ዬ ማጻፋ 59:11 - Geeshsha Maxaafa

¹¹ Abeet nuus gondalle gidida Godawu! Ta asay neni halo kessizayssa balontta mala neni istta wodha dhayssofa; gido attiin ne wolqqan istta laallanne kawushsha.

ጋሞ ማጻፋ

¹¹ ኣቤት ኑስ ጎንዳሌ ጊዲዳ ጎዳዉ! ታ ኣሳይ ኔኒ ሃሎ ኬሲዛይሳ ባሎንታ ማላ ኔኒ ኢስታ ዎ ይሶፋ፤ ጊዶ ኣቲን ኔ ዎልቃን ኢስታ ላላኔ ካዉሻ።

ዬ ማጻፋ 59:11 Referans Kwoze

ዬ ማጻፋ 3:3

Gido attiin GODAWU! Neni ta yuushon gondalle. Tana bonchchisizaynne minththeththizay nena.

ዮሃኒሳ ኣጁታ 9:6

He gallassatan asay hayqqana koyana shin hayqo demmettenna; hayqqanaas amottana shin hayqoy isttafe baqatana.

ሉቃሳ ሚሺራቾ 21:21

He wode Yuhudan dizayti pude zuma bolla gangetto; kataman dizaytikka katamappe kezite; dere giddon dizaytikka he katamayo geloppetto.

ዬ ማጻፋ 52:5

Gido attiin Xoossi nena mernaas dhayssana; izi nena ne keeththafe buuci kessana; paxa dizayta giddofekka dhoqalli diggana.

ኢዮቤ ማጻፋ 40:12

Ane lo7eththa xeellada otoranchchata ubbaa yeellachcha; iita ooththizayta istti dizason heen dhayssa.

ዛሬ ማጻፋ 28:64

GODAY nena kumeththa alamen diza asaa giddon biittas gaxappe gaxa gakkanaas laallana; heen neninne ne aawati kase goynni erontta miththafenne shuchchafe oosettida eeqa xoossatas intte goynnana.

ዛሬ ማጻፋ 4:27

GODAY inttena hara kawoteththata giddon laallana; intte bi laalettidason inttefe amardayti xalla attana.

ዬ ማጻፋ 106:27

Istta zereththati kawoteththata giddon olettanayssanne istti biitta gaxa gakkanaas laalettanayssa yootides.

ዬ ማጻፋ 84:11

GODAY nuus arshenne gondalle; izi ayoteththaninne bonchchon nuna naagees; Suureteththan hemettizayta izi lo7o miish diggenna.

ዬ ማጻፋ 84:9

Abeet Xoossawu! Neni doora tiyda nu kawoza anjja; izi nuus gondalle gidida gishshas ne iza xeella.

ዬ ማጻፋ 44:11

Neni nuna dorsata mala shukas aaththa immadasa; qasse kawoteththata giddon nuna laalladasa.

ዛሬ ማጻፋ 4:9

«Histtiko intte diza wode ubbaan hayssa intte intte ayfera be7idayssa ubbaa balontta malanne intte wozinappe dhayontta mala naagettite; intte naytanne intte nayta naytakka tamaarsite.

ሌዌታ ማጻፋ 26:33

Ta intte bolla ola ehada inttena Ayzaabeta giddon laallana; tani ta mashsha kessada inttena gooddana; intte kawoteththay asi baynda biitta gidana; intte katamatikka laalettana.

ኤራንቻታ ማጻፋ 9:5

Shemppora paxa diza asi ba hayqqanayssa erees; gido attiin hayqqidayti aykkoka erettenna; istta qofsiza miishshi ubbay dogettees; istti go7ettana miishshika deenna.

1ሳሜላ ማጻፋ 24:5

Gido attiin Dawiti Sa7oole may7o xeera qanxxidayssan iza wozinay keehi ceecides.

ዬ ማጻፋ 118:7

GODAY tana maaddanaas tanara dees; ta morkketa xooneteththaa tani ayfen be7ana.