ዬ ማጻፋ 21:9 - Geeshsha Maxaafa

⁹ Neni qoncciza wode coocen eexxiza tama mala ne istta xuuggana; GODAY ba hanqoza suulen istta xuuggana; iza tamaykka istta mi dhayssana.

ጋሞ ማጻፋ

⁹ ኔኒ ቆንጪዛ ዎዴ ጮጬን ኤጺዛ ታማ ማላ ኔ ኢስታ ጹጋና፤ ጎዳይ ባ ሃንቆዛ ሱሌን ኢስታ ጹጋና፤ ኢዛ ታማይካ ኢስታ ሚ ይሳና።

ዬ ማጻፋ 21:9 Referans Kwoze

ሚልካሳ ቲንቢቴ 4:1

«Hekko cooce tama mala eexxiza gallassi yaana; otoranchchatinne iita ooththizayti wurikka mela happa mala gidana; he yaana gallassayka istta xuuggana; xeerakka xaphokka ashshenna» gees Ubbaafe Wolqqama GODAA Xoossay.

ዬ ማጻፋ 50:3

Nu Xoossi yaana; izi co7u geenna. Miza tamay iza sinththana; wolqqama gotey iza yuushonna.

ዬ ማጻፋ 18:8

Iza sidheppe hanqo cuway cuwattides; iza doonappe miza tama lacoy kezides; iza doonappe xuuggiza bonqoy pulttides.

2ታሶሎንቄ ኣሳስ 1:8

He wode Xoos erontta asatanne Godaa Yesus Kirstoosa Mishiraachcho qaalaas azazettontta asata bolla izi ba halo kessana.

ኤርማሳ ዚላስ 2:2

Yaaqoobe duussaso ubbaa Xoossi qadhetay baynda dhayssides; Yuhuda dere miixata izi ba hanqon laallides; izi kawoteththanne dere ayssizayta kawushshidi duge biittan yeggides.

ናሆሜ ቲንቢቴ 1:6

Iza hanqora eqettana dandayzay oonee? iza hanqo minoza tookkana dandayzay oonee? Iza hanqoy tama mala eexxides; zaallatikka iza sinththafe za7ida.

ኢሳያሳ ቲንቢቴ 26:11

Abeet GODAWU! Ne qesey dhoqqu dhoqqu gides. Istti gidikko be7ettenna; Ne asaas ne mishettizayssa be7ettonne yeellatetto; Ne morkketas giigida tamay istta mo.

ዬ ማጻፋ 2:12

GODAY hanqettiin ogen intte dhayontta mala izas suure wozinan goynnite; ays giikko iza hanqoy eeson eexxi kezana. Iza banttas zemppo ooththizayti anjjettidayta.

ዬ ማጻፋ 2:5

Goday ba hanqon istta seerees; ba wolqqama hanqon istta daganththees.

ዛሬ ማጻፋ 32:22

Ta hanqoy tama mala eexxana; biittanne biitta bolla diza ubbaa xuuggana; he tamay si7oole ciimmaa gakkanaas eexxana; tamazi zumaas yoch gakkanaas maana.

ዮሃኒሳ ኣጁታ 20:14

Hayqoynne Duufoy tama abba giddo yegettida; he tama abbazi nam7anththo hayqo.

ዮሃኒሳ ኣጁታ 19:15

Ayzaabeta izara qanxxiza qara mashshay iza doonappe kezees; izi istta birata guufera haarana; izi wursika dandayza Xoossaa mino hanqo qonccisiza woyne cajje yedhdhizason istta yedhdhana.

1ታሶሎንቄ ኣሳስ 2:16

Hessika Ayzaabeti siyidi attana qaala nu isttas yootontta mala digganaassa; hessa mala ooson ba nagara ubba wode ba bolla wurseth gakkanaas gujji gujji beettes; Xoossa hanqoyka istta bolla wodhdhides.

Maatosa 25:46

Heyti gede mernaa pirdan baana; xilloti gidikko mernaa de7okko baana» gides.

Maatosa 25:41

«Qasseka hadirsa baggara dizaytas, ‹Intteno qanggettidaytoo! Taappe shaakettidi Daabulosassinne iza kiitanchchatas giigettida mernaa taman biite gaana.

Maatosa 22:7

«Kawoykka hanqettidi wottadarata yeddidi ashkaraza wodhidayta dhayssides; istta katamaa xuuggides.

Maatosa 13:42

Yeehoy dizasoninne ach garccizason daro wolqqama taman istta yeggana.

Maatosa 3:12

Kath suraggiza layday iza kushen dees; izikka ba kaththa baleza pitti geeshshana; ba gisttezakka di7en qolana; happaa gidikko to7ontta taman xuuggana» gides.

Maatosa 3:10

Hekko kalttay qanxxanaas miththata garsan giigetti uttides; hessa gishshas lo7o ayfe ayfontta miththi wuri qanxxettananne taman yegettana.

ዬ ማጻፋ 106:17

biittay doyettidi Daataane mittides; Abraame iza keeththa asatara moogides.

ኢዮቤ ማጻፋ 6:3

Abba lanqen diza aceppe aadhdhi deexxanakkoshin; hessa gishshas dandayay paccida ta haasayay nena malalisanaas bessenna.

ሜቴ ማጻፋ 19:28

Izi Sodoomenne Gamoora he shoobbaan diza biitta ubbaa duge xeelliza wode wolqqama cuway xuussa tama mala he biittaafe tullu gizayssa be7ides.

ኢዝራ ማጻፋ 6:12

Ha azazoza ixxidi Yerusalaamen diza Xoossa Keeththaa laallana koyza ay kawonne dere ubbaa ba sunththay xeygettana mala Yerusalaame doorida Xoossay dhaysso; hayssa azazoza immiday tana kawo Daariyoosa gidida gishshas ubbay polettana bessees.»

ዬ ማጻፋ 18:38

Istti nam7anththo dendontta mala shocadis; ta toho garsankka kundida.