ታይቦ ማጻፋ 9:15 - Geeshsha Maxaafa

¹⁵ Gaytoteththa Dunkaanezi tokettida gallas shaarazi Dunkaaneza goozi oykkides; omarsafe biidi gadey wonttana gakkanaas Dunkaaneza bolla tama misatiza shaaray kammi oykkides.

ጋሞ ማጻፋ

¹⁵ ጋይቶቴ ዱንካኔዚ ቶኬቲዳ ጋላስ ሻራዚ ዱንካኔዛ ጎዚ ኦይኪዴስ፤ ኦማርሳፌ ቢዲ ጋዴይ ዎንታና ጋካናስ ዱንካኔዛ ቦላ ታማ ሚሳቲዛ ሻራይ ካሚ ኦይኪዴስ።

ታይቦ ማጻፋ 9:15 Referans Kwoze

ኬሳ ማጻፋ 13:21

Istti gallassika qammaka hemettana mala GODAY istta oge bessanaas tuussa mala eqqida shaaran gallas, tuussa mala eqqida taman omars istta kaaleththides.

ኬሳ ማጻፋ 40:34

Hessafe guye shaaray Xoossa Dunkaaneza kammides; GODAA bonchchoyka iza kumides.

ዬ ማጻፋ 78:14

Izi istta gallas shaaran, omars tama poo7on kaaleththides.

ናሂሚያ ማጻፋ 9:19

«Ne maarotay gita gidida gishshas istti heen bazzo biittan dhayi attana mala aggabeekka; gido attiin istti gallas tuussa mala shaaran omars tuussa mala taman istti baanaas bessiza ogera istta kaaleththo aggabeekka.

1ቆሮንቶሴ ኣሳስ 10:1

Ta ishatoo! Kase nu Aawati shaaray isttafe bollara gididi kaaleththidayssa malanne istti wurikka zo7o abba pinnidayssa ta inttena qofsanaas koyays.

ኢሳያሳ ቲንቢቴ 4:5

GODAY Xiyoone zuma bollanne heen shiiqiza ubbata bolla gallas shaaranne cuwa, omars eexxiza tama poo7o kiittana; Xoossa bonchchoy katamayo dunkaane mala kammi naagana.

ዬ ማጻፋ 105:39

Xoossay istta kammanaas shaara miccides; omars isttas poo7isanawu tama giigsides.

ናሂሚያ ማጻፋ 9:12

Gallas tuussa mala eqqida shaaran, omarsi tuussa mala taman poo7isada istti baanaas bessiza ogera baana mala kaaleththadasa.

ታይቦ ማጻፋ 14:14

hessa hanida yo7o ubbaa hayssa derezan diza asaa kumeththas istti yootana; hayti ha asati neni GODAY nunara dizayssanne shaaray nuuppe bollara qonccen beettiza mala neni gallas gallas shaara mala tuussan omars omars tama mala tuussan gidada nuuppe sinththe aadhdha kaaleththizayssa siyishe gam7ida.

ኬሳ ማጻፋ 40:38

Istta oge ubbaan GODAA shaaray Isra7eele asay wuri be7ishin, gallas gallas Xoossa Dunkaane kammeessinne qamma qamma qasse tamay he shaaraa giddon eexxees.

ኬሳ ማጻፋ 40:2

«Koyro aginan koyro gallas, neni Xoossa Dunkaane tola.

ኬሳ ማጻፋ 14:24

Buro bazzoy zo7anaappe kasetidi GODAY tamaninne tuussa mala shaaran gididi, Gibxe olanchchata xeellida wode istta wozinay dhaydes.

ኬሳ ማጻፋ 13:22

Gallas tuussa mala eqqida shaaray, omars tuussa mala eqqida tamay asaa sinththafe ubba wode shaakettibeenna.

ታይቦ ማጻፋ 10:34

Istti ba dizasoppe dendi dendi bishin GODAA shaaray gallas gallas istta kammi oykkees.

ታይቦ ማጻፋ 17:7

Musey guufeta ubbaa ekkidi Gaytoteththa Dunkaaneza giddon GODAA Caaqo Qaala Taabotaza sinththan woththides.

ኬሳ ማጻፋ 40:35

Shaaray Xoossa Dunkaaneza bolla uttida gishshassinne GODAA bonchchoy iza giddon kumida gishshas Musey iza giddo gelanaas dandaybeenna.