ዬ ማጻፋ 27:1 - Geeshsha Maxaafa

¹ GODAY taas poo7onne tana ashshizayssa; histtiin tani oonas yayyanee? GODAY ta shemppoys attiza miixa; histtiin tani oonas babbanee?

ጋሞ ማጻፋ

¹ ጎዳይ ታስ ፖኦኔ ታና ኣሺዛይሳ፤ ሂስቲን ታኒ ኦናስ ያያኔ? ጎዳይ ታ ሼምፖይስ ኣቲዛ ሚጻ፤ ሂስቲን ታኒ ኦናስ ባባኔ?

ዬ ማጻፋ 27:1 Referans Kwoze

Ibirawe 13:6

Hessa gishshas kumeththa wozinappe nuni, «Goday taas maado; ta babbike; tana asi ay ooththana dandayzee?» goos.

ዬ ማጻፋ 118:6

GODAY tanara diza gishshas tani yayyike. Asi tana ay ooththanee?

ኬሳ ማጻፋ 15:2

GODAY taas wolqqanne mazamure; izi tana ashshides. Izi ta Xoossa; tani iza sabbana. Izi ta aawa Xoossa; tani iza dhoqqu dhoqqu histtana.

2ቆሮንቶሴ ኣሳስ 12:9

Gido attiin Goday, «Ta wolqqay kumeth gidi qonccanay ne daabursan gidida gishshas ta kiyateththi nees gidana» gides; hessa gishshas Kirstoosa wolqqay ta bolla gidana mala ay wodeppeka bollara tani daaburshin he wode ufayssan ceeqettanaas dosays.

ዬ ማጻፋ 84:11

GODAY nuus arshenne gondalle; izi ayoteththaninne bonchchon nuna naagees; Suureteththan hemettizayta izi lo7o miish diggenna.

ኦሮሜ ኣሳስ 8:31

Histtiin hessa nu ay giinoo? Xoossi nunara gidikko nunara eqettanaas dandayzay oonee?

ዮሃኒሳ ሚሺራቾ 8:12

Qasse Yesusi, «Tani alames poo7o. Tana kaallizaadey wuri de7o poo7o demmana. Dhuman simerettenna» giidi isttas yootides.

ኢሳያሳ ቲንቢቴ 12:2

‹Be7ite, Xoossay ta atoteththa; tani izan ammanettiza gishshas babbike; GODAY, Xoossay taas minoteththinne yeththa; ta atoteththay iza› gaandasa.

ኢሳያሳ ቲንቢቴ 61:10

Tani GODAAN keehippe ufayettays; ta shemppoyakka ta Xoossan hombocawus; mishiray ba hu7en kallachcha goxxiza mala, mishirayakka bana inqqun seeleththiza mala atoteththa may7o tana mayzides; xilloteththa seelokka ta bolla gophides.

ዬ ማጻፋ 62:6

Izi xalla taas zaallanne tana ashshizayssa; ta qotetta attizaso gidida gishshas mulekka hirgike.

ዬ ማጻፋ 18:28

Abeet GODAWU! Ne taas xomppaasa; Xoossay neni taas dhuma poo7isaasa.

ኢዮቤ ማጻፋ 29:3

He wode dhuma giddora ta bishin Xoossi taas poo7isishin tani poo7on hemettaysikoshin.

ፒሊጲሲዮሴ ኣሳስ 4:13

Taas wolqqa immiza Kirstoosan tani ubba miish ooththanaas dandayays.

ዬ ማጻፋ 118:21

Neni taas siyida gishshassinne xoono immida gishshas tani nena galatays.

ዬ ማጻፋ 19:14

Abeet GODAWU! Ta zemppiza wogga zaallawu! Tana wozzida ta Godawu! Ta doonappe ke7iza qaalaynne ta wozina qofay nena ufayssizayssa gido.

ዮሃኒሳ ኣጁታ 21:23

Xoossa bonchchoy izis poo7iza gishshassinne Dorsazi izi poo7o gidida gishshas he katamays arshey woykko aginay poo7isanaas koshshenna.

ዬ ማጻፋ 62:2

Izi xalla taas zaallanne tana ashshizayssa; ta qotetta attizaso gidida gishshas mulekka hirgike.

ሚልካሳ ቲንቢቴ 4:2

«Ta sunththas babbiza inttes qasse xilloteththa arshey ba qefe garsan paththizaaz ekka yaana; intteka birshi yeddida galo mara mala xikettishe kezana.

ኢሳያሳ ቲንቢቴ 2:5

Intteno Yaaqoobe zaretoo! Haa yiite! Ane GODAA poo7on simerettoos.

ዬ ማጻፋ 18:46

GODAY de7o Xoossa! Ta zemppiza wogga zaallay galatetto! Tana ashshida Xoossay dhoqqu dhoqqu go!

ዮሃኒሳ ኣጁታ 22:5

Hessafe guye qamay deenna; Godaa Xoossi isttas poo7iza gishshas tama poo7oy woykko arshe poo7oy isttas koshshenna; istti mernaappe mernaas kawotana.

ዮሃኒሳ ሚሺራቾ 1:9

As ubbaas poo7o immiza tumu poo7oy hayssa ha alamezan yuussan dees.

ዮሃኒሳ ኣጁታ 7:10

Qaala dhoqqu histtidi, «Atoteththi algaa bolla uttida nu Godaappenne dorsazappeko!» gida.

ዬ ማጻፋ 11:1

GODAY tani baqata attizaso; histtiin intte tana ays, «Neni kafo mala pude zuma bolla baqata» geetii?

ዬ ማጻፋ 3:8

Maadoy GODAASSA; GODAWU ne anjjoy ne deraa bolla gido.

ሉቃሳ ሚሺራቾ 3:6

Asa zereth ubbaa ashshiza Xoossa wolqqa beyana› giidi bazzon waassiza asa qaala giiris» giidi ba maxaafan xaafida mala.

Maatosa 8:26

Yesusikka isttas, «Intteno ammanoy paccidaytoo! Aazas hayssa mala babbetii?» gides. Hessafe dendidi carkozanne abba dambalaa izi hanqiin heerakka sirphi gides.

ኢሳያሳ ቲንቢቴ 45:24

«Istti ta gishshas haasayshe, ‹Xilloteththinne wolqqay GODAAN xalla dees› gaana» gees. Iza bolla hanqon dendidayti ubbay izakko yiidi yeellatana.

ዬ ማጻፋ 43:2

Ta Xoossawu! Taas ne mino miixa; histtiin ne tana ays aggadii? Ta morkketi tana qohishin ta ceecashe ays de7oo?

ዛሬ ማጻፋ 7:18

Gido attiin intte isttas yayyofte; GODAA intte Xoossay Gibxe kawo bollanne he dere asaa ubbaa bolla ooththidayssa yuushshi qopite.

ዛሬ ማጻፋ 7:21

Hessa gishshas he deretas babofte; GODAA intte Xoossay inttenara dees; izi gitanne yashissiza Xoossa.

ዬ ማጻፋ 18:29

Ne maaddiin tani ta morkketa olays; ta Xoossa wolqqan tani istta gimbe bollara guppa aadhdhays.

ኤርማሳ ቲንቢቴ 20:11

Gido attiin GODAY yashissiza toora qara mala tanara dees; hessa gishshas tana yedeththizayti dhuphettana attiin tana xoonettenna; istti iita kawush kawuyana attiin isttas giigenna; istta kawushshateththay mulekka dogettenna.