ፒሊጲሲዮሴ ኣሳስ 4:7 - Geeshsha Maxaafa

⁷ Asa qofappe bollara diza Xoossa saroteththi intte wozinanne intte qofaa wursi Yesus Kirstoosan naagees.

ጋሞ ማጻፋ

⁷ ኣሳ ቆፋፔ ቦላራ ዲዛ ጾሳ ሳሮቴ ኢንቴ ዎዚናኔ ኢንቴ ቆፋ ዉርሲ ዬሱስ ኪርስቶሳን ናጌስ።

Gamo Geesha Maxxafa New Testamen

⁷ Asa qofape bollara diza Xoossa sarotethi inte wozinane inte qofa wursii Yesus kiristoosan naagees.

ፒሊጲሲዮሴ ኣሳስ 4:7 Referans Kwoze

ዮሃኒሳ ሚሺራቾ 14:27

«Ta inttes saroteth aggada bays; ta saroteththika ta inttes immana; ta inttes immiza saroteththi alamey immiza saroteththa mala deenna; intte wozinay hirgofonne babbofo.

ኢሳያሳ ቲንቢቴ 26:3

Nenan ammanettida gishshas nenan zemppida shemppoyo neni kumeththa saroteththan naagaasa.

2ታሶሎንቄ ኣሳስ 3:16

Saroteththaa Goday izi ba baggara yo7o ubbaan inttes saroteth immo; Goday inttenara ubbaara gido.

ቆላሲያሴ ኣሳስ 3:15

Intte wurikka issi asho gididi saroteththas xeygettida Kirstoosa saroteththi intte wozinan kawoto; intte galatizayta gidite.

ዬ ማጻፋ 29:11

GODAY ba deraas wolqqa immees. Ba asaakka saroteththan anjjees.

ጋላቲያ ኣሳስ 5:22

Ayana ayfey gidikko siiqo, ufays, saroteth, dandaya, kiyateth, lo7eteth, ammaneteth,

ኦሮሜ ኣሳስ 15:13

Intte izan ammaniza gishshas hidota Xoossi inttenan ufayssinne saroteth kunththo; hessika Xillo Ayana wolqqa hidotay inttes daranaassa.

ዮሃኒሳ ሚሺራቾ 16:33

Ta hayssa inttes yootizay intte tanan de7iin inttes saroteththi daana mala gaada yootays. Intte ha alamen dishin inttes waayey dees; gido attiin aykkoy baa; ta alame xoonadis» gides.

ኦሮሜ ኣሳስ 8:6

Ashos xalla qofay hayqo gidishin Ayana yo7os qofay gidikko de7onne saroteththa.

ኦሮሜ ኣሳስ 5:1

Histtiko nuni ammanon xillida gishshas nu Godaa Yesus Kirstoosa baggara nuus Xoossara saroteththi dees.

ኤፌሶኔ ኣሳስ 3:19

Intte Xoossaa kumeththara shaakki eridi izan kumeth gidana mala asa erappe bolla gidida Kirstoosa siiqo intte erana mala ta woossays.

ኢሳያሳ ቲንቢቴ 48:18

Neni ta azazo siyidaa gididaakko, nees saroteththi shaafa mala, nees xilloteththika abba dambala mala gidanashin.

ኢዮቤ ማጻፋ 22:21

«Hessa gishshas Iyoobe nenateththaa Xoossas haarisa; izarakka ne saron da; ne hayssa ooththiko lo7o miish demmana.

ኦሮሜ ኣሳስ 14:17

Xoossa kawoteththi Xillo Ayanan beettida xilloteth, saroteththinne ufayssafe attiin muussa yo7onne ushsha yo7o gidenna.

ኢሳያሳ ቲንቢቴ 48:22

«Iitatas saroy baa» gees GODAY.

ዮሃኒሳ ኣጁታ 1:4

Iisiyan diza laappun Woosa Keeththatas kasekka dizayssafe, ha7ikka dizayssafenne burokka yaana Xoossaafe iza alga sinththan diza laappun ayanatappe hessaththoka hayqoppe denththan bayra gididayssafe, ha biitta kawotas kawonne ammanettida markka gididayssafe, nuna siiqizayssafenne ba suuththan nuna nu nagaraappe geeshshida Yesus Kirstoosappe kiyateththinne saroteththi inttes gido.

ሉቃሳ ሚሺራቾ 1:79

Hessika dhuman dizaytassinne hayqo kuwa giddon dizaytaska poo7isana malanne nu tohotakka saroteththa oge kaaleththanaassa» gides.

2ቆሮንቶሴ ኣሳስ 13:11

Ane ha7i ta ishatoo! Saro diite; intte duussa lo7eththite; ta inttena zoroyssa kaallite; asay issoy issaara sigettite; saron diite; siiqonne saro Goday inttenara gidana.

