ዬ ማጻፋ 127:3 - Geeshsha Maxaafa

³ Nayti GODAAPPE imettiza imotata; naytikka tumappe iza woyto.

ጋሞ ማጻፋ

³ ናይቲ ጎዳፔ ኢሜቲዛ ኢሞታታ፤ ናይቲካ ቱማፔ ኢዛ ዎይቶ።

ዬ ማጻፋ 127:3 Referans Kwoze

ዛሬ ማጻፋ 28:4

Ne nayti, ne biittan diza kaththa ayfey, ne miizati, dorsatinne deyshati ubbay anjjettana.

1ሳሜላ ማጻፋ 1:27

He wode hayssa ha naaza immana mala woossadis; GODAYKKA ta woossidayssa taas immides.

ኢሳያሳ ቲንቢቴ 8:18

Tananne taas GODAY immida nayta be7ite. Nuni Xiyoone zuman diza Ubbaafe Wolqqama GODAAPPE Isra7eeles malatanne markka.

ሜቴ ማጻፋ 48:4

Izi tana, ‹Ta nees yelo immana ne yelotakka darsana; tani nena daro dere histtana. Ha biittaa tani neeppe guye ne zereththas mernaas laata biitta histta immana› gides.

ሜቴ ማጻፋ 33:5

Hessafe guye Eesawey dhoqqu gi xeellidi maccassatanne nayta be7idi, «Ha nenara dizayti oonanttee?» gi oychchides. Yaaqoobey izas, «Hayti Xoossi ne aylles taas ba kiyateththan immida nayta» gides.

ሜቴ ማጻፋ 1:28

Xoossi isttas, «Yelettite; corattite; hayssa biittaa kumitenne haarite; abba mole, salo kafotanne biitta bolla woxxi qaaxxiza, shemppora diza medheteththata ubbaa haarite» gi anjjides.

ሜቴ ማጻፋ 24:60

Istti Irbiqa, «Nu michcheye Irbiqaa! Coratta biitta kuma; ne zereththi ba morkketa katamata laattetto» gi anjjida.

1ታሪኬ ማጻፋ 28:5

GODAY taas cora nayta immides; ta nayta ubbaafe Godaa Xoossa kawota araatan uttidi Isra7eele bolla kawotana mala ta naa Solomoone doorides.

ኢሳያሳ ቲንቢቴ 13:18

Istta wondafeti wodallata wursana; qeeri naytakka maarettenna; istta wozinaykka naytas mishettenna.

ሜቴ ማጻፋ 4:1

Addaamey ba machcho Hewaanira aqiin iza shaarada attuma naa yeladus; «GODAY tana maaddiin attuma naa demmadis» gashe iza Qayeele ga sunththadus.

ዛሬ ማጻፋ 28:11

GODAY nees immanaas kase ne aawatas caaqqida biittaa bolla nees daro nayta, daro mehenne keehi daro kath immana.

ዳናታ ማጻፋ 12:9

Ibxaanes 30 attuma naytinne 30 macca nayti deettes; izi ba macca nayta ba qommo gidontta attuma naytas immides; ba attuma naytaska ba qommo gidontta macca nayta giigsidi ehides. Ibxaaney Isra7eele bolla laappun layth daannatides.

2ሳሜላ ማጻፋ 3:5

Usuppunththo naazi Dawite machcho Eglippe Yitiraamey yelettides; hayti Dawiti Kebroonen dishin izas yelettidayta.

1ታሪኬ ማጻፋ 8:40

Ulaame nayti wolqqamanne mino olanchchata; isttika wondafen duko erizayta; Ulaames 150 attuma naytinne nayta nayti deettes. Hayti ubbati Biniyaame zareta.

ኢዮቤ ማጻፋ 1:2

Izas laappun attuma naytinne heedzdzu macca nayti deettes.