ዬ ማጻፋ 12:3 - Geeshsha Maxaafa

³ Abeet GODAWU! baleththiza doona gorda; otoron haasayza inxarsata qanxxa;

ጋሞ ማጻፋ

³ ኣቤት ጎዳዉ! ባሌዛ ዶና ጎርዳ፤ ኦቶሮን ሃሳይዛ ኢንጻርሳታ ቃንጻ፤

ዬ ማጻፋ 12:3 Referans Kwoze

ሌሚሶ ማጻፋ 18:21

Inxarsa bolla hayqoynne de7o wolqqay dees; izo dosizayti izi ayfe meettes.

ዮሃኒሳ ኣጁታ 13:5

Izas otoreteththinne cashsha qaala haasayza doonay imettides; izi oyddu tammanne nam7u agina gakkanaas godateththan ooththana mala izas imettides.

ዳኔላ ቲንቢቴ 7:8

«Tani kaceta gishshas qofan dishin kaceta giddora hara issi guuththa kacey kezides. Koyro kacetappe heedzdzati shodetti wodhdhida; he guuththa kacezas asa ayfeynne otoreteththan haasayza doonay dees.

ዬ ማጻፋ 17:10

Isttas qadhettiza wozinay baawa; otoro haasaya haasayeettes.

ዩሁዳ ኪታ 1:16

Heyti he asati ubba wode zuuzumettizaytanne ay miishshankka ufayetti eronttayta; istti ba iita amo kaallizayta; istta doonan otoreteththa qaalay kumides; baas ba go7a koyishe as aadasheettes.

2ጴጽሮሳ ኪታ 2:18

Kase bala garsan diza asata giddofe kessi ekki yiidi daro gam7ontta asata; hada gidida otoro qaala haasayan, asho amoninne layman baleththeettes.

ሚልካሳ ቲንቢቴ 3:13

«Intte ta bolla xalateththa qaala haasaydeta» gees Ubbaafe Wolqqama GODAA Xoossay. «Intte gidikko, ‹Ne bolla nu ay haasaydonii?› geeta.

ዳኔላ ቲንቢቴ 7:25

Izi Ubbaafe Dhoqqa Xoossaa bolla makkalla qaala haasayana; iza geeshshata izi waayisana; iza bonchcho ba7aaletanne iza woga laammanaas izi dafettana; geeshshati heedzdzu layththinne bagga gakkanaas iza godateththa garsan de7ana.

ሂዚቄላ ቲንቢቴ 29:3

Neni izas Ubbaa Haariza GODAY, «Shaafa haaththa giddon ichchida haysso gita do7azoo! Gibxe kawo Paaroone! Ta ne bolla dendadis; ‹Abbaye shaafay tayssa; tani taas medhdhadis› gaasa.

ሂዚቄላ ቲንቢቴ 28:9

Histtiin neni nena wodhizayta sinththan, ‹Tani xoossa› gaandii? Nena wodhizayta kushen ne gelashe neni asa attiin xoos daakka.

ሂዚቄላ ቲንቢቴ 28:2

«Haysso asa nawu! Xiroose halaqas Ubbaa Haariza GODAY: «Ne wozinay otoron kumidi, ‹Tani xoossa; xoossa araatan abbaas giddo addan uttadis› gides. Aykkoska neni tani xoossa mala aadho eranchcha ga qoppikokka neni asa attiin xoos daakka.

1ሳሜላ ማጻፋ 2:3

«Hayssa mala otoron haasayopite; hayssa mala ceeqeteththa qaalay intte doonappe kezoppo; gaasoykka GODAY izi era; ooso ubbaa izi geeddarees.

ኬሳ ማጻፋ 15:9

«Morkkey ceeqettishe, ‹Tani istta yedeththa oykkana. Tani istta haaro shaakkada, ta koyidayssa ubbaa ekkana. Tani ta giththa mashsha shoddada, istta dhayssana› gides.

ኢሳያሳ ቲንቢቴ 10:10

Yerusalaameninne Samaariyan de7iza eeqa misletappe dariza misleta goynniza kawoteththata seeranaas tani ta kushe yeddadis.

ኢዮቤ ማጻፋ 32:22

Tani as aadashoy mulekka hanenna; ta hessa mala ooththiko tana medhdhidayssi tana hanqana.

ዬ ማጻፋ 55:22

Ne meto GODAA bolla woththa; izi nena minththi naagana; izi xilloti kundana mala ooththenna.

ዬ ማጻፋ 116:11

Taas gizaazi dhayiin, «Asi ubbay wordo» gadis.

ዬ ማጻፋ 140:12

GODAY hiyeesatas pirdizayssanne metotanchchatas mootettizayssa ta erays.

ሌሚሶ ማጻፋ 26:24

Gene asi ba doonan cimees; gido attiin ba wozinan iitateth xunttees.

ኢሳያሳ ቲንቢቴ 59:4

Xilloteththan mootizay baawa; tumateththan pirdizay oonikka deenna. Hada yo7on ammanetteettes; wordo haasayeettes; shiro qanththatidi iitateth yelida.

ኤርማሳ ቲንቢቴ 9:8

Istta inxarsay wodhiza yiishsha mala; istti cimo haasaya haasayeettes. Ubbayka bantta laggetara siiqo qaalan haasayeettes; gido attiin bantta wozinara woximade giigsseettes.

ኤርማሳ ቲንቢቴ 12:6

Ne ishatinne ne soho asati nena hilida; ne bolla waassida; hessa gishshas istti nees lo7o haasaykkoka ne istta ammanoppa.