ዬ ማጻፋ 24:3 - Geeshsha Maxaafa

³ GODAA zuma bolla kezanay oonee? Iza geeshshasohon eqqanay oonee?

ጋሞ ማጻፋ

³ ጎዳ ዙማ ቦላ ኬዛናይ ኦኔ? ኢዛ ጌሻሶሆን ኤቃናይ ኦኔ?

ዬ ማጻፋ 24:3 Referans Kwoze

ዬ ማጻፋ 15:1

Abeet GODAWU! Ne Dunkaanezan gam7anay oonee? Ne geeshsha zumaa bolla nenara de7anay oonee?

Ibirawe 12:28

Hessa gishshas nuni mulekka qaaxxontta kawoteth laattana gishshas ane Xoos galatoos; qasseka iza ufayssiza ogera bonchchoossinne yashshateththan ane izas goynnoos.

ዬ ማጻፋ 65:4

Neni dooridaadeynne nenara daana mala ne dubbushaakko shiishsha ekkidaadey anjjettidaade; ne geeshshasozappenne ne dunkaane anjjozappe nu kallana.

ሚልካሳ ቲንቢቴ 3:1

«Hekko tani baana oge baasana as taappe sinththara yeddana; intte koyza GODAY intte qoppontta Xoossa keeth gakki wodhdhana; intte ufayssan naagiza caaqo qaala kiitaa ekki yiza ta kiittidaadey yaana.

ዬ ማጻፋ 2:6

Goday, «Tani ta geeshsha zuma Xiyoone bolla ta kawoza kawoththadis» gees.

ዬ ማጻፋ 68:18

GODAWU! Di7o ekkada pude ne duussas kezadasa; asa ubbaafe imota ekkadasa; haray attoshin makkallanchchatappeka ekkadasa;

ሌዌታ ማጻፋ 10:3

Musey qasse Aaroones, «GODAY, ‹Ta sinththe shiiqidi taas ooththizaytas tani ta geeshshateththaa qonccisana; tanikka ta dereza achchan bonchchettidaade gidana› giidi izi asaa kase qofsidayssi hayssa» gides. Aarooneykka ay zaarokka immontta co7u gides.

1ታሪኬ ማጻፋ 15:1

Dawiti ba sunththan xeygettida kataman baas keeththata keexxides; Xoossa Taabotasikka soho giigsidi dunkaane essides.

ዮሃኒሳ ሚሺራቾ 20:17

Yesusi qasse, «Ta buro pude ta Aawaakko kezabeekke; tana bochchofa; gido attiin ne ha7i ta ishataakko baada, ‹Tani ta Aawakkonne intte Aawaakko, ta Xoossaakonne intte Xoossaako kezana gides› gaada isttas yoota» gides.

ዮሃኒሳ ሚሺራቾ 13:36

Hessafe guye Simoona geetettiza Phexroosi Yesusa, «Godoo! Ne awa baanee?» gi oychchides. Yesusi qasse, «Ta bizaso ne ha7i tana kaallana dandayakka shin guyeppe ne tana kaallana» gides.

ሂዚቄላ ቲንቢቴ 44:5

Histtiin GODAY tana, «Haysso asa nawu, Xoossa Keeththa wogata ubbaanne iza maarata ubbaa xeellizayssan tani nees yootizayssa ne hayththan minththada siya; ne ayfenka minththada xeella. Xoossa Keeththa gelanaassinne kezanaas bessiza asatinne bessontta asati awaytakko minththada akeeka.

ሂዚቄላ ቲንቢቴ 44:9

Hessa gishshas Ubbaa Haariza GODAY: Isra7eele asa giddon diza allaga asi, ba wozinaninne ba ashon qaxxarettonttay, ooninne ta Xoossa Keeththa geloppo.