3 Tani ta nagara paaxontta dashe gallas kumeth ceeciin ta asateththay daaburdes.
3 ታኒ ታ ናጋራ ፓጾንታ ዳሼ ጋላስ ኩሜ ጬጪን ታ ኣሳቴይ ዳቡርዴስ።
Tani ixettadissinne nififi gadis; ta wozinay ceecida gishshas waassays.
Ne hanqofe dendidayssan ta bollay payyenna; ta nagara gaason ta asateththay papattides.
Tani maado koyada waassa xeygiinkka izi ta waasaa siyanaas koyibeenna.
Ta Xoossawu! Ta Xoossawu! Tana ays aggadii? Tana maadda gaada tani waassishin ays siyontta ixxadii? Taappeka ays haakkadii?
Istti ba hiixa bolla ichchidi yeekkeettes; gido attiin wozinappe taakko woosettenna; kaththassinne ushshas shiiqeettes; gido attiin taappe sher7i gida.
Ba nagara genththiza asi aacenna; gido attiin paaxizaynne nagara aggizay maarettana.
Taas galbazi karexxidi dendides; taas bollazikka mishan xuugettides.
Neni tana ufayssinne hashshu giissiza miish sissa; ne menththereththida ta meqeththatakka paththa.
Izi ta asateththaaka ceegissides; ta meqeththatakka menththereththides.
Yuhuday daro waayettidaappenne tooshettidaappe guye di7ettadus; iza kawoteththata giddon uttadus; izis shempizasoykka dhaydes; iza meto garsan dishin gooddizayti ubbay izo demmida.
Nuni ubbay zardo mala laawoos; haraphpheta malakka ceecishe guugumoos; nuni suure pirda koyidos; gido attiin demmibeekko; attana koyidos; gido attiin izi nuuppe haakkides.
Ne attuma nayti daaburda; woximaden oykettida genessa mala oge gaxan ubbaan ichchida. GODAA hanqoynne ne Xoossa seeray istta bolla kumides.
Abeet GODAWU! Tani daaburanchcha gidida gishshas tana maara. Abeet GODAWU! Ta wozinay madunxida gishshas tana paththa.
Omars kumeth ta meqeththati hargen waayetteettes; sakozikka taas shemppo immenna.
Yeehoy taas kath gidides; waasoykka taas goggiza haaththa mala gidides.
Kayoteththa wodey aadhdhidaappe guye Dawiti kiitti ehisidi izo baas machcho ekkides; iza Dawites attuma naa yeladus; gido attiin Dawiti ooththida oosoy GODAA ufayssibeenna.
Iza nagara gishshassinne iza yiiqeteththa gishshas ta hanqettadis; ta iza qaxxayadis; ta sinththaaka hanqon izappe genththadis; gido attiin ha7ikka simmidi izi ba ogen bides.
Hessafe guye istta meqeththata ekkidi Yaabusen katama giddon diza Tamarssike geetettiza miththa garsan moogida; histtidi laappun gallas xoomida.
Ufayettiza wozinay lo7o dhale; gido attiin meqqida wozinay asas wolqqa dhayssees.