5 GODAY gita gididayssanne nu GODAY xoossata ubbaafe dhoqqizayssa tani erays.
5 ጎዳይ ጊታ ጊዲዳይሳኔ ኑ ጎዳይ ጾሳታ ኡባፌ ቂዛይሳ ታኒ ኤራይስ።
Abeet GODAWU! Neni sa7a ubbaafe dhoqqaasa; xoossata ubbaafe neni gitataasa.
Gaasoykka GODAY wolqqama Xoossa, xoossata ubbaa bollaka wolqqama kawo.
GODAY gita; nu Xoossa kataman geeshsha zumazan gita galatay izas bessees.
GODAA intte Xoossay xoossa geetettiza ubbaafe bolla; godatas Godaa; izi gita, minonne yashshiza Xoossa; izi maaddi pirdontta Xoossanne maganxo ekkontta Xoossa.
«Hayssa mala ashshiza hara Xoossi deenna; hessa gishshas dumma dumma derey, dumma dumma kawoteththi woykko dumma dumma qaalan haasayza ay asikka Sidiraaqa, Misaaqanne Abdinaago Xoossa bolla cashsha qaalan haasaykko hessaadey shuketto; izaade keeththay laaletti dooretto» ga azazadis.
Geeshshazi isttas, «Tana oonara giniseetii? Tanara ginattizay oonee?» gees.
Izi biitta yuushoppe bollara ba araatan uttees; biitta bolla diza derey boole mala; salota magalasha mala miccees; duussaso dunkaane mala tokkees.
Salon GODAARA likkettanaas dandayzay oonee? Salo medheteththata giddonkka GODAA malay oonee?
Nu GODAY gita; izi keehippe wolqqama; iza erateththaas zaway deenna.