ዬ ማጻፋ 19:8 - Geeshsha Maxaafa

⁸ GODAA wogay likke; wozina ufayssees. GODAA azazoy geeshsha; ayfe poo7isees.

ጋሞ ማጻፋ

⁸ ጎዳ ዎጋይ ሊኬ፤ ዎዚና ኡፋይሴስ። ጎዳ ኣዛዞይ ጌሻ፤ ኣይፌ ፖኢሴስ።

ዬ ማጻፋ 19:8 Referans Kwoze

ዬ ማጻፋ 12:6

GODAA qaalay izan walakay baynda muuruta; cooce taman laappunto paacetti geeyida bira mala.

ዬ ማጻፋ 119:105

Ne qaalay ta tohos xomppe; ta ogeska poo7o.

ኤርማሳ ቲንቢቴ 15:16

Abeet Ubbaafe Wolqqama GODAWU! tani ne sunththan xeygettida gishshas ne qaalay taakko yiin madis; histtiin ne qaalay taas pashkanne wozina ufays immides.

ሌሚሶ ማጻፋ 30:5

«Xoossay yootiza qaalay ubbay tuma; Izan ammanettiza ubbaas izi gondalle.

ዬ ማጻፋ 119:128

Ne wogati ubbay tumu gididayssa ammanadis; hessa gishshas geella oge ubbaa ixxadis.

ሌሚሶ ማጻፋ 2:6

GODAY aadho erateth immiza gishshas izappe erateththinne akeekay beettes.

ዬ ማጻፋ 119:92

Ta metotida wode dhayaychchana shin ne wogay taas ufays gidides.

ዬ ማጻፋ 119:80

Tani yeellatontta mala ne maaran ta wozinay borey bayndaaz gido.

ሌሚሶ ማጻፋ 6:23

Ays giikko ha azazoti nees xomppe; timirtetikka poo7o; qasse seeraykka de7okko efiza oge.

ኦሮሜ ኣሳስ 7:22

Tani ta gaaththara Xoossa wogaan ufayettays.

ጋላቲያ ኣሳስ 2:19

Tani Xoossas daana mala wogaa baggara he wogaas hayqqadis.

ኦሮሜ ኣሳስ 3:20

Hessa gishshas wogay nagaray aazakko erisees attiin wogaa naagon oonikka iza achchan xillo geetettanaas dandayenna.

ኦሮሜ ኣሳስ 7:7

Histtiin nu ay giinoo? Ba hu7es wogay nagaraa? Mulekka gidenna. Woga baggara gidonttaakko nagaray aazakko nu erokko shin; wogay «Amottofa!» gonttaako amoy aazakko tumappe ta erikke.

ዬ ማጻፋ 119:16

Ne awajjay tana ufayssees; ne qaalaakka tani dogikke.

ዬ ማጻፋ 119:14

Asi ba dureteththan ufayettiza mala tani neni immida maara kaallashe ufayettays.

ሂዚቄላ ቲንቢቴ 36:27

Tani ta Ayana intte giddon ayssana; intte ta maaraa kaallana malanne ta wogaa minththi naagana mala ooththana.

ዬ ማጻፋ 119:171

Ne awajjata tana tamaarsadasa; hessa gishshas ta metershatappe galatay pulttees.

ዬ ማጻፋ 119:143

Metoynne tuggay tana gakkides; gido attiin ne azazoti tana ufaysseettes.

ዬ ማጻፋ 119:130

Ne qaala birsheththay poo7o immees; akeekay paccidaytas akeeka immees.

ዬ ማጻፋ 119:121

Tani suurenne xillo miish ooththadis; tana un7eththizaytas aaththa immofa.

ዬ ማጻፋ 119:40

Tani ne woga naaganawu amottays; neni xilloteththan ta de7o ooraxissa.

ዬ ማጻፋ 119:12

Abeet GODAWU! Neni galatetta! Ne maara tana tamaarsa.

ዬ ማጻፋ 105:45

Hessa izi ooththiday istti izi woththida maara naaganaassa; iza wogaakka polanaassa. GODAA galatite!

ዬ ማጻፋ 40:8

Abeet ta Xoossawu! Tani neni koyzayssa ooththanaas dosays; ne wogay ta wozina giddon dees» gadis.

ዬ ማጻፋ 13:3

Ta GODAWU! Haa taakko xeellada taas zaaro imma; ta ayfe poo7isada, hayqoppe tana ashsha.

ኬሳ ማጻፋ 18:16

Istta giddon yo7oy diikko taakko yeettes; tanikka istta giddon diza yo7o pirdays; Xoossa maaraanne wogaa istta erisays» gides.

ሜቴ ማጻፋ 26:5

Gaasoykka Abrahaamey ta qaalaa siyidi azazettides; ta izas yootidayssa izi ubbaa naagida gishshassa» gides.

ጋላቲያ ኣሳስ 3:21

Histtiin wogay sinththafe Xoossi woththana qaalaa diggizaazee? Mulekka diggenna; wogay imettiday asi izan de7o demmanaas gididaakko tumukka xilloteththi woga baggara beettanakkoshin.

ኢሳያሳ ቲንቢቴ 64:5

Suure miish ufayssan ooththizaytanne ne oge qoppizayta neni maaddaasa; gido attiin nuni istta bolla pacey baynda nagara ooththida gishshas hekko neni nu bolla hanqettadasa; histtiin nuni waani attana dandayzonii?

ዬ ማጻፋ 119:54

Tani imaththateththan de7iza biittan ne wogay taas mazamure gidides.

ዬ ማጻፋ 119:24

Ne markkateththati tana ufaysseettes; isttika tana zoreettes.

ናሂሚያ ማጻፋ 9:13

«Saloppe duge Siina zuma bolla wodhdhada ne dereza haasayssadasa; lo7o wogatanne suure timirteta ne isttas immadasa.

ናሂሚያ ማጻፋ 8:12

Asay ba siyida qaala lo7eththi erida gishshas baso biidi kath miidinne haath uyi ufayettidi baas diza kaththaafe haratas shaakki immides.

ዛሬ ማጻፋ 16:14

Hessan intte, intte attuma naytaranne intte macca naytara, intte attuma aylletanne macca aylletara, intte katamaan diza Lewetaranne bete asatara, intte giddon diza yi7otaranne am7etara ubbay ufayettite.

ዛሬ ማጻፋ 16:11

Hessan intte intte attuma naytaranne intte macca naytara, intte attuma aylletaranne macca aylletara, intte katamaan diza Lewetaranne bete asatara, intte giddon diza yi7otaranne am7etara ubbay GODAA intte Xoossi ba sunththi xeygettana mala dooridason ufayettite.

2ካዎታ ማጻፋ 17:37

Izi inttes xaafida maaratanne zoreta, wogatanne azazota ay wodekka lo7eththi naagite. Hara eeqa xoossatas goynnofte.

ዬ ማጻፋ 93:5

Abeet GODAWU! Ne wogay laamettontta mino; ne Keeththay mernaas geeshshateththan lo7i daana.

ዬ ማጻፋ 111:7

Iza oosoti tumanne suure; iza wogatikka ubbay ammanettizayta.