ዬ ማጻፋ 47:5 - Geeshsha Maxaafa

⁵ Ililishin Xoossay ufayssan zaye punnishin GODAY pude ba araatan kezides.

ጋሞ ማጻፋ

⁵ ኢሊሊሺን ጾሳይ ኡፋይሳን ዛዬ ፑኒሺን ጎዳይ ፑዴ ባ ኣራታን ኬዚዴስ።

ዬ ማጻፋ 47:5 Referans Kwoze

ዬ ማጻፋ 68:33

Beniisoppe doommidi diza salotappe bollara bizayssas yexxite; izi ba wolqqama cenggurssa guunththan yootishin ezgi siyite.

1ታሶሎንቄ ኣሳስ 4:16

Goday ba hu7era gita azazon kiitanchchata halaqa giirissara Xoossa xurumba giirissan saloppe wodhdhana; kase Kirstoosa ammanidi hayqqidayti istti kaseti dendana.

1ቆሮንቶሴ ኣሳስ 15:52

Hessika hananay nu qoppontta dishin wurseththa xurumbay punettiza wode qiphida ayfey xeelliza mala issito hanana; xurumbay punettana; hayqqida asay wooqqonttayta gididi dendana; nunikka laamettana.

ዬ ማጻፋ 150:3

Zayen iza galatite; bagananinne maasinqon iza galatite.

ዬ ማጻፋ 78:65

Hessafe guye Goday dhiskofe beeggiza mala beeggides; woykko woyne ushshu uyi maththottida qaray maththofe beeggiza mala dendides.

2ሳሜላ ማጻፋ 6:15

Hessa malan Dawitinne kumeththa Isra7eele asay ufayssan ililishenne zaye punnishe GODAA Caaqo Qaala Taabotaa pude ehida.

ኢያሶ ማጻፋ 6:5

Hessafe guye zayey qanxxoy baynda punettizayssa siyida mala asay wuri ba qaala dhoqqu histti waasso; histtida mala katamay gimbey laalettana; asay wuri lawuhu gi ke7idi katamay giddo sitti gi gelana» gides.

ታይቦ ማጻፋ 23:21

Yaaqoobe zereththa bolla metoy gakkenna; Isra7eele asaa bollaka waayey gakkonttayssi taas beettees; GODAY isttara dees; Xoossi kawo gididayssa istti qonccen yooteettes.

ዮሃኒሳ ኣጁታ 11:15

Laappunththo kiitanchchayka ba zayeza punnides; Salon, «Alame kawoteththi nu Godaa Xoossaassinne Kirstoosas gidides; izikka mernaappe mernaa gakkanaas kawotana» giza gita qaalay siyettides.

1ጺምቶሳስ 3:16

Tumu Ayana duussa xuuray sidhey baynda gita; izikka, «Ase gidides; iza Xilloteththi Xillo Ayanan qonccides; kiitanchchatas beettides; dere ubbaas sabbakettides; alamen dizaytan ammanettides; bonchchora pude dendi bides» gizayssa.

ዬ ማጻፋ 98:6

Dinkenne zaye punnishe nu kawaa GODAA sinththan ufayssan ililite.

ዬ ማጻፋ 81:3

Aginay xeeriza wodenne dhuman geliza wode ba7aales zaye punnite.

1ታሪኬ ማጻፋ 16:42

Hemaanessinne Edotaanes xurumba punnanaas, daala giirissanaasinne mazamure yexxishe go7ettiza hara massarata bolla aawateththi isttas imettides; Edotaane nayti dirsa penge naagana mala alaafeteththi imettides.

1ታሪኬ ማጻፋ 15:28

Histtidi Isra7eele ubbay hombocishe xurumbanne zaye punnishe, daala giirissishe, diiththinne maasinqo diixxishe GODAA Taabotaa ehida.

1ታሪኬ ማጻፋ 15:24

Qasse qeeseti Shebaaniya, Iyoosaafixey, Natina7eeley, Amasayey, Zakaraasi, Bannayaynne El7ezeerey Xoossa Taabotaa sinththan xurumba punnanaas doorettida; Obeed-Eedoomeynne Yihiyay Taabotaa naaganaas doorettida.

ሂዚቄላ ቲንቢቴ 20:6

‹Tani istta Gibxe biittafe kessada ubbaafe lo7o gidida maaththinne eessi goggiza biitta ta isttas giigsa woththida biitta gelththana› gaada caaqqadis.

ኣሞጼ ቲንቢቴ 8:7

Yaaqoobeynne iza zereththati izan ceeqettiza GODAY, «Istti ooththida ooso ubbaa tani balikke.

ሚልካሳ ቲንቢቴ 2:3

«Intte gaason intte nayta ta hanqana; intte yarshos shiishshiza mehe toce ta gede intte ayfe bolla laallana; intteka izara issife dhayana.