ዬ ማጻፋ 11:5 - Geeshsha Maxaafa

⁵ GODAY xillotanne nagaranchchata pilggi xeellees. Gido attiin geellateththinne makkallateth siiqizayta izi keehippe ixxees.

ጋሞ ማጻፋ

⁵ ጎዳይ ጺሎታኔ ናጋራንቻታ ፒልጊ ጼሌስ። ጊዶ ኣቲን ጌላቴኔ ማካላቴ ሲቂዛይታ ኢዚ ኬሂፔ ኢጼስ።

ዬ ማጻፋ 11:5 Referans Kwoze

ያቆቤ ኪታ 1:12

Paacen minni eqqidaadey izi anjjettidaade; gaasoykka izi paacera eqettishin Xoossi bana dosizaytas immida hidota de7o akilile izi ekkana.

1ጴጽሮሳ ኪታ 4:12

Ta siiqotoo! Intte tama mala paacciza meto giddon geliza wode hessa malay kase baynda ooraththa miishshi gakkidaaz inttes misatiin malalettofte.

1ጴጽሮሳ ኪታ 1:7

Hessi he paacezi intte bolla gakkizay intte ammanozi tumu gididayssa qonccisanaassa. Dhayana worqqayka taman paacettees; worqqafe aadhdhi bonchcho gidida intte ammanoykka hessaththo paacettanaas bessees. Hessi paacettida intte ammanoy Yesus Kirstoosi qoncciza gallas galatas, bonchchossinne sabas inttena gaththana.

ዬ ማጻፋ 26:2

Abeet GODAWU! Tana paacca; ta qanth pilgga; ta wozina xeella;

ዬ ማጻፋ 7:9

Qofanne wozina pilgga eriza xillo Xoossawu! Iitata geneza neni dhayssa; gido attiin xillota saron naaga.

ሜቴ ማጻፋ 22:1

Hessafe guye Xoossi Abrahaame paaccides; Xoossi, «Abrahaamee!» gi xeygiin Abrahaamey, «Yee!» gi koyides.

ዬ ማጻፋ 21:8

Ne kushey ne morkketa ubbaa demmana; ne ushachchay nena ixxizayta oykkana.

ዛካራሳ ቲንቢቴ 11:8

Issi agina giddon mehe heemmiza heedzdzata diggadis; isttika tana ixxida gishshas tanikka istta salettadis.

ኤርማሳ ቲንቢቴ 12:8

Ta xinxxoya wora giddon diza gaammo mala ta bolla dendadus; ta bollaka xaaggadus; hessa gishshas tani izo ixxadis.

ዬ ማጻፋ 139:1

Abeet GODAWU! Neni tana pilgga eradasa.

ዬ ማጻፋ 17:3

Neni qamman tana xomosadasa; ta wozina paaccadasa; ne paaccidaa gidikkoka ta bolla aykkoka demmabeekka. Ta inxarsay iita haasaybeenna.

ዬ ማጻፋ 10:3

Iita asi ba wozina amon ceeqettees; Yoray GODAA cayeessinne kaddees.

ሚልካሳ ቲንቢቴ 3:3

Bira taman seerisidi lo7eththi geeshshiza asa mala uttana; Lewe nayta worqqa malanne bira mala geeshshana; hessafe guye GODAAS yarsho shiishshiza xillo asati daana.

ዛካራሳ ቲንቢቴ 13:9

He attida issi kushe asaa ta gede taman yeggana; bira taman geeshshiza mala ta geeshshana; worqqa malakka paaccana; istti ta sunth xeygana; tanikka isttas koyana; ta isttas, ‹Ta dereta› gaana; isttika, ‹Nu GODAA› gaana» gides.

ዬ ማጻፋ 5:6

Wordo haasayzayta neni dhayssaasa. Suuth gussizaytanne cimmiza asata neni harasettaasa.

ኤርማሳ ቲንቢቴ 20:12

Abeet Ubbaafe Wolqqama GODAWU! xilloza paaccizayssoo! wozinanne kaha pilgga xeellizayssoo! tani ta mooto nees aaththa immida gishshas neni istta bolla halo kessishin ta ayfen be7anaas tana gaththa.