ዬ ማጻፋ 34:16 - Geeshsha Maxaafa

¹⁶ Istta hassa7issiza miish biittafe dhayssana mala, GODAY iita ooththizayta ba hanqo ayfen xeellees.

ጋሞ ማጻፋ

¹⁶ ኢስታ ሃሳኢሲዛ ሚሽ ቢታፌ ይሳና ማላ፥ ጎዳይ ኢታ ኦዛይታ ባ ሃንቆ ኣይፌን ጼሌስ።

ዬ ማጻፋ 34:16 Referans Kwoze

ሌሚሶ ማጻፋ 10:7

Xillota sunththay anjjon xeygettishe daana; iitata sunththi gidikko dogettana.

ኤርማሳ ቲንቢቴ 44:11

«Hessa gishshas Ubbaafe Wolqqama GODAA Isra7eele Xoossay, ‹Tani intte bolla meto ehanaassinne Yuhuda ubbaa dhayssanaas qachcha dendadis.

ኤርማሳ ቲንቢቴ 17:13

Isra7eeles hidota gidida GODAWU! nena aggi bida ubbay yeellatana; nena de7o haaththa pultto gidida GODAA aggida gishshas ba ayfeso neeppe haraso zaarizayti gudulla bolla xaafettidayssa mala gidana.

ኢዮቤ ማጻፋ 18:17

Biitta bolla iza qoppiza asi deenna; iza goobateththika biittafe dhayana.

ሌዌታ ማጻፋ 17:10

«Isra7eele as gididay oonikka woykko Isra7eele naytara issife diza hara dere asi suuth uyikko hessaadey ta achchan ixettidaade gidees; tani hessaade iza dere garsafe shaakka dhayssana.

ኣሞጼ ቲንቢቴ 9:4

Istti ba morkketa kushen di7etti biikkoka heen istti mashshan hayqqana mala ta azazana; tani istta bolla ta ayfe lo7os gidontta iitas zaarana» gi azazides.

ኤራንቻታ ማጻፋ 8:10

Qasse iitati bonchchon moogettishininne geeshsha kataman sabettishin, Xoossa asati geeshsha kataman dogettishin ta be7adis; hessi ubbayka hada.

ዬ ማጻፋ 10:16

GODAY merippe mernaas kawotidi dees; hara kawoteththati iza biittafe dhayana.

ሌዌታ ማጻፋ 26:17

Tani intte bolla hanqon dendiza gishshas intte xoonettana; intte ixxiza intte morkketi inttena haarana; oonikka inttena gooddontta intte intterkka baqatana.

ኢዮቤ ማጻፋ 36:7

Xoossi xillo asata naagees; kawota mala bonchcho algan utisees; mernaas istta dhoqqu dhoqqu histtees.

ዬ ማጻፋ 18:7

Xoossi hanqettida gishshas biittay qaaxxides; zumata xaphoy kokkorides.

ዬ ማጻፋ 33:18

GODAA ayfeti izas yayyizaytanne iza mernaa siiqo hidota ooththiza asata xeellees.

ዬ ማጻፋ 94:9

Hayth immida Xoossi siyennee? Ayfe medhdhida Xoossi be7ennee?

ሌሚሶ ማጻፋ 15:29

GODAY iitatappe haakon dees; gido attiin xillota woosa siyees.