ዬ ማጻፋ 43:4 - Geeshsha Maxaafa

⁴ He wode tani tana ufayssiza Xoossako baana; nees yarsho yarshizasoza baada nees goynnana; Abeet Godaa ta Xoossawu! Tani diiththan nena sabbana.

ጋሞ ማጻፋ

⁴ ሄ ዎዴ ታኒ ታና ኡፋይሲዛ ጾሳኮ ባና፤ ኔስ ያርሾ ያርሺዛሶዛ ባዳ ኔስ ጎይናና፤ ኣቤት ጎዳ ታ ጾሳዉ! ታኒ ዲን ኔና ሳባና።

ዬ ማጻፋ 43:4 Referans Kwoze

ኢሳያሳ ቲንቢቴ 61:10

Tani GODAAN keehippe ufayettays; ta shemppoyakka ta Xoossan hombocawus; mishiray ba hu7en kallachcha goxxiza mala, mishirayakka bana inqqun seeleththiza mala atoteththa may7o tana mayzides; xilloteththa seelokka ta bolla gophides.

ዬ ማጻፋ 57:8

Ta shemppoyee birkka! Diiththatinne maasinqoti beeggite! Tanikka wonttara dendana.

ዬ ማጻፋ 33:2

Maasinqo shocishe GODAA galatite; tammu shayan waaxettida diiththan izas yexxite.

ዬ ማጻፋ 81:2

Yeth doommite; karabe baqqite; diiththaninne maasinqon lo7o mazamure yexxite.

ዬ ማጻፋ 42:6

Ta Xoossawu! Ta Wozinaya ceecadus; hessa gishshas tani Yordaanoose biittan Hermoone zumbulla Mizaare zuma bolla eqqada nena ta qoppana.

ዬ ማጻፋ 26:6

Abeet GODAWU! Tanan qohoy bayndayssa bessanaas ta kusheza meeccays; histtada yarsho yarshizasoza yuuyays.

2ሳሜላ ማጻፋ 6:5

Dawitinne Isra7eele asay ubbay yeththan, diiththan, maasinqon, karaben, xinaaxileninne daalan baas diza wolqqa ubbaan GODAA sinththan guppida (kaa7ida).

ኦሮሜ ኣሳስ 5:11

Hessa xalala gidenna; qasseka nuni ha7i izara giiga demmida nu Godaa Yesus Kirstoosa baggara Xoossankka ufays ooththoos.

ዮሃኒሳ ኣጁታ 5:8

Xaaththa maxaafaza ekkida mala oyddu do7atinne nam7u tammanne oyddu cimati he dorsaa sinththan ba liiphen gufannida. Isttika issoy issoy ba kushen diith misatiza miish oykkida; hessaththoka geeshshata woosa gidida exaaney izan kumida worqqa xaaro ba kushen oykki deettes.

ዬ ማጻፋ 57:9

Abeet Godawu, tani nena asa ubbaa sinththan galatana; qasse deraa giddon ta nena yeththan sabbana.

ዬ ማጻፋ 63:2

Tani nena geeshshasohon xeelladis; ne wolqqanne ne bonchcho tani be7adis.

ዛካራሳ ቲንቢቴ 13:9

He attida issi kushe asaa ta gede taman yeggana; bira taman geeshshiza mala ta geeshshana; worqqa malakka paaccana; istti ta sunth xeygana; tanikka isttas koyana; ta isttas, ‹Ta dereta› gaana; isttika, ‹Nu GODAA› gaana» gides.