ዬ ማጻፋ 47:1 - Geeshsha Maxaafa

¹ Kawoteth ubbay intte kushe baqqite; intte qaala dhoqqu ooththidi Xoossas ilili giite.

ጋሞ ማጻፋ

¹ ካዎቴ ኡባይ ኢንቴ ኩሼ ባቂቴ፤ ኢንቴ ቃላ ቁ ኦዲ ጾሳስ ኢሊሊ ጊቴ።

ዬ ማጻፋ 47:1 Referans Kwoze

ዬ ማጻፋ 106:47

Abeet GODAWU Nu Xoossawu! Nuna ashsha. Nuni ne geeshsha sunththa galatana mala kawoteththata giddofe nuna shiishsha.

ዬ ማጻፋ 98:4

Sa7a bollan diza as ubbay GODAAS ufayssan yexxite; qaala dhoqqu ooththidi ufayssa yeththan galatite.

ኤርማሳ ቲንቢቴ 31:7

GODAY, «Yaaqoobe deraas ufayssan yexxite; kawoteththata halaqas ilili giite; intte galatakka sissite; ‹GODAWU Isra7eeleppe casha attida ne deraa ashsha› giite.

ኢሳያሳ ቲንቢቴ 55:12

Intte ufayssan kezana; saron moyzettana. Zumatinne zumbullati intte sinththan ililisara yexxana; demban diza miththati ubbayka bantta kushe baqqana.

ዬ ማጻፋ 46:1

Xoossi nuni shiiqi attizasonne nuus wolqqa; nuna metoy gakkiza wode maaddanaas izi ubbato matan dees.

ዬ ማጻፋ 47:5

Ililishin Xoossay ufayssan zaye punnishin GODAY pude ba araatan kezides.

2ካዎታ ማጻፋ 11:12

Yoodaheykka kawo naaza izi dizasohoppe kessidi iza hu7en kallachcha goxxides; caaqo qaala maxaafaakka izas immides; iza tiydi kawoththidayssa awajjides; hessafe guye derezi, «Kawoy 1,000 layth kawoto» guussan ba kushe baqqidi ba ufayssaa dhoqqa qaalan waassi erisides.

2ሳሜላ ማጻፋ 6:15

Hessa malan Dawitinne kumeththa Isra7eele asay ufayssan ililishenne zaye punnishe GODAA Caaqo Qaala Taabotaa pude ehida.

ዛካራሳ ቲንቢቴ 9:9

Hanne Xiyoone nayee keeha ufayetta. Hanne Yerusalaame nayee ufayssan ilila; xillonne ashshiza ne kawoy ashke gididi hareyonne harey gutte toggidi neekko yees.

ዛካራሳ ቲንቢቴ 4:7

«Haysso gita zumazo ne aazee? Ne Zerubaabele sinththan tidhdhi gida demba gidana; qasse Zerubaabeley Xoossa Keeththa keexxi giigidi qustte shuchcha pude kessiza wode asay, ‹Hashshu hashshu lo7on polettides› gi sabbana» gees.

ዬ ማጻፋ 98:8

Shaafati issife bantta kushe baqqetto! zumati GODAA sinththan issife ufayssan yexxetto!

2ታሪኬ ማጻፋ 13:15

Hessafe guye Yuhuda olanchchati olas magulishe ceeqettida; he wode Xoossay Iyorba7aamenne Isra7eele asaa ubbaa Abiya sinththaninne Yuhuda sinththan shocides.

1ሳሜላ ማጻፋ 10:24

Sameelikka kumeththa dereza, «GODAY dooridayssa beyeetii? Deraa ubbaa giddon izara giniza asi deenna» gides; derezi ba qaala dhoqqu histtidi, «Kawoy mernaas kawoto!» gides.

ሶፎናሳ ቲንቢቴ 3:14

Hanne Xiyoone nayee ane yexxa! Isra7eele asawu ane ililite! Hanne Yerusalaame nayee! Kumeththa wozinappe ufayetta! Ufayettashe hashshu ga!

ዬ ማጻፋ 42:1

Wushay pultto haath laamotiza mala, abeet Xoossawu, tanikka nena laamotays.