ዬ ማጻፋ 17:1 - Geeshsha Maxaafa

¹ Abeet GODAWU! Ta xilloteththan maganniza magana siya; ta waasoza ezga; cimoy baynda woossiza woosaas zaaro imma.

ጋሞ ማጻፋ

¹ ኣቤት ጎዳዉ! ታ ጺሎቴን ማጋኒዛ ማጋና ሲያ፤ ታ ዋሶዛ ኤዝጋ፤ ጪሞይ ባይንዳ ዎሲዛ ዎሳስ ዛሮ ኢማ።

ዬ ማጻፋ 17:1 Referans Kwoze

ዬ ማጻፋ 142:6

Tani keehippe hidota qanxxida gishshas ne ta waaso siya! Tana gooddizayti taappe wolqqatida gishshas tana ashsha.

ዬ ማጻፋ 61:1

Abeet Xoossawu! Neni ta waasoza siya; ta woosaakka ezga.

1ዮሃኒሳ ኪታ 3:21

Ta ishatoo! Nu wozinay nu bolla pirdontta aggiko nuna Xoossa sinththan yashissana miishshi deenna.

ዬ ማጻፋ 145:18

GODAY bana xeygizaytas ubbaas mata; wozinappe xeygiza ubbaas matan dees.

ኢሳያሳ ቲንቢቴ 29:13

GODAY, «Hayssi derey doonan xalla taakko shiiqees; ba metershan xalla tana bonchchees; gido attiin iza wozinay taappe haakon dees. Istti asi tamaarsidanne asi woththida wogan taas goynneettes.

ዬ ማጻፋ 142:1

Ta qaala dhoqqu histtada tani GODAAKKO waassays. GODAAPPE maaroteth woossays.

ዬ ማጻፋ 140:12

GODAY hiyeesatas pirdizayssanne metotanchchatas mootettizayssa ta erays.

ዬ ማጻፋ 86:1

Abeet GODAWU! Tani hiyeesanne metotanchcha gidida gishshas ta waasoza siyada taas zaaro imma.

ዬ ማጻፋ 66:19

Gido attiin Xoossi tumappe taas siyides; ta woosaakka ezgides.

ዬ ማጻፋ 43:1

Abeet Xoossawu! Ne taas pirda; Xoossa erontta kawoteththatara ne ta gishshas mootetta; Cimmiza asatappenne iita asatappe tana ashsha.

ዬ ማጻፋ 18:20

Ta xilloteththa mala GODAY taas qanxxides; ta kushe geeshshateththa mala izi taas zaarides.

ዬ ማጻፋ 7:8

GODAY kawoteththata bolla pirdees. Abeet GODAWU! Taas ta xilloteththa malanne ta suureteththa mala pirda.

2ታሪኬ ማጻፋ 7:15

Ha7ikka ha sohon woosettiza woosaa ta ayfey xeellana; ta hayththatikka ezgi siyana.

ዬ ማጻፋ 5:2

Ta kawozo Xoossoo! Ta nena woossiza gishshas tana maadda gaada ta waassiza waaso ne siya.

ዮሃኒሳ ሚሺራቾ 1:47

Natina7eeley Yesusa beyana yishin Yesusi be7idi iza, «Hekko! Geney baynda tumu Isra7eele asa!» giidi iza gishshas yootides.

ዬ ማጻፋ 18:44

Tana erontta allaga derey taas azazettees; istti ta goobateththaa siyidi taas ziggeettes.

ናሂሚያ ማጻፋ 1:6

Xoossawu! Ne aylle gidida Isra7eele asaas kiyana mala gallassinne omars ta woossiza woosa siya; tanakka qoppa; nuni Isra7eele asay ooththida nagara tani nees paaxays; tumappe taninne kase nu aawati nagara ooththidos.

ኤርማሳ ቲንቢቴ 3:10

Hessan ubbaankka izi michchiya, ammanettontta Yuhuday coo simmidaa misatawusife attiin kumeththa wozinappe taakko simmabeekku» gides.

2ሳሜላ ማጻፋ 22:24

Iza sinththan borey baynda de7adis; tanakka nagarappe naagadis.

ኢዮቤ ማጻፋ 16:17

Hayssi ubbay hanshin ta ooththida qohoy deenna; tani ta woosa Xoossako shiishshizay wozina geeshshateththanna.

ዬ ማጻፋ 54:4

Gido attiin Xoossi taas maado; Godaykka taas zemppo.

ዬ ማጻፋ 55:18

Daroti tana eqettikokka, izi tana ola tooraappe ashshees.

ዬ ማጻፋ 61:2

Ta wozinay taahiin biitta gaxan dashe ta nena xeygays; taappe dhoqqiza zaallaako tana kaaleththa.

ዬ ማጻፋ 84:9

Abeet Xoossawu! Neni doora tiyda nu kawoza anjja; izi nuus gondalle gidida gishshas ne iza xeella.

ዬ ማጻፋ 86:6

Abeet GODAWU! Ta woosa siya; ta shoobba woossizayssa ezga.

ዬ ማጻፋ 88:3

Ays giikko ta de7oy meton kumides; tani hayqqana matadis.

ዬ ማጻፋ 102:2

Ta metotida gallas ne sinththa taappe genththofa; ne hayththa taakko zaara; tani neekko waassiza wode taas eeson alla.

ዬ ማጻፋ 143:1

Abeet GODAWU! Ta woosa siya; ta shoobbizayssa ezga; neni xillonne ammanettizayssa gidida gishshas taas zaaro imma.