ዬ ማጻፋ 20:7 - Geeshsha Maxaafa

⁷ Issoti issoti bantta ola para-gaaren ammanetteettes; harati bantta paran ceeqetteettes; nuni gidikko nu GODAA wolqqan ceeqettoos.

ጋሞ ማጻፋ

⁷ ኢሶቲ ኢሶቲ ባንታ ኦላ ፓራ-ጋሬን ኣማኔቴቴስ፤ ሃራቲ ባንታ ፓራን ጬቄቴቴስ፤ ኑኒ ጊዲኮ ኑ ጎዳ ዎልቃን ጬቄቶስ።

ዬ ማጻፋ 20:7 Referans Kwoze

ኤርማሳ ቲንቢቴ 17:5

GODAY, «Asan ammanettizay, asho may7ida asan ceeqettizay, ba wozina GODAAPPE haassizay qanggettidaade.

ኢሳያሳ ቲንቢቴ 31:1

Pude Isra7eele geeshshaako xeellonttaytas, GODAAPPE maado koyonttaytas, maado demmanaas duge Gibxe wodhdhizaytas, para-gaareta daroteththaninne ba para minoteththan ceeqettizaytas aayye ana.

ሌሚሶ ማጻፋ 21:31

Ola gallassas para giigssees; gido attiin xoonoy GODAAPPE yees.

2ታሪኬ ማጻፋ 32:8

Izara dizayti asho may7ida as gidishin nunara dizay gidikko nuna maaddizanne nu morkketa oliza GODAA nu Xoossaa» giidi minththeththides. Yuhuda kawo Hizqiyaasi yootida qaalaan asay minettides.

2ታሪኬ ማጻፋ 14:11

Hessafe guye Aasi GODAA ba Xoossaa, «Abeet GODAWU! Wolqqay baynda olanchchati wolqqama olanchchata xoonana mala maaddizay neeppe attiin haray baawa! Abeet GODAWU nu Xoossawu! Nuni nenan ammanettidi ha cora olanchchatara ne sunththan olettanaas yida gishshas nuna maadda. Abeet GODAWU! Neni nu Xoossaa; nena asi xoonenna» giidi woossides.

ዬ ማጻፋ 45:17

Tani ne sunththi yeleta ubbaan hassa7ettana mala ooththana. Hessa gishshas asay mernaas nena sabbana.

ኢሳያሳ ቲንቢቴ 30:16

Qasseka, ‹Chii! Nuni paran utti baqatana› gideta; hessa gishshas intte baqatana. Zaaridikka intte, ‹Nuni pilata paran kessi ekki baana› gideta; hessa gishshas inttena yedeththizayti pilatata gidana.

2ታሪኬ ማጻፋ 13:16

Isra7eele olanchchati Yuhuda olanchchata sinththafe baqatiin Xoossi istta Yuhuda olanchchata kushen aaththi immides.

1ሳሜላ ማጻፋ 13:5

Filisxeeme asay 3,000 para-gaare, 6,000 toganchchata, qooday baynda abba shaamintta mala darida ola as ekkidi Isra7eele olanaas shiiqides; olas kezidikka Beeti-Aweneppe arshey mokkiza baggara diza Makimaasen uttida.

2ሳሜላ ማጻፋ 10:18

Gido attiin istti Isra7eele sinththafe baqatida; Dawiti isttafe 700 para-gaare asatanne 40,000 tohon biza olanchchata wodhides. Hessaththo istti ola asaa azaziza Soobakekka caddi madunththida gishshas izi heen hayqqides.

2ሳሜላ ማጻፋ 8:4

Dawiti izappe 1,000 para-gaareta, 7,000 toganchchata, 20,000 olanchchata di7ides; 100 para-gaareta xalla ashshidi hankkoyta ubbaa gildayi yeddides.

1ሳሜላ ማጻፋ 2:10

GODAARA eqettizayti liiqana; izi istta bolla saloppe guummana; GODAY biitta gaxa gakkanaas pirdana; Izi kawozas wolqqa immana; izi tiyettidayssa kace dhoqqu dhoqqu histtana» ga woossadus.

ኢዮቤ ማጻፋ 39:11

Iza minoteththan ne ammanettay? Nees deexxiza oosoza izi ooththana mala izas agga eray?

ዬ ማጻፋ 28:8

GODAY ba deraas wolqqa; izi ba tiyda kawoza ashshiza miixa.