ዬ ማጻፋ 148:8 - Geeshsha Maxaafa

⁸ Wolqqanththinne shachchi, kenchchoynne gubbanay, iza azazo poliza gote carkoti ubbatikka iza galatite.

ጋሞ ማጻፋ

⁸ ዎልቃንኔ ሻቺ፥ ኬንቾይኔ ጉባናይ፥ ኢዛ ኣዛዞ ፖሊዛ ጎቴ ጫርኮቲ ኡባቲካ ኢዛ ጋላቲቴ።

ዬ ማጻፋ 148:8 Referans Kwoze

ዮሃኒሳ ኣጁታ 16:21

Issi issi shachchi oyddu tammanne ichchashu kilo gidiza shachchi saloppe duge asa bolla wodhdhides; boshazi daro iita gidida gishshas asay he shachcha bosha gaason Xoossaa cayides.

ዮናሳ ቲንቢቴ 1:4

Markabezi bishin GODAY abba bolla gote carko denththiin abba dambalay keehi darida gishshas markabezi meqqana gakkides.

ኣሞጼ ቲንቢቴ 7:4

Ubbaafe Wolqqama GODAY tana ajjuuta bessides; GODAY qaxxayanaas tama pirda yeddides; tamazikka wogga gita abbaa miichchidi biitta muus oykkides.

ኣሞጼ ቲንቢቴ 4:13

Zumata ooththidaadey carkota medhdhidaadey ba qoppidayssa asas qonccisizay gallassa poo7o gede dhuman laammizay biitta bolla dhoqqasohon hemettizayssa sunththay GODAA Salo Xoossa.

ኢዩኤሌ ቲንቢቴ 2:30

Saloninne sa7an malalisiza miishshata ta bessana; suuththi, tamaynne cuwa tuussi beettana.

ኢሳያሳ ቲንቢቴ 66:16

Tamaninne mashshan GODAY ba pirdaa asa ubbaa bolla ehana; daroti GODAA mashshan shukettana.

ዬ ማጻፋ 103:20

Intteno iza kiitanchchatoo! Iza azazo poliza wolqqamatoo! Izi gizayssa ezgizaytoo! GODAA galatite.

ዬ ማጻፋ 18:12

Iza sinththan de7iza gita poo7ozappe shachchinne wolqqanththi ke7ides; dhippi gida shaarakka kanththi ke7ides.

ኢያሶ ማጻፋ 10:11

Beeti-Horooneppe duge Azeeqe efiza oge oykkidi istti Isra7eele asaa sinththafe baqatishin GODAY wolqqama shach saloppe istta bolla bukisides. Histtiin Isra7eele asay mashshan wodhida asaappe, shachchay wodhida asay keehippe daro.

ታይቦ ማጻፋ 16:35

Qasseka GODAY saloppe tama yeddidi exaane cuwasiza 250 asaa xuuggides.

ሌዌታ ማጻፋ 10:2

Istti qoppontta Xoossa achchafe yida tamay istta mida gishshas istti GODAA sinththan hayqqida.

ኬሳ ማጻፋ 14:21

Hessafe guye Musey abbaa bollan ba kushe piddisides; GODAY he gallassa omars kumeth arshey mokkiza baggafe wolqqama carko yeddidi, abbaa shaakki shaakkidi mela biitta kessides. Haaththayka nam7an shaakettides.

ኬሳ ማጻፋ 10:19

GODAYKKA arshey mokkiza baggara yida carkoza arshey wulliza baggara yida wolqqama carkon laammiin booleza tookki ekki efidi, Zo7o abbaan yeggides. Gibxe biitta kumeththaan issi booleykka attibeenna.

ኬሳ ማጻፋ 10:13

Musey ba oykkida guufaa Gibxe biitta bolla dhoqqu histti denththiin, he wode gallassinne qamma GODAY arshey mokkiza baggafe wolqqama carko biitta ubbaa bolla yeddides; gadey wontishin he carkoy boole ekki yides.

ሜቴ ማጻፋ 19:24

He wode GODAY tamanne xuuggiza diine Sodoome bollanne Gamoora bolla saloppe bukisides.

ኢዮቤ ማጻፋ 37:12

Goda kaaleththon shaarati biitta yuushon yuuyeettes; banttana maaddiza azazotakka poleettes.

ዮናሳ ቲንቢቴ 1:5

Histtiin markabezan diza asay babbida gishshas wurikka ba xoossaako waassides; qasse markabezi kawuyana mala iza giddon diza caanaa denththidi abbaan olida; gidikkoka Yoonaasi markabezas garsa kifile wodhidi heen deexo dhisko wodhides.