ዬ ማጻፋ 19:11 - Geeshsha Maxaafa

¹¹ Qasse tana ne aylleza naagettana mala zorees; ne woga naagoy daro go7ees.

ጋሞ ማጻፋ

¹¹ ቃሴ ታና ኔ ኣይሌዛ ናጌታና ማላ ዞሬስ፤ ኔ ዎጋ ናጎይ ዳሮ ጎኤስ።

ዬ ማጻፋ 19:11 Referans Kwoze

2ዮሃኒሳ ኪታ 1:8

Intte gidikko intte daabura waagaappe mela attontta malanne kumeththa woyto ekkana mala intte hu7es naagettite.

ዬ ማጻፋ 119:11

Tani ne bolla nagara ooththontta mala ne qaala ta wozinan qottadis.

ያቆቤ ኪታ 1:25

Gido attiin bana geeshshiza lo7o wogaa xeelli be7idi izan minnizaadey ba siyidayssa ooththizaadeynne balonttaadey izi ba ooson anjjettidaade gidana.

ሌሚሶ ማጻፋ 29:18

Ajjuutay bayndason derey yeda daana; gido attiin wogaa naagiza asi anjjettidaade.

Maatosa 6:4

Intte imoy geeman gido; qotan oosettidayssa be7iza intte Aawaykka intte waaga inttes immana.

ዮሃኒሳ ኣጁታ 14:13

Tani saloppe hizgiza qaala siyadis; «Hayssafe guye Godaa Yesusayta gididi hayqqanayti istti anjjettidayta.» Xillo Ayanaykka, «Ee, istti ba daabursafe shempana mala istta oosoy istta kaallana» gees.

Ibirawe 11:26

Gibxe deren diza haaroppe bollara Kirstoosa gishshas waaye ekoy daro aadhdhiza haaro gididayssa yuushshi qoppides; gaasoykka izi sinththafe ekkanayssa buro haahon be7ida gishshassa.

1ታሶሎንቄ ኣሳስ 5:14

Ta ishatoo! Nu inttena, «Ooso ooththontta asata hanqettite; babbizayta minththite; daaburanchchata maaddite; as ubbaa dandayte» gi zoroos.

Maatosa 3:7

Daro Farsaawetinne Saduqaaweti izi xammaqizaso yishin be7idi Yohannisi, «Intteno shooshshatoo! Intte sinththara diza hanqofe attana mala inttena ooni bessidee?

1ቆሮንቶሴ ኣሳስ 4:14

Ta hayssa inttes xaafizay inttena ta dosiza ta nayta mala zoranaas gaada attiin inttena yeellachchanaas gidenna.

ሃዋሬታ ኦሶ 20:31

Hessa gishshas inttena issaa issaa heedzdzu layth qammanne gallas afunththan zoridayssa yuushshi qopitenne naagettite.

Maatosa 6:18

Hessaththo ne xoomikko geeman diza ne Aaway xalala erizaazinne asi oonikka erontta qotan gidana. Qotan oosettidayssa be7iza ne Aawaykka ne waaga nees immana.

ሌሚሶ ማጻፋ 11:18

Iita asi demmiza wodhey deenna; xilloteth zeriza asi gidikko suure woyto ekkana.

2ታሪኬ ማጻፋ 19:10

Ba kataman kataman de7iza intte ishati shemppo wodho gishshas, woykko woga gishshas, woykko azazo gishshas, woykko awajja gishshas, woykko pirdas intteko ehikko; istti GODAA qohontta mala istta seerite. Intte istta seerikko iza hanqoy intte bollanne intte ishantta bolla yeenna; intte hessaththo ooththiko intte hu7es intte mooranchcha gidekketa.

Maatosa 6:6

Neni woossana geliza ne kifile gela; karekka ne bolla gordada geeman diza ne Aawaakko woossa. Geeman oosettidayssa be7iza ne Aaway ne ooso mala nees immana.

ዬ ማጻፋ 119:72

Daro shii birappenne worqqafe ne doonappe ke7ida wogay taas aadhdhees.

ዬ ማጻፋ 119:103

Ne qaalay ay mala mal7izee! Eessa ililoppeka aadhdhidi doonan mal7ees.

ሌሚሶ ማጻፋ 24:14

Aadho erateththika hessa mala; izi ne shemppos mal7o gididayssa era. Neni izo demmizaa gidikko wonto nees zemppo gidana; ne hidotaykka hada gidenna.

ሂዚቄላ ቲንቢቴ 3:3

Histtidi izi tana, «Haysso asa nawu! Ha tani nena barsiza xaaththa maxaafaza ma; ne ulo izan kunththa» gides. Ta miin ta doonan eessa mala mal7ides.