ዬ ማጻፋ 13:2 - Geeshsha Maxaafa

² Awude gakkanaas tani ta qofara baaxetanee? Awude gakkanaas ta wozinay ceecishe daanee? Ta morkketi ta bolla awude gakkanaas goobanee?

ጋሞ ማጻፋ

² ኣዉዴ ጋካናስ ታኒ ታ ቆፋራ ባጼታኔ? ኣዉዴ ጋካናስ ታ ዎዚናይ ጬጪሼ ዳኔ? ታ ሞርኬቲ ታ ቦላ ኣዉዴ ጋካናስ ጎባኔ?

ዬ ማጻፋ 13:2 Referans Kwoze

ኤርማሳ ቲንቢቴ 8:18

Ta ceeciza wode tana minththeththizayssoo! Ta wozinay keehi meqqides.

ኤርማሳ ቲንቢቴ 15:18

Ta bolla hargey ays minnidee? Ta madunththay ays dari dari bidee? Ays paxontta ixxidee? Neni taas baleththiza shaafa malanne cimmiza pultto mala ays gidadii?

ኤርማሳ ዚላስ 1:5

Izi nagaray daro gidida gaason GODAY izi bolla meto yeggides; izi morkketi izo haarida; izi naytikka morkketan di7ettida; izi morkketas duussi lo7ides.

ኤራንቻታ ማጻፋ 5:17

Izi ba layth ubbaa ceecen, waayen, yiilloninne dhuma duussan wursees.

ሌሚሶ ማጻፋ 15:13

Wozina ufayssi sinth poo7isees; wozina ceecey gidikko ayana qohees.

ኢዮቤ ማጻፋ 10:15

Ta nagara ooththidaakko eesora meto giddon kundana; lo7o miish ooththidaa gidikkoka galatetikke; ta gilqiin yeellay tana gakkides.

ፒሊጲሲዮሴ ኣሳስ 2:27

Tumappeka izi hargidi hayqqishe attides; gido attiin Xoossi iza maarides; ta kase muuzottizayssa bolla hara muuzoy gujettontta mala tanakka maaddides.

ኦሮሜ ኣሳስ 9:2

Taas wozinappe kichchontta gita qofaynne mishay dees.

ዮሃኒሳ ሚሺራቾ 16:6

Gido attiin hayssa wursa ta inttes yootida gishshas intte wozinay muuzottees.

Maatosa 26:38

Hessafekka, «Ta shemppoya hayqqana gakkanaas daro muuzottadus; tanara minnidi hannin takkite» gides.

ኤርማሳ ዚላስ 1:9

Izi tunateththi izi may7o bolla beettides; sinththafe izi bolla hananayssa iza qoppabeekku; izi kundeththi daganththizaaz gidides; iza, «Ta Godaa Xoossoo! Ta metotiza metoza be7a; ta morkketi tana xoonida» ga woossiinkka izo minththeththizay oonikka beettibeenna.

ዬ ማጻፋ 116:3

Hayqoy woximade mala tana dooddi oykkides; duufon geloy tana hirgisides. Ceeceynne un7oy tana toli oykkides.

ዬ ማጻፋ 74:18

Abeet GODAWU! Ne morkketi ne bolla wostti qilccidaakko, qasse eeya asati ne sunththaa wostti kadhidaakko qoppa.

ዬ ማጻፋ 74:10

Abeet Xoossawu! Ne morkketi awude gakkanawu ne bolla qilccanee? Istti ne sunththa mernaas kadhishe daanee?

ዬ ማጻፋ 42:4

Ta wozinaya ceeceththan giddora seerashe haytantta akeekadus; daro wode ta Xoossa keeth kaaleththashe ililisaninne galata yeththan ba7aale bonchchana shiiqida daro asa giddora ta waana bizaakko aamusadis.

ዬ ማጻፋ 31:18

Xilloza bolla otoron, kadheninne xalateththan haasayza gishshas wordanchchata doona duudisa.

ዬ ማጻፋ 17:9

Un7eththiza iitatappenne dooddi uttida wolqqama morkketa kusheppe ne tana ashsha.

ዬ ማጻፋ 10:18

Oonikka istta yashisontta mala maadoy bayndaytassinne yi7otas ne pirda.

ዬ ማጻፋ 9:6

Morkketi meri mernaas dhayda; istta katamatakka mulera dhoqalla dhayssadasa; istti mulera dogetti attida.

ዬ ማጻፋ 8:2

Neni ne morkketa gishshas ne baalgaaranne ne bolla mandizayssa sirphi ooththanawu guuththa nayta doonaninne dhammiza nayta doonan galata kunththadasa.

ዬ ማጻፋ 7:2

Neni tana ashshontta aggiko, istti tana gaammo mala menththereththidi, ooninne ashshonttason puuzereththana.

ኣስቴሪ ማጻፋ 7:6

Asterakka, «Nu baalgaaranne nu morkke gidida ha iita as Haama» gadus. He wode Haamay kawoza sinththaninne godattey sinththan keehi dagammides.

1ሳሜላ ማጻፋ 24:19

Ba morkke demmidi iza bolla qoho gaththontta dishe yeddizay oonee? Neni hach taas ooththida kiyateththaa kushe GODAY nees zaaro.

1ሳሜላ ማጻፋ 18:29

Sa7ooli kaseppe aaththi babbides; hayqqanaashe gakkanaas izas morkke gidides.

ሉቃሳ ሚሺራቾ 22:53

Gallas gallas ta inttenara Xoossa Keeththan dishin ta bolla kushe woththibeekketa; hayssi dhumay kawotida intte wode» gides.

ኤርማሳ ቲንቢቴ 45:3

Neni, ‹GODAY ta sako bolla ceece gujjida gishshas taas aayye ana! Tani daro yeekkida gishshas daaburadis; shempoyka taas baawa› gadasa» gees.

ዬ ማጻፋ 38:17

Tani kundana matadis; ta sakoykka paxontta ixxides.

ዬ ማጻፋ 6:4

Abeet GODAWU! Neni simmada tana ashsha; ne maaroteththa daron tana kessa ekka.

ኤርማሳ ዚላስ 5:20

Ne nuna ays ubba wode co7u gay? qasse ays hayssa gakkanaas aggaagadii?