ዬ ማጻፋ 119:1 - Geeshsha Maxaafa

¹ Bantta ogen borey bayndaytinne GODAA wogga mala hemettizayti anjjettidayta.

ጋሞ ማጻፋ

¹ ባንታ ኦጌን ቦሬይ ባይንዳይቲኔ ጎዳ ዎጋ ማላ ሄሜቲዛይቲ ኣንጄቲዳይታ።

ዬ ማጻፋ 119:1 Referans Kwoze

ሉቃሳ ሚሺራቾ 11:28

Gido attiin izi, «Anjjettidayti Xoossa qaala siyidi azazettizayta» gides.

ሂዚቄላ ቲንቢቴ 11:20

Hessa gishshas istti ta azazo polana; ta wogaakka naagana. Istti ta dere gidana; tanikka istta Xoos gidana.

ያቆቤ ኪታ 1:25

Gido attiin bana geeshshiza lo7o wogaa xeelli be7idi izan minnizaadey ba siyidayssa ooththizaadeynne balonttaadey izi ba ooson anjjettidaade gidana.

ዬ ማጻፋ 128:1

GODAAS yayyizaytinne iza ogen hemettizayti ubbay anjjettidayta.

ዮሃኒሳ ሚሺራቾ 13:17

Intte hayssa eridi ooson peyshshiko intte anjjettidayta.

ዬ ማጻፋ 112:1

GODAY galatetto! GODAAS yayyiza asi, iza azazotakka polanaas ufayettiza asi anjjettidayssa.

ሌሚሶ ማጻፋ 11:20

GODAY iita qofay de7iza asata shaatettees; gido attiin suure hemettizaytan ufayettees.

ሃዋሬታ ኦሶ 24:16

Hessa gishshas Xoossa sinththaninne asa sinththan sidhey baynda hanoy taas daana mala ubba wode minnays.

ዬ ማጻፋ 101:2

Tani suure oge kaallana; neni taakko awude yaanee? Tani ta keeththan suureteththan daana.

ሆሴኤ ቲንቢቴ 14:9

Aadho eranchchay ha yo7ota akeekana. Akeekizaadey ha yo7ota erana; GODAA ogey suure; xilloti izan hemetteettes. Nagaranchchati gidikko izan dhuphetteettes.

ዮሃኒሳ ኣጁታ 22:14

He de7o miththa ayfe maanaassinne he katamayo izi pengera gelanaas bessizayti ba may7o meeccidayti anjjettidayta.

ዬ ማጻፋ 101:6

Istti tanara daana mala biitta bolla de7iza ammanettizayta tani lo7o ayfen xeellays. Suureteththan hemettiza asi taas haggazana.

2ቆሮንቶሴ ኣሳስ 1:12

Histtiko nu ceeqeteththi hayssa mala; ha alamezan harappeka inttessara nuussara diza gaytoteththan Xoossafe gidida geeshshateththaninne suureteththan nu de7idayssa nu wozinay nuus markkattees; hessika asa cinccateththan gidontta Xoossa kiyateththanna.

ዮሃኒሳ ሚሺራቾ 1:47

Natina7eeley Yesusa beyana yishin Yesusi be7idi iza, «Hekko! Geney baynda tumu Isra7eele asa!» giidi iza gishshas yootides.

ኢዮቤ ማጻፋ 1:8

GODAY Xala7eza, «Ta aylleza Iyoobe lo7eththa beyadii? Iza mala ammanettidanne suure as biitta bolla beettibeenna; izi iita ubbaafe haakkidi taas yayyiza suure asa» gides.

ኢዮቤ ማጻፋ 1:1

Uuxe geetettiza deren issi Iyoobe geetettiza asi dees. Izikka iita ubbaafe haakkidaade; wosoy iza bolla bayndaade; Xoossas yayyizaadenne suure asa.

2ካዎታ ማጻፋ 20:3

«Abeet GODAWU! Tani ne sinththan ammaneteththan, kumeththa wozinappe hemettidayssanne nena ufayssizaaz ooththidayssa taas qoppa» giidi camo yeeho yeekkides.

ሌሚሶ ማጻፋ 13:6

Xilloteththi Suure as naagees; iitateththi gidikko nagaranchcha dhayssees.

2ሳሜላ ማጻፋ 22:22

GODAA oge ta naagida gishshas tani Xoossafe sher7i gaada iita ooththabeekke.

ሌሚሶ ማጻፋ 29:18

Ajjuutay bayndason derey yeda daana; gido attiin wogaa naagiza asi anjjettidaade.