ዬ ማጻፋ 28:5 - Geeshsha Maxaafa

⁵ Istti GODAA oosos wudu gontta ixxida gishshas, iza kushe oosotas soho immontta aggida gishshas, izi istta laallana; zaaridikka keexxenna.

ጋሞ ማጻፋ

⁵ ኢስቲ ጎዳ ኦሶስ ዉዱ ጎንታ ኢጺዳ ጊሻስ፥ ኢዛ ኩሼ ኦሶታስ ሶሆ ኢሞንታ ኣጊዳ ጊሻስ፥ ኢዚ ኢስታ ላላና፤ ዛሪዲካ ኬጼና።

ዬ ማጻፋ 28:5 Referans Kwoze

ኢሳያሳ ቲንቢቴ 5:12

Istta gibirasohon maasinqoy, diiththi, karabey, susul7eynne woyne ushshi dees; gido attiin istti GODAA oosozas wudettibeettenna; izi ba kushen ooththida oosokka bonchchibeettenna.

ኦሮሜ ኣሳስ 1:28

Qasseka istti ba qofara Xoos eroy nuna maaddenna gida gishshas istti ooththanaas bessonttayssa ooththana mala Xoossi istta go7ontta qofas aaththi immides.

ዮሃኒሳ ሚሺራቾ 12:37

Yesusi isttas hessa mala malaata istta sinththan ooththiinkka Ayhudati izan ammanibeettenna.

ዬ ማጻፋ 10:5

Ubbaa miishshi izas kumees; ne wogay izas gelenna; otoranchchay ne wogappe haakkees; hessa gishshas ba morkketa bollan izi qilccees.

2ሳሜላ ማጻፋ 7:13

Ta sunththaas keeth keexxanay iza; tanikka iza kawoteththaa mernaas minththana.

ኦሮሜ ኣሳስ 1:20

Alamey medhettoosofe haa simmiin asa ayfen beetti erontta Xoossa hanoteththi hessika izas diza mernaa wolqqaynne Xoossateththay izi medhdhida medheteththaan qonccen beettees; hessa gishshas asay shiishshana gaasoykka deenna.

ሆሴኤ ቲንቢቴ 14:9

Aadho eranchchay ha yo7ota akeekana. Akeekizaadey ha yo7ota erana; GODAA ogey suure; xilloti izan hemetteettes. Nagaranchchati gidikko izan dhuphetteettes.

ኤርማሳ ቲንቢቴ 31:4

Isra7eele derezoo! Tani inttena zaara keexxana; intteka keexettana. Intte karabe zaari denththidi ufayssan hombocizaytara intte hombocana.

ኢሳያሳ ቲንቢቴ 45:18

Salota medhdhiday izi GODAA; biitta giigsidi medhdhiday, sa7as yoch yeggiday, iza asa duussaso gidana mala attiin coo mela woththanaas medhdhontta GODAY, Tani GODAA; taappe haray deenna.

ኢሳያሳ ቲንቢቴ 45:12

Sa7a ooththiday tana; asikka izi bolla medhdhadis. Salota tani ta kushen toladis; istta bolla salo medhetata woththadis.

ኢሳያሳ ቲንቢቴ 45:8

Intteno salotoo, bollafe xilloteth bukisite; shaaratikka duge xokisite; biittay doyetto; atoteththi mokko. Xilloteththika izara issife dicco. Tani GODAY hessa medhdhadis.

ኢሳያሳ ቲንቢቴ 40:26

Intte ayfe dhoqqu histtidi pude salo xeellite; haytantta ubbaa medhdhiday oonee? Salo xoolintteta issaa issaa kessizay, istta sunththan sunththan xeygizay iza. Izi ba gitateththaninne ba erateththa minoteththaafe dendidayssan isttafe issoyka dhayenna.

ኢሳያሳ ቲንቢቴ 22:11

Kase gal7a eele haaththaa zaaridi, iza minjjizaso nam7u gimbetappe giddon giigsideta. Gido attiin intte hessa ooththiday oonakko eribeekketa; koyro halchchi ooththidayssa akeekibeekketa.

ዬ ማጻፋ 104:24

Abeet GODAWU! Ne oosoy ay keena daroo! Ne aadho erateththan neni istta ubbaa medhdhadasa; ne medhdhida medhetati biitta kumida.

1ካዎታ ማጻፋ 11:38

Ta aylle Dawiti ooththida mala ta azazota ubbaa ne polikko, ta ogen ne hemettiko, ta wogatanne maarata ne naagikko ta sinththan suure hankko tani nenara gidana; ta Dawites ooththida mala ne kawoteththaaka minththana. Isra7eelekka tani nees immana.

2ሳሜላ ማጻፋ 7:27

«Abeet Ubbaafe Wolqqama GODAWU, Isra7eele Xoossawu, ‹Ta nees keeth keexxana› gaada hessa taas ne ayllezas qonccisadasa. Hessa gishshas ne ayllezi ha woosayo woossanaas ba wozinan xalides.

ታይቦ ማጻፋ 23:23

Yaaqoobe nayta bolla ay bitay, Isra7eele bolla ay muurennoyka ooththenna; hekko ha7i Yaaqoobessinne Isra7eeles, ‹Xoossi istti ay ooththidaakko ane xeellite!› geetettana.

ዬ ማጻፋ 8:3

Neni ne kushen medhdhida salota, sohon sohon neni woththida aginanne xoolintteta tani be7iza wode,