ታይቦ ማጻፋ 6:26

GODAY nena ba maaroteththa ayfen xeello; ba saroteththka izi nees immo› gaada yoota.»

ሉቃሳ ሚሺራቾ 2:14

«Bolla salon Xoossas bonchchoy gido; saroteththika biitta bollan izi dosiza asaa ubbaas gido» gida.

ዬ ማጻፋ 85:8

Tani GODAA Xoossi yootizayssa siyana; istti simmidi bala ogen bontta aggiko, ba geeshsha deraas Saroteth ehanaas hidota immides.

ፒሊጲሲዮሴ ኣሳስ 4:9

Intte taappe tamaardayssa woykko ekkidayssanne siyidayssa woykko be7idayssa ay gidikkoka ubbaa ooththite; Goday inttenara gidana.

ሌሚሶ ማጻፋ 6:22

Neni hemettiza wode istti nena kaaleththana; neni ichchiza wode istti nena naagana; neni beegottiza wodekka istti nena zorana.

ኢሳያሳ ቲንቢቴ 26:12

Abeet GODAWU! Neni nuus saroteth yoch ooththadasa; nu ooso ubbaa neni ooththadasa.

ሌሚሶ ማጻፋ 4:6

Aadho erateth aggofa; iza nees gondalle gidana; izo siiqa; izakka nena naagana.

ኦሮሜ ኣሳስ 1:7

Xoossan dosettidaytanne geeshshata gidanaas xeygettida Oroome biittan diza inttes ubbaas nu Aawaa Xoossaafenne nu Godaa Yesus Kirstoosappe kiyateththinne saroteththi inttes gido.

ሌሚሶ ማጻፋ 2:11

Shaakki eroy nees gondalle gidana; akeekaykka nena naagana.

ናሂሚያ ማጻፋ 8:10

Nahimiyay, «Biidi lo7o kath miite; qasse mal7iza ushshu uyi ufayettite; aykkoy bayndaytas inttes dizayssafe immite; hayssi nu Xoossas anjjettida gallassa; Xoossa ufayssay inttes wolqqa gidida gishshas ceecopite» gides.

ኤርማሳ ቲንቢቴ 33:6

«Gido attiin tani izis paxateththinne payyateth zaara immana; ta derezakka paththana; ta istta daro saroteththaninne woppateththan woththana.

ኢሳያሳ ቲንቢቴ 45:7

Tani poo7o ooththadis; dhumakka medhdhadis; ta duresayssinne manqisays; hayssa ubbaa ooththiza GODAY tana.

Ibirawe 13:20

Dorsata heenththanchchay wogga Godaa Yesus Kirstoosa ba mernaa caaqo qaala suuththan iza hayqoppe denththida saroteththa Xoossi,

ኢዮቤ ማጻፋ 34:29

Xoossi co7u giikko oonee iza bolla pirdanay? Izi ba zokko zaarikko oonee iza beyanay?

ዮሃኒሳ ኣጁታ 2:17

«Ayanay Woosa Keeththatas gizayssa hayththi dizaadey siyo! Xoonidaades tani qotan diza mannafe iza immana; izi taas gididayssa bessanaas iza bolla ooraththa sunththi xaafettida booththa shuch izas ta immana; hessaka ekkidaadefe attiin hara asi oonikka erenna.

ዩሁዳ ኪታ 1:1

Yesus Kirstoosas ooththiza Yaaqoobe isha Yuhudappe, inttes xeygettidaytas, Xoossay Aaway siiqizaytassinne Yesus Kirstoosi naagidaytas ubbatas,

ፒሊጲሲዮሴ ኣሳስ 1:2

nu Aawaa Xoossaafe, Godaa Yesus Kirstoosappe kiyateththinne saroteththi inttes gido.

ኤርማሳ ቲንቢቴ 32:16

Tani Neeriya naa Baarokes gadeza shammida wule waraqata immidaappe guye GODAA,

2ቆሮንቶሴ ኣሳስ 10:5

Xoos erontta mala dhuphe gidi dendiza palamanne otoreteth nu laalloos; asa qofa ubbaa di7i ekkidi Kirstoosas azazettana mala ooththoos.

ፒሊጲሲዮሴ ኣሳስ 1:1

Yesus Kirstoosa oosanchcha gidida Phawuloosappenne Ximtoosappe Woosa Keeththa cimataranne daaqonetara issife Piliphisiyoose deren diza ammanizaytas Yesus Kirstoosas dummatidaytas ubbaas,

ፒሊጲሲዮሴ ኣሳስ 4:19

Xoossi ba dureteththaa gina inttes koshshizayssa Godaa Yesus Kirstoosa baggara kunththana.

ፒሊጲሲዮሴ ኣሳስ 4:21

Ammaniza asa ubbaa Yesus Kirstoosa sunththan saro giite; tanara diza ishati wurikka inttena saro geettes.