saloppe, «Ta deretoo! Intte izira izi nagaran zuppetontta malanne izo gakkiza boshaa intte izira gishetti ekkontta mala izippe shaaketti kezite.

ዬ ማጻፋ 59:12

Istti bantta doonappe kessiza nagara gishshas, bantta inxarsaa qaala gishshas, istti qanggida qanggeththa gishshassinne wordotiza gishshas bantta otoreteththan oyketetto.

ዬ ማጻፋ 52:6

Xilloti hayssa be7idi yayyana; istti iza bolla hizgi miiccana;

ዬ ማጻፋ 9:3

Ne qoncciza wode ta morkketi guye simmana; ne sinththafekka dhuphetti dhayana.

ታይቦ ማጻፋ 16:34

He heeran diza Isra7eele asay he asaa waaso siyidi, «Hayssi biittay nunakka mittontta aggenna!» gi waassishe baqatides.

ዬ ማጻፋ 144:6

Wolqqanth yeddada ne morkketa laalla! Ne wondafe yiishshan dukkada yedeththa!