ዬ ማጻፋ 18:2 - Geeshsha Maxaafa

² GODAY taas zaalla; tani olappe naagettiza miixa; izi tana ashshizayssa; ta Xoossay tani izan geemetta attiza wogga zaalla. Izi taas gondalle; izi tana ashshiza kace; taas izi mino zemppo.

ጋሞ ማጻፋ

² ጎዳይ ታስ ዛላ፤ ታኒ ኦላፔ ናጌቲዛ ሚጻ፤ ኢዚ ታና ኣሺዛይሳ፤ ታ ጾሳይ ታኒ ኢዛን ጌሜታ ኣቲዛ ዎጋ ዛላ። ኢዚ ታስ ጎንዳሌ፤ ኢዚ ታና ኣሺዛ ካጬ፤ ታስ ኢዚ ሚኖ ዜምፖ።

ዬ ማጻፋ 18:2 Referans Kwoze

ዬ ማጻፋ 144:2

Izi tana siiqizanne genththiza Xoossa; izi taas miixanne tana ashshizayssa; izi ta gondallenne tani baqatada attizaso; kawoteththatakka izi taas haarisizayssa.

ዬ ማጻፋ 62:7

Taas atoteththinne bonchchoy beettiday Xoossafe; izi ta qotetta attizasonne taas mino zaalla.

ዬ ማጻፋ 91:2

Tani GODAA, «Neni taas zemppo, miixanne tani nenan ammanettiza ta Xoossa» gaana.

ዬ ማጻፋ 19:14

Abeet GODAWU! Ta zemppiza wogga zaallawu! Tana wozzida ta Godawu! Ta doonappe ke7iza qaalaynne ta wozina qofay nena ufayssizayssa gido.

ሌሚሶ ማጻፋ 18:10

GODAA sunththi mino gimbe mala; xillo asi hee woxxidi iitappe attees.

ዬ ማጻፋ 62:2

Izi xalla taas zaallanne tana ashshizayssa; ta qotetta attizaso gidida gishshas mulekka hirgike.

2ሳሜላ ማጻፋ 22:3

Ta Xoossay ta geemettiza zaalla, taas gondallenne atoteththa kace; izi taas mino miixa; taas zempponne tana ashshizaade; ne tana makkallanchchatappe ashshaasa.

ኤርማሳ ቲንቢቴ 16:19

Taas minoteththinne miixa gidada meto gallas ta shiiqa attizaso gidida GODAWU! Kawoteththati sa7a gaxaappe neekko yiidi, «Kase nu aawati bana aykkoka maaddontta eeqa xoossatas goynnida.

ኢሳያሳ ቲንቢቴ 32:2

Asi hu7en hu7en carkofe geemmizasoho, goteppeka baqati attizasoho gidana; bazzo biittan haaththa pultto mala, saamettida biittan wogga zaalla kuwa mala gidana.

ዬ ማጻፋ 91:4

Izi ba wangotan nena kammana; iza qefeta garsan neni qotetta attana; iza ammaneteththay nees gondallenne zemppo gidana.

Ibirawe 2:13

Hessaththoka, «Ta izan ammanettana» qasseka, «Taninne taas Xoossi immida nayti nu haan doos» gees Geeshsha Maxaafay.

ሌሚሶ ማጻፋ 2:7

Izi suuretas xoono minjjees; istta bolla wosoy bayndaytas gondalle gidees.

ዬ ማጻፋ 28:1

Abeet GODAWU! Ta Zaallawu! Tani nena xeygishin taas sissi ixxofa; ta waassishin ne co7u giikko tani duufon geliza asata mala gidana.

ዬ ማጻፋ 59:11

Abeet nuus gondalle gidida Godawu! Ta asay neni halo kessizayssa balontta mala neni istta wodha dhayssofa; gido attiin ne wolqqan istta laallanne kawushsha.

ዬ ማጻፋ 75:10

Tani iitata kace ubbaa menththana; xillota kace gidikko dhoqqu dhoqqu histtana.

ዬ ማጻፋ 132:17

«Ha sohon Dawite zereththafe kawo kessana; tani tiydayssas poo7o giigsana.

ኬሳ ማጻፋ 15:2

GODAY taas wolqqanne mazamure; izi tana ashshides. Izi ta Xoossa; tani iza sabbana. Izi ta aawa Xoossa; tani iza dhoqqu dhoqqu histtana.

ዬ ማጻፋ 116:1

Izi ta shoobba woossiza woosa siyida gishshas tani GODAA dosays.