ሌሚሶ ማጻፋ 13:3 - Geeshsha Maxaafa

³ Ba doona naagiza asi ba shemppo naagees; doonan yida mala haasayza asi bana dhayssees.

ጋሞ ማጻፋ

³ ባ ዶና ናጊዛ ኣሲ ባ ሼምፖ ናጌስ፤ ዶናን ዪዳ ማላ ሃሳይዛ ኣሲ ባና ይሴስ።

ሌሚሶ ማጻፋ 13:3 Referans Kwoze

ሌሚሶ ማጻፋ 21:23

Ba doonanne ba inxars naagiza asi bana boshappe naagees.

ሌሚሶ ማጻፋ 18:21

Inxarsa bolla hayqoynne de7o wolqqay dees; izo dosizayti izi ayfe meettes.

ሌሚሶ ማጻፋ 18:7

Eeya asa haasayay iza dhayssees; iza metershati izas woximade gideettes.

ዬ ማጻፋ 39:1

Tani, «Inxarsan nagara ooththontta mala tani ta oge naagana; iita asati ta sinththan diza wode ta doona gordana» gadis.

ሌሚሶ ማጻፋ 10:19

Daro haasaya giddon mooroy dhayenna; ba doona shiishshi ekkiza asi gidikko aadho eranchcha.

ሌሚሶ ማጻፋ 20:19

Zigiranchchay xuura laallees; hessa gishshas lom7ulom7a asappe haakka.

ያቆቤ ኪታ 1:26

Ba doona naagontta barkka ba wozina baleththishe ta ammanays gizaadey barkka bana baleththees; iza ammanoykka hada ammano.

ሌሚሶ ማጻፋ 12:13

Iita asi ba haasayda iita haasayan oykettees; xilloy gidikko metoppe kessi ekki attees.

ዬ ማጻፋ 34:13

Ne inxarsaa iita haasayontta mala naaga; ne doonappe wordoy kezontta mala naagetta.

ዬ ማጻፋ 141:3

Abeet GODAWU! Ta doona naaganaas zabe woththa; ta mettershata pengen naagizayssa essa.

ሌሚሶ ማጻፋ 10:14

Aadho eranchchati erateth dagaseettes; eeya haasayay gidikko bash xeygees.

ሌሚሶ ማጻፋ 13:4

Azallay keehi amottees shin aykkoka demmenna; minni ooththizayta amoy gidikko kumana.

ዳናታ ማጻፋ 16:11

Histtiin izi izo, «Asi go7ettibeenna ooraththa wodoron tana qachchiko daaburada hara asa mala wolqqay bayndaade gidana» gides.

ዳናታ ማጻፋ 16:17

Hessa gishshas Samsooney izis, «Ta aayey uloppe doommiin tani Xoossas Naaziraawe gidida gishshas ta hu7e binanay meedetti erenna. Ta hu7e binanay meedettiko ta wolqqay taappe dhayiin tani hara asa mala wolqqay bayndaade gidana» giidi ba wozinan dizayssa ubbaa izis yootides.

ሌሚሶ ማጻፋ 10:8

Aadho eranchchay azazo ero gi ekkees; lom7ulom7iza eeyati gidikko bashshaso beettes.

ሌሚሶ ማጻፋ 14:3

Eeya haasayay iza zokkos gatuma ehees; aadho eranchchata inxarsay gidikko istta naagees.