ዬ ማጻፋ 33:3 - Geeshsha Maxaafa

³ Ooraththa mazamure izas yexxite; diiththaa giigsi shocite; ufayssan ilili giite.

ጋሞ ማጻፋ

³ ኦራ ማዛሙሬ ኢዛስ ዬጺቴ፤ ዲ ጊግሲ ሾጪቴ፤ ኡፋይሳን ኢሊሊ ጊቴ።

ዬ ማጻፋ 33:3 Referans Kwoze

ኢሳያሳ ቲንቢቴ 42:10

Intteno duge abban wodhdhizaytoo, heen diza ubbatoo! Intteno harurotoo! Heenkka diza ubbatoo! GODAASSI ooraththa mazamure yexxite; biittaa gaxaappe doommidi izas galata mazamure shiishshite.

ኤፌሶኔ ኣሳስ 5:19

Ayana yeththan galatara gaththi yexxishe intte giddon issoy issaara haasayettite; intte sabaninne yeththan kumeththa wozinappe Godaa galatite.

1ታሪኬ ማጻፋ 25:7

Hayti ba dabbotara gididi GODAA sinththan shiiqiza mazamure tamaari loohidayta; istta qooday mulera nam7u xeetanne osppun tammanne osppuna.

ቆላሲያሴ ኣሳስ 3:16

Kirstoosa qaalay inttenan kumeth gido; intte intte garsan aadho erateththan tamaartenne zorettite; mazamureninne saban Ayana yeththan galatara gaththi intte wozinara Xoossas yexxite.

ዬ ማጻፋ 96:1

GODAAS ooraththa mazamure yexxite; sa7an de7iza asawu! Ubbay GODAAS yexxite.

ዮሃኒሳ ኣጁታ 5:9

Ooraththa mazamure hizgi yexxida; «Neni as dumma dumma kochchafe, dumma dumma qaalan haasayzaytappe, dumma dumma qommofenne dumma dumma dereppe Xoossas wozzanaas shukettida gishshas he xaaththa maxaafaza ekkanaassinne maatametakka doyanaas bessizaade gidadasa.

ዬ ማጻፋ 144:9

Abeet Xoossawu! Tani nees ooraththa mazamure yexxana; tammu shayan waaxettida diiththan nees yexxana.

ዬ ማጻፋ 98:1

GODAAS ooraththa mazamure yexxite; gaasoykka izi malalisiza miish ooththides; iza ushachcha kusheynne iza geeshsha qesey izas xoono immides.

1ታሪኬ ማጻፋ 13:8

Dawitinne Isra7eele asay ubbay diiththan maasinqon, karaben, daalaninne xurumban bantta kumeththa wolqqan Xoossa sinththan ufayettidi bonchchida.

ዮሃኒሳ ኣጁታ 14:3

Alga sinththaninne oyddu do7ata sinththan cimata sinththan xeetanne oyddu tammanne oyddu shii asay ooraththa mazamure yexxides; he yeththazakka deraa garsafe doorettida xeetanne oyddu tammanne oyddu shii asaappe attiin haray oonikka iza tamaaranaas dandaybeenna.

ዬ ማጻፋ 149:1

GODAY galatetto! GODAAS ooraththa mazamure yexxite! Geeshshata shiiqoson izas galata mazamure yexxite!

ዬ ማጻፋ 40:3

Izi ta doonan ooraththa mazamure woththides; he yeththay, «Nu Xoossay galatetto» gizaaza. Daroti be7idi yayyananne GODAAN ammanettana.

2ታሪኬ ማጻፋ 34:12

Isttika oosoza ammaneteththan ooththida; istta aawateththan oosisiza Leweti Meraare zarkkefe Yahaatenne Abdiyu, Qa7aate zarkkefe Mashulaamenne Zakaraasa. Yeththa miish lo7eththi eriza Leweti ubbay,

1ታሪኬ ማጻፋ 15:22

Leweta halaqa Kanaaniya yeththas imotay izas diza gishshas yexxizayta tamaarsana mala sunththida.

ዬ ማጻፋ 40:4

GODAAN ammanettizay, otoranchchatakko simmonttay, wordanchchatakko xeellonttay anjjettidaade.