ዬ ማጻፋ 59:16 - Geeshsha Maxaafa

¹⁶ Gido attiin tani ne wolqqa sabbana; maalado maalado ne mernaa siiqo gishshas yexxana. Neni taas meto gallas zempponne baqata attiza miixa.

ጋሞ ማጻፋ

¹⁶ ጊዶ ኣቲን ታኒ ኔ ዎልቃ ሳባና፤ ማላዶ ማላዶ ኔ ሜርና ሲቆ ጊሻስ ዬጻና። ኔኒ ታስ ሜቶ ጋላስ ዜምፖኔ ባቃታ ኣቲዛ ሚጻ።

ዬ ማጻፋ 59:16 Referans Kwoze

ዬ ማጻፋ 21:13

Abeet GODAWU! Ne minoteththay dhoqqu dhoqqu go; ne gita wolqqaa gishshas galata mazamure yexxoos.

ኤፌሶኔ ኣሳስ 3:20

Hessa gishshas nu giddon ooththiza ba wolqqaa gina nu woossizayssafenne woykko nu qoppizayssafe ubbaafe bollara keehi darssi ooththanaas dandayza Xoossaas,

ኦሮሜ ኣሳስ 15:9

Hessaththoka Ayzaabeti iza maaroteththaa gishshas Xoos galatana mala; hessika, «Ta nena dere giddon galatana; ne sunththaaska galata mazamure yexxana» geetetti Geeshsha Maxaafan xaafettida mala.

ዬ ማጻፋ 30:5

Iza hanqoy guuththa wodessa, gido attiin iza kiyateththi de7o layth ubbaassa; omars yeekkishe aqikkoka maalado zaway baynda ufays gidees.

ዬ ማጻፋ 143:8

Tani nena ammanettiza gishshas maalado maalado ne siiqo tana bessa; tani ta shemppo nees hadaradis; hessa gishshas ta baana oge tana tamaarsa.

ዬ ማጻፋ 138:7

Tani meto giddon diikkoka neni tana naagaasa; ta morkketa hanqo bolla ne qese denththaasa; ne ushachcha kushen tana ashshaasa.

2ቆሮንቶሴ ኣሳስ 1:10

Izi nuna hessa mala qoppontta hayqoppe ashshides; ha7ikka wodeppeka izi nuna ashshanayssa nu ammanettoos.

ዬ ማጻፋ 101:1

Tani ne siiqo gishshassinne tuma pirda gishshas yexxana; abeet GODAWU! Tani nees galata mazamure yexxana.

Ibirawe 5:7

Yesusi hayssa biittaa bolla diza wode iza hayqoppe ashshana dandayzayssako afunxxishe qaala dhoqqu histti woossides. Addafe ashketeththara izi azazettida gishshas iza woosaakka Xoossi siyides.

ዬ ማጻፋ 145:11

Istti ne kawoteththa bonchcho gishshas haasayana; ne wolqqa gishshas yootana.

ዬ ማጻፋ 36:5

Abeet GODAWU! Ne mernaa siiqoy salo gakkees; ne tumateththayka bolla shaara mala dhoqqees.

ዬ ማጻፋ 31:7

Ta meto neni be7ida gishshassinne ta tuggaa neni erida gishshas tani ne siiqon ufayettays.

ዬ ማጻፋ 4:1

Abeet ta xillo Xoossawu! Tani xeygiza wode ne taas koya. Tani un7ettida wode, neni tana shempisadasa; taas qadhettada ta woosa siya.

ኢዮቤ ማጻፋ 37:23

Ubbaa Dandayza Xoossay nu qofappe bolla; iza wolqqay gita; izikka tumu pirdizaade.

ኤርማሳ ቲንቢቴ 30:7

He gallassay ay mala daganththiza gallas gidanee! hessa mala gallassi deenna; he gallassay Yaaqoobe zereththatas meto gallas gidana; gido attiin istti he metozappe attana» gees.

ዬ ማጻፋ 89:1

Abeet GODAWU! Ne mernaa siiqo gishshas tani mernaas yexxana; ne ammaneteththaa yeleta ubbaas ta awajjana.

ዬ ማጻፋ 88:13

Abeet GODAWU! Neni tana maaddana mala ta neekko waassays; maalado maalado ta woosay ne sinth gakko.

ዬ ማጻፋ 77:2

Tani metotida gallas Xoossa koyays; omarsika shempontta ta kusheta izakko miccays; gidikkoka tani minettanaas dandayabeekke.

ዬ ማጻፋ 46:1

Xoossi nuni shiiqi attizasonne nuus wolqqa; nuna metoy gakkiza wode maaddanaas izi ubbato matan dees.

1ሳሜላ ማጻፋ 17:37

Tana gaammofenne zardo achchafe ashshida GODAY ha7ikka ha Filisxeeme addeza kusheppe ashshana» gides; Sa7oolikka zaaridi, «Ba, GODAY nenara gido» gides.

ዬ ማጻፋ 5:3

Abeet GODAWU! Maalado maalado guuran neni ta qaala siyaasa. Maalado maalado guuran tani ta woosa ne sinth shiishshada, neni taas immiza zaaro ekkana gaada naagays.

ዬ ማጻፋ 106:8

Gidikkoka izi ba sunththaa gishshas, ba gita wolqqa erisanaas istta ashshides.

ዬ ማጻፋ 86:13

Ays giikko ne tana bessida mernaa siiqoy keehi gita; neni ta shemppoyo duufoppe ashshadasa.

2ሳሜላ ማጻፋ 22:3

Ta Xoossay ta geemettiza zaalla, taas gondallenne atoteththa kace; izi taas mino miixa; taas zempponne tana ashshizaade; ne tana makkallanchchatappe ashshaasa.

ኬሳ ማጻፋ 15:6

«Abeet GODAWU! Ne ushachcha kushey wolqqan goobides; GODAWU ne wolqqama ushachcha kushey morkke menththereththides.

ኢዮቤ ማጻፋ 15:23

Kafos wora attida kaththa mala izi wora attana; izi dhayana dhuma gallassay izaakko matidayssa izi erees.