ዬ ማጻፋ 14:1 - Geeshsha Maxaafa

¹ Eeyati bantta wozinan, «Xoossi baawa» geettes; istta de7oy moorettides; istti harassiza miish ooththeettes; istta giddon lo7o ooththiza issi asikka deenna.

ጋሞ ማጻፋ

¹ ኤያቲ ባንታ ዎዚናን፥ «ጾሲ ባዋ» ጌቴስ፤ ኢስታ ዴኦይ ሞሬቲዴስ፤ ኢስቲ ሃራሲዛ ሚሽ ኦቴስ፤ ኢስታ ጊዶን ሎኦ ኦዛ ኢሲ ኣሲካ ዴና።

ዬ ማጻፋ 14:1 Referans Kwoze

ዬ ማጻፋ 10:4

Iita asi otoreteththan Xoossa koyenna; iza qofa ubbaan Xoossi deenna.

ዬ ማጻፋ 53:1

Eeyati bantta wozinan, «Xoossi baawa» geettes; istti moorettidayta; istta oosoykka harassizaaza; istta garsafe lo7o ooththizay deenna.

ዬ ማጻፋ 92:6

Hessa eeya asi eranawu dandayenna; damma asikka akeekanawu dandayenna.

ሜቴ ማጻፋ 6:5

GODAY he wode biitta bollan diza asaa iitateththi daridayssanne istti ba wozinan qoppizayssi wuri ubba wodekka iita xalala gididayssa be7ides;

Maatosa 12:34

Intteno marzera diza shooshshatoo! Intte iitata gidi uttidi waani lo7o haasayanaas dandayeetii? Ulo giddon kumidaazi doonara haasayettees.

ሉቃሳ ሚሺራቾ 12:20

«Gido attiin, ‹Xoossi haysso eeyazoo! Ne shemppoyo hach omars neeppe ekkana koyeettes; hessa gishshas ne nees shiishshidayssi oonas gidanee?› gides.

Maatosa 15:19

Iita qofay, shempo wodhoy, laymay, laymatanaas qaaqqatoy, kaysoy, wordo markkateththinne asa sunth mooroy wuri wozinappe pulttees.

ሌሚሶ ማጻፋ 1:7

Aadho erateththas koyroy GODAAS yashshateththa; eeyati gidikko aadho erateththinne seera kadheettes.

Titosas 3:3

Nunikka kase qofay bayndayta, azazettonttayta, balettizayta, dumma dumma amoninne lo7o duussas aylleteththan haarettizayta; asaranne nurkka nu garsankka ooyettishe iitateththaninne miqqayneteththan doos.

ኤፌሶኔ ኣሳስ 2:12

Intte he wode Kirstoosappe shaakettidi, Isra7eele naytappe haakkidi, caaqo qaalaska allaga gididi, hayssa alameza bolla hidotaynne Xoossi baynda kase intte diza duussaa yuushshi qopite.

ሌሚሶ ማጻፋ 27:22

Eeya as kaththa mala udulan yeggada, udula miththan caddizaakkoka izappe eeyateththi kichchenna.

ሌሚሶ ማጻፋ 1:22

«Intteno wozina pacetoo! Intte awude gakkanaas eeyateththa oge kaallanee? Qilccizaytoo! Intte qilccizayssan awude gakkanaas ufayetteetii? Eeyatoo! Erateththa awude gakkanaas ixxanee?

ኢዮቤ ማጻፋ 22:13

Neni gidikko, ‹Xoossi ay erizee? Girdi gida dhuman izi waani nu bolla pirdanawu dandayzee?

ዮሃኒሳ ኣጁታ 21:8

Gido attiin hankko baboti, isttas ammanettonttayti, tunati, asa shemppo wodhizayti, laymatizayti, bitizayti, eeqas goynnizayti, wordotizayti, heyta ubbata qaaday diinen eexxiza tama abbaa giddon gidana; hessika nam7anththo hayqo» gides.

Titosas 1:16

Istti bana nuni Xoos eroos geettes shin ba hanoteththaan gidikko kaddeettes; istti harassizayta, azazettonttaytanne lo7o oosos bessonttayta.

ኢሳያሳ ቲንቢቴ 1:4

Intteno nagaranchcha kawoteththatoo! Qohon kumidaytoo! Iita ooththiza zereththatoo! Intte aawata tunateththaa kaalliza naytoo! Inttena aayye ana! GODAA aggaagideta; Isra7eele geeshshaza yeggi aggideta; zokkoka izas zaarideta.

ዬ ማጻፋ 107:17

Isttafe issoti issoti ba makkallateththa gaason eeya gidida; ba nagara gaasonkka meton gelida.

ኢዮቤ ማጻፋ 15:16

Moorettidaynne tuniday nagarakka haaththa mala uyiza asi ay mala iitaa?

1ሳሜላ ማጻፋ 25:25

Ta godoo! Hessa booza Naabaale paxa miishshan qoodoppa! Addezas sunththaa birsheththi eeya guus gidida gishshas izikka ba sunththaa mala eeya! Eeyateththika izara gam7ides. Tani ne aylleya gidikko ne ta goday kiittida naateththata beyabeekke.

ሌሚሶ ማጻፋ 13:19

Amoy polettiko keehi ufayssees; eeyati gidikko iitappe haakkanaas koyettenna.

ዬ ማጻፋ 73:3

Ays giikko iita asatanne makkallanchchata dureteththaa be7ada tanikka istta mala hananaas amottadis.

ኤራንቻታ ማጻፋ 7:20

Nagara ooththontta mulera suure oosoninne xilloteththan xalla kanththiza asi biitta bolla deenna.

ኤርማሳ ቲንቢቴ 5:12

Istti GODAA bolla wordo haasayda; «Izi nuna aykkoka ooththenna; iita miishshika nu bolla gakkenna; olanne kosha nuni mulekka be7okko.

ኤርማሳ ቲንቢቴ 6:28

Istti ubbay zigirshe yuuyizaytanne yootiin ekkontta makkallanchchata; istti xarqimala malanne birata mala; istti ubbayka mooro ooththizayta.