ዬ ማጻፋ 11:2 - Geeshsha Maxaafa

² Nagaranchchati wozina geeshshata dhuman caddanaas bantta wondafe dafi oykkida.

ጋሞ ማጻፋ

² ናጋራንቻቲ ዎዚና ጌሻታ ማን ጫዳናስ ባንታ ዎንዳፌ ዳፊ ኦይኪዳ።

ዬ ማጻፋ 11:2 Referans Kwoze

ኤርማሳ ቲንቢቴ 9:3

GODAY, «Istti bantta inxars wordo haasayanaas wondafe mala giigsida; tuman gidontta wordora biittay bolla minnida; istti iita bolla iita gujji gujji bida; tanakka erettenna» gees.

ዬ ማጻፋ 37:14

Iita asati hiyeesatanne metotanchchata dhayssanawu, suureteththan hemettizayta wodhanawu bantta mashsha shoddeettessinne bantta wondafeza dafeettes.

ዬ ማጻፋ 21:12

Nekka istta ne wondafeza yiishshan gooddaasa; istti guye simmidi baqatana mala ooththaasa.

ዬ ማጻፋ 142:3

Tani daaburda wode neni ta oge eraasa; ta hemettiza ogen tana oykkanaas woximade woththida.

ዬ ማጻፋ 125:4

Abeet GODAWU! Lo7o asatassinne wozina suure asatas ne lo7o ooththa.

ዬ ማጻፋ 97:11

Xillotas poo7oy poo7i poo7i baana; wozina suuretas ufayssi daana.

ዬ ማጻፋ 94:15

Pirday simmidi xillo pirdas yoch gidana; xilloti ubbay tuma pirda kaallana.

ዬ ማጻፋ 64:10

Xilloti GODAAN ufayetetto; izakka baas baqati attizaso ooththetto; wozina suureti ubbay iza galatetto.

ዬ ማጻፋ 32:11

Intteno xillotoo! GODAAN ufayettitenne «Hashshu!» giite; intteno wozina suuretoo! Ufayssan ililite!

ዬ ማጻፋ 10:2

Iita asati otoretteettes; hiyeesatakka yedeththeettes; istti haras woththida woximaden zaari oykettetto.

ዬ ማጻፋ 7:12

Asi ba nagara paaxidi simmontta aggiko, Xoossi ba mashsha leefees; izi ba wondafeza dafi oykkees.

ዬ ማጻፋ 7:10

Xoossi taas gondalle; wozina xillota izi ashshiza Xoossa.

1ሳሜላ ማጻፋ 23:9

Dawitikka Sa7ooli iza bolla iita qoppidayssa eridi qeese Abiyaataare, «Eefudeza hamma» gides.

1ሳሜላ ማጻፋ 18:21

Sa7ooli ba wozinara, «Izas woximade gidana mala, izi Filisxeemeta kushen aadhdhi imettidi dhayana mala ta izo izas immana» gi qoppides. Hessa gishshas Sa7ooli Dawite, «Hekko neni tanara bollotanaas qasseka qaada demmadasa» gides.