ታይቦ ማጻፋ 33:1 - Geeshsha Maxaafa

¹ Isra7eele asay ba zarkken zarkken shaaketti shaaketti Museynne Aarooney kaaleththiin Gibxeppe kezidaappe guye dumma dumma wode istti dunkaani uttidasohoti hayssafe kaallizayta;

ጋሞ ማጻፋ

¹ ኢስራኤሌ ኣሳይ ባ ዛርኬን ዛርኬን ሻኬቲ ሻኬቲ ሙሴይኔ ኣሮኔይ ካሌን ጊብጼፔ ኬዚዳፔ ጉዬ ዱማ ዱማ ዎዴ ኢስቲ ዱንካኒ ኡቲዳሶሆቲ ሃይሳፌ ካሊዛይታ፤

ታይቦ ማጻፋ 33:1 Referans Kwoze

ሚኪያሳ ቲንቢቴ 6:4

Ta nena Gibxeppe kessadis; aylleteththa biittafekka wozzadis; nena kaaleththana mala Muse, Aaroonenne Maaramo nees yeddadis.

ዬ ማጻፋ 77:20

Musenne Aaroone kushen neni ne dereza dorsa wude mala kaaleththadasa.

1ሳሜላ ማጻፋ 12:8

«Yaaqoobeynne izaso asay Gibxe gelidaappe guye intte aawati maado demmanaas GODAAKKO waassida; GODAYKKA intte aawata Gibxeppe kessidi hayssa ha sohozan daana mala ooththida Musenne Aaroone kiittides.

ኢያሶ ማጻፋ 24:5

« ‹Hessafe guye Musenne Aaroone kiittadis; ta ehida boshan Gibxeta un7eththada inttena heeppe kessadis.

ኬሳ ማጻፋ 13:18

Hessa gishshas Xoossi asaa bazzo ogera yuushshidi, Zo7o abbaako kaaleththides. Isra7eele asay Gibxe biittafe olas giigettida asa mala giigettidi Gibxeppe kezides.

ኬሳ ማጻፋ 12:51

He gallassankka GODAY Isra7eele nayta istta cugan cugan Gibxe biittafe kessides.

ኬሳ ማጻፋ 12:37

Isra7eele asay Eraamise geetettiza katamappe dendidi Sukoote geetettizaso gakkanaas bides. Asay naytanne maccassaa gujjontta qoodiin tohon hemettiza attuma asay 600,000 gidides.

ታይቦ ማጻፋ 33:2

istti dumma dumma wode dunkaani uttidasohota sunththaa GODAY azazida mala Musey xaafides.

ዬ ማጻፋ 105:26

Hessafe guye ba aylle Musenne ba doorida Aaroone isttako kiittides.

ኬሳ ማጻፋ 6:26

GODAY, «Gibxe biittafe Isra7eele nayta istta cugan cugan kessite» giidi azaziday hayta Musenne Aaroone.

ኬሳ ማጻፋ 12:41

He oyddu xeetanne heedzdzu tammu layththay wuriza he wurseththa gallassan GODAA asay wuri Gibxe biittafe kezides.