ዬ ማጻፋ 13:5 - Geeshsha Maxaafa

⁵ Gido attiin ne maaroteththa daron tani ammanettays; neni tana ashshiza gishshas tani ufayettays.

ጋሞ ማጻፋ

⁵ ጊዶ ኣቲን ኔ ማሮቴ ዳሮን ታኒ ኣማኔታይስ፤ ኔኒ ታና ኣሺዛ ጊሻስ ታኒ ኡፋዬታይስ።

ዬ ማጻፋ 13:5 Referans Kwoze

ዩሁዳ ኪታ 1:21

Nu Godaa Yesus Kirstoosi ba maaroteththan inttena mernaa de7on gaththanayssa naagettishe inttenateththaa Xoossaa siiqon naagite.

ኢሳያሳ ቲንቢቴ 12:2

‹Be7ite, Xoossay ta atoteththa; tani izan ammanettiza gishshas babbike; GODAY, Xoossay taas minoteththinne yeththa; ta atoteththay iza› gaandasa.

ኢምባቆ ቲንቢቴ 3:18

Tani ta GODAAN ufayettana; ta izan attida Xoossan ufayettana.

ዬ ማጻፋ 52:8

Gido attiin aaciza wogara miththa mala tani Xoossa Keeththan aacays; iza mernaa siiqon tani meri mernaas ammanettays.

ዬ ማጻፋ 9:14

Hessika tani Xiyoone asa karen eqqada nena galatanaassinne ne ashshidayssan keeha ufayettanaassa.

ዬ ማጻፋ 119:81

Ne tana ashshana mala ta shemppoya keeha laamotadus; tanikka ne qaala hidota ooththadis.

ዬ ማጻፋ 36:7

Abeet Xoossawu! Ne mernaa siiqoy ay keena al7o! Asay ne qefe giddon geemmi attees.

ዬ ማጻፋ 33:18

GODAA ayfeti izas yayyizaytanne iza mernaa siiqo hidota ooththiza asata xeellees.

ዬ ማጻፋ 32:10

Iitatas tuggay daro; gido attiin GODAAN ammanettizayta maaroteththi dooddees.

ዬ ማጻፋ 147:11

GODAY baas yayyizaytaninne iza siiqon ammanettizaytan ufayettees.

ዬ ማጻፋ 51:12

Ne atoteththaa ufayssaa taas zaarada imma; eeno giissiza ayanan ne tana kunththa.

1ሳሜላ ማጻፋ 2:1

Haannay, «Ta wozinay GODAAN ufayettides; ta kacey Xoossan dhoqqu dhoqqu gides; neni tana ashshida ashon tani ufayettida gishshas ta doonay ta morkketa bolla doyettides.

ሉቃሳ ሚሺራቾ 2:20

Heemmizaytikka hanidayssi wurikka kiitanchchay isttas yootida mala gididi beettida gishshas siyidayssassinne be7idayssas ubbaas Xoossa galatishenne bonchchishe simmida.

ዬ ማጻፋ 25:2

Abeet ta Xoossawu! Tani nenan ammanettays; tana yeellasoppa; ta morkketikka ta bolla ceeqettofetto.

ዬ ማጻፋ 38:17

Tani kundana matadis; ta sakoykka paxontta ixxides.