ዬ ማጻፋ 39:12 - Geeshsha Maxaafa

¹² «Abeet GODAWU! Ta woosa siya; tana maaddanaas ta waasoza ezga. Ta afunththaa co7u gooppa; tani kase ta aawata ubbaa mala bete asinne imath gidada ne keeththan days.

ጋሞ ማጻፋ

¹² «ኣቤት ጎዳዉ! ታ ዎሳ ሲያ፤ ታና ማዳናስ ታ ዋሶዛ ኤዝጋ። ታ ኣፉን ጮኡ ጎፓ፤ ታኒ ካሴ ታ ኣዋታ ኡባ ማላ ቤቴ ኣሲኔ ኢማ ጊዳዳ ኔ ኬን ዳይስ።

ዬ ማጻፋ 39:12 Referans Kwoze

1ጴጽሮሳ ኪታ 2:11

Ta siiqotoo! Intte hayssa alameza bolla imaththenne bete as gidida gishshas shemppora olettiza asho amoteththatappe haakkana mala ta inttena hadara gays.

Ibirawe 11:13

Heyti wurikka isttas imettida hidota qaalaa demmontta ba ammanon naagida mala hayqqida; gidikkoka istti hayssa biittaa bolla imaththenne bete as gididayssa erida gishshas haahon dishe be7idi kushen aaththida mala ufayssan ekkida.

ዬ ማጻፋ 119:19

Tani ha sa7an imaththa; ne azazota taappe genththofa.

ሌዌታ ማጻፋ 25:23

« ‹Gadey wozzettontta mala bayzanaas bessenna; gaasoykka biittay taassa attiin iza inttes gidukku; intte imaththatanne bete asata mala.

ሜቴ ማጻፋ 47:9

Yaaqoobey kawozas, «Tani yuuya yuuya deyida layththay 130; ta layththay beni ta aawati yuuyi yuuyi deyida layththatappe guuththanne metoy darida layththa» gides.

1ጴጽሮሳ ኪታ 1:17

Oonakka dumma shaakki maaddontta issaas issaas izaade ooso mala pirdiza Xoossaa, «Izi nu Aawaa» giidi intte xeygikko hayssa alamezan intte imaththenne bete as gididi diza wode ubbaan izas babbite.

ዬ ማጻፋ 56:8

Neni ta yeeho beyadasa; ta afunththaa makkadasa; ubbatikka ne mazgaban xaafettida.

1ታሪኬ ማጻፋ 29:15

Kase nu aawata mala nunikka ne sinththan betenne imaththata; ha sa7aa bollan nu de7o layththay hidotay baynda kuwa mala elle aadhdhees.

2ካዎታ ማጻፋ 20:5

«Neni guye simmada ta dereza halaqa Hizqiyaasas, ‹Kase GODAY ne aawa Dawite Xoossay ta ne woosa siyadis; ne afunththaaka beyadis; tani nena paththana. Hachchife doommiin heedzdzu gallassatafe guye neni pude GODAA Keeth kezana.

Ibirawe 5:7

Yesusi hayssa biittaa bolla diza wode iza hayqoppe ashshana dandayzayssako afunxxishe qaala dhoqqu histti woossides. Addafe ashketeththara izi azazettida gishshas iza woosaakka Xoossi siyides.

ዬ ማጻፋ 116:3

Hayqoy woximade mala tana dooddi oykkides; duufon geloy tana hirgisides. Ceeceynne un7oy tana toli oykkides.

ኢዮቤ ማጻፋ 16:20

Ta laggeti tana leqon xeelleettes; tani gidikko pude Xoossas yeekkays.

2ሳሜላ ማጻፋ 16:12

GODAY ta kawushshateththaa be7idi hachcha doqeththaa gishshas izi taas lo7o ooththanaakko oonee erizay» gides.

2ቆሮንቶሴ ኣሳስ 5:6

Nuni ashon diza wode Godaappe haakki dizayssa erikkoka izan ammanettidi doos.

ዬ ማጻፋ 102:1

Abeet GODAWU! Ta woosa siya; ta waasoy neekko gakko.

ዬ ማጻፋ 119:54

Tani imaththateththan de7iza biittan ne wogay taas mazamure gidides.

ሜቴ ማጻፋ 21:34

Abrahaamey Filisxeeme biittan daro wode imaththateththan de7ides.

ኢዮቤ ማጻፋ 13:28

«Hessa gishshas tani wooqqida miishsha mala gidada attana; baday mida may7o malakka ta dhayana.

ዬ ማጻፋ 90:9

Nu wode ubbay ne hanqon aadhdhides; nu layththaaka oolen wursoos.