ዬ ማጻፋ 23:3 - Geeshsha Maxaafa

³ Ta de7o ooraxissees. Ba sunththa gishshas tana xilloteththa ogen kaaleththees.

ጋሞ ማጻፋ

³ ታ ዴኦ ኦራጺሴስ። ባ ሱን ጊሻስ ታና ጺሎቴ ኦጌን ካሌስ።

ዬ ማጻፋ 23:3 Referans Kwoze

ኢሳያሳ ቲንቢቴ 42:16

Tani qooqeta istti erontta oge kaaleththana; istti meezetontta ogerakka ta istta efana; dhumaza ta istta sinththan poo7isana; kundukurcco sohota ta giigsana; haytantta ubbaa ta ooththontta aggike.

ዬ ማጻፋ 31:3

Ee, neni taas zaalla; ta izan gela attiza miixa; ne sunththa gishshas tani baana oge bessanne kaaleththa.

ዬ ማጻፋ 19:7

GODAA wogay suure; shemppo zaari cil7isees; GODAA azazoy ammanettizayssa; akeekay paccidaytas aadho erateth immees.

ዬ ማጻፋ 51:10

Abeet Xoossawu! Ne taas geeshsha wozina medhdha; mino ayana ta giddon woththa.

ዬ ማጻፋ 5:8

Abeet GODAWU! Ta morkketappe ne tana ashsha; tana ne xilloteththankka kaaleththa; ne oge ta sinththan suurisa.

ዬ ማጻፋ 51:12

Ne atoteththaa ufayssaa taas zaarada imma; eeno giissiza ayanan ne tana kunththa.

ኢዮቤ ማጻፋ 33:30

De7on diidi poo7o beyana mala iza shemppo hayqoppe ashshees.

ሌሚሶ ማጻፋ 8:20

Tani xilloteththa ogen hemettays; suure pirda kaallays.

ዮሃኒሳ ኣጁታ 3:19

Tani ta dosizayta wursa hanqayssinne qaxxayays; hessa gishshas neni minna; maaroteththanka gela.

ዬ ማጻፋ 79:9

Abeet nuna ashshiza Xoossawu! Ne sunththa bonchcho gishshas nuna maadda; ne sunththa gishshas nuna ashsha; nu nagarakka atto ga.

ዬ ማጻፋ 85:13

Xilloteththi izappe sinththara baana; izi baanaasokka izas giigsana.

ሌሚሶ ማጻፋ 4:11

Tani nena aadho erateththa oge kaaleththana; suure ogekka bessana.

ዬ ማጻፋ 119:176

Dhayda dorsa mala tani toylattadis; gido attiin tani ne woga balabeekke; hessa gishshas tana ne aylleza koya.

ሂዚቄላ ቲንቢቴ 20:14

Gido attiin tani istta Gibxeppe kessishin be7ida kawoteththata sinththan ta sunththi tunontta mala ta sunththaa gishshas genccadis.

ኤርማሳ ቲንቢቴ 31:8

Be7ite tani istta pudeha baggafe ehana; biitta gaxappeka tani shiishshana; istta giddon qooqetinne wobbeti, abbey baynda maccassatinne miixattizayti daana; keehi daridi bantta dere simmana.

ኤፌሶኔ ኣሳስ 1:6

Hessika ba dosizaade baggara coo mela nuus imettida bonchcho kiyateththi galatettana malassa.

ዬ ማጻፋ 34:3

Ane tanara issife GODAA bonchchoos; iza sunththaaka dhoqqu dhoqqu ooththoos.

ዬ ማጻፋ 31:4

Neni taas zemppo gidiza gishshas, istti taas waaxi woththida narxafe tana ne naaga.

ዬ ማጻፋ 106:8

Gidikkoka izi ba sunththaa gishshas, ba gita wolqqa erisanaas istta ashshides.

ዬ ማጻፋ 109:21

Gido attiin abeet Ubbaafe Dhoqqa GODAWU! ne sunththa gishshas tana lo7o ayfen xeella; ne siiqoy lo7o gidida gishshas tana ashsha.

ኤርማሳ ቲንቢቴ 31:25

Tani labbanida shemppoyo ooraxissana; daaburdaarokka minththana» gees